Статистиката од засилените контроли во општините во Скопје покажува дека во Арачиното и Ченто секој трет возач што бил сопрен од полицијата за контрола или немал возачка дозвола или имал нерегистрирано, односно технички неисправно возило. Министерството за внатрешни работи во текот на вчерашниот ден (11 ноември) на териториите на Арачиново и Ченто изречени се вкупно 148 мерки.

Меѓу санкциите што се изречени 34 биле за возење без возачка дозвола, а 25 за неисправни и нерегистрирани возила.

Истиот ден само на територијата на град Скопје изречени се вкупно 348 мерки, меѓу кои за возење без возачка дозвола 51, потоа 38 санкции за технички неисправни и нерегистрирани возила, 85 мерки за непрописно паркирани возила и 23 санкции за неносење заштитна маска.

Засилените сообраќајни контроли продолжуваат и во наредните денови и МВР апелира до граѓаните да ги почитуваат сообраќајните правила и прописи за да ја зголемиме безбедноста во сообраќајот.