ИутеКредит Македонија забележа позитивни финансиски резултати во периодот јануари – јуни 2021 година остварувајќи добивка од 37 милиони денари.

Компанијата бележи и значително подобрување на профитабилноста со што показателот за поврат на активата е позитивен и изнесува 4% што е за 30% повисок раст во однос на првото полугодие во 2020 година.

Заклучно со 30.06.2021 година, ИутеКредит Македонија достигна ниво на кредитно портфолио од 1,124 милиони денари што е за 83% пораст во однос на истиот период минатата година, а вкупната актива забележа раст од 150% кој се должи на значително подобрување на квалитетот на кредитното портфолио.

ИутеКредит Македонија бележи и позитивен тренд на ефикасноста по вработен која континуирано се подобрува и во однос на минатата година забележа раст од 80%.

Вкупните оперативни трошоци на компанијата учествуваат со 49% во вкупните приходи што претставува годишен пад за 15%.

Компанијата ја одбележа првата половина од 2021 година со лансирање на две иновативни решенија за своите корисници.

Првото е мобилната апликација MyIute која на корисниците им овозможува брзо и лесно аплицирање за кредит каде и да се, со дополнителни бенефити и попусти на провизии за секој потпишан договор преку мобилната апликација.

Вториот новитет се безкартичните банкомати кои наскоро ќе бидат присутни во сите експозитури на ИутеКредит Македонија.