Дневниот капацитет за вакцинирање е 880 лица во сите поликлиники во здравствениот дом во Скопје и дополнителни 500 во пунктот во Клиничкиот центар во Скопје, информираше денеска министерот за здравство Венко Филипче.

Како што кажа тој, во другите градови низ земјава вакцинирањето ќе се спроведува во вакциналните пунктови според праксата за вакцинирање од сезонски грип

Инаку, како што е веќе најавено, приоритет за вакцинирање се здравствените работници коишто работат со ковид пациенти. Досега, според министерот Филипче, се пријавени 4.000 здравствени работници, од кои 2.000 се од Скопје.