Надлежните министри од Северна Македонија и Грција, денеска во Атина ќе го потпишат договорот за развој на интерконекцијата за природен гас меѓу двете земји, јави МИА, повикувајќи се на извори од двете страни. Премиерот Зоран Заев учествува на конференцијата на „Економист“ во Атина и ја предводи нашата делегација, во која е и министерот за економија Крешник Бектеши, кој заедно со министерот за животна средина и енергија на Грција Костас Скрекас, денеска ќе го потпишат договорот.
