Најдобриот светски тенисер, Новак Ѓоковиќ, реши да го врати ударот за неодамнешното протерување од Австралија, па реши да ја тужи владата на оваа држава за износ од шест милиони долари, пишуваат денеска британските медиуми.

Србинот ќе бара компензација на загубениот приход од парични награди за спортски настап, плаќања за спонзорство, како и морална штета за незаконски притвор и малтретирање. Британците, сепак, наведуваат дека сè уште не е јасно на кој суд ќе се обрати тенисерот, бидејќи нема толку многу структури во светот што можат да ја повикаат целата држава на одговорност, особено надвор од Европа.

Ѓоковиќ на 5 јануари беше приведен на аеродромот во Мелбурн поради прекршување на визните прописи и за влез во Австралија без вакцинација против Ковид-19. Тој беше сместен во хотел за оние кои чекаат депортација, но четири дена подоцна беше ослободен и му беше дозволено да тренира. На 14 јануари повторно беше издадена наредба за депортација против Србинот, во врска со фактот дека присуството на ѕвезда антиваксер во земјата се заканува со масовни немири.

Обидите на Србинот да ја оспори оваа одлука на суд беа неуспешни, по што ја напушти Австралија и не можеше да учествува на Австралија опен, кој е во тек.