На годишното акционерско собрание што се одржа на 5 мај 2021 година за нов генерален директор на Филип Морис Интернешнл (ФМИ) назначен е Јацек Олчак, кој досега ја извршуваше функцијата Главен оперативен директор. Истовремено Олчак е избран и за член на Управниот одбор. Досегашниот извршен директор Андре Каланцопулос, кој ја извршуваше таа позиција од 2013 година, е избран за претседател на Управниот одбор на компанијата.

При преземањето на функцијата, Олчак се обврза на забрзана транзиција кон производи без чад што започна во 2016 година. Компанијата е фокусирана на развој, научна валидација и одговорна продажба на производи без чад кои се помалку штетни од пушењето, кон целта да се заменат цигарите со овие производи.