Министерот за здравство Венко Филипче на својот Фејсбук информираше дека почитувањето на мерките дава резултат.

-Почитувањето на мерките дава резултати, да останеме одговорни и за време на празниците, напиша Филипче.

Според податоците на 1 декември сме имале 6463 нови случаи, по спроведувањето на мерките во третата недела од месецот декември забележан е пад односно регистрирани се 4585 нови случаи.

Министерто вчера рече дека епидемијата полека стивнува.

-Се намалува бројот на пациенти кои се јавуваат за тестирање, што значи дека се намалува и бројот на пациенти. Доказ за тоа е се поголемиот број слободни термини и слободните болнички кревети и намалување на бројот на кревети во болничките установи, нешто што се констатираше во сите болнички установи, поточно во нивните амбуланти посебно во последната недела, рече Филипче одговарајќи на новинарско прашање.