Кога се спортува маска не треба да се носи, но на отворено при контакт со група на луѓе поради кашлање и кивање може да се влезе во близок респираторен контакт и во овој случај маската штити од трансмисија на вирусот, е објаснувањето на министерот за здравство Венко Филипче зошто се препорачува заштитна маска на отворено.

„Заштитната маска штити сега и во ладното време кога треба секој да внимава на своето здравје заради тоа што сакаме да ги заштитиме болниците дури и од пациенти коишто би дошле на преглед и за обични настинки. Штити од загадувањето, има докази и публикации каде што ПМ 10 честичките помагаат вирусот да патува подолго од вообичаените 1-1,5 метри нормално со флигиовите капки при близок респираторен контакт и тоа е нешто што исто така штити од трансмисија на вирусот. Значи ова не е случајно препорачано, не се случајно избрани ниту исклучоците кога се спортува секако на дистанца, кога човек е сам во моторно возило или со членови на неговото семејство. Значи тоа се мерки кои се имплементираат во цела Европа“, вели Филипче.

Во телевизиско гостување тој порача дека граѓаните треба да се свесни, да ги почитуваат мерките затоа што така го штитат и сопственото здравје и здравјето на луѓето околу нив. „Доколку се спортува и имате забрзано дишете тогаш маската го отежнува дишењето, но при обична прошетка кога има можност при влегување во некоја група на луѓе, сретнување со луѓе добро е и препорачано е маската да се носи“, додава тој.