Јавниот долг во Црна Гора може значително да порасне од минатогодишните 80 проценти на 90 проценти од бруто домашниот производ (БДП), изјави шефот на Канцеларијата на Европската банка за обнова и развој (ЕБОР), Јап Спри.

Тој во утринската програма на Телевизијата на Црна Гора (ТВЦГ) објасни дека станува збор за релативно „евтин” долг кон меѓународните финансиски институции, кои се таму за да ја поддржат Владата и да слушаат што се случува, пренесува порталот РТЦГ.

На прашањето како мерките што се спроведуваат во Црна Гора можат да влијаат на нејзиниот јавен долг, Спри рече дека владата досега усвоила три економски пакети, а приходите паѓаат.

„Тоа беше направено за да се спаси економијата и да им се помогне на бизнисмените. Сепак, тоа е скапо, а многумина се ослободени од плаќање данок. Резултатот е дефицит и раст на истиот, и тој дефицит мора да биде покриен со друг долг. Како резултат, буџетскиот дефицит оваа година може да достигне до десет проценти од БДП според Меѓународниот монетарен фонд (ММФ). „Со оглед на падот на БДП, јавниот долг може значително да порасне од минатогодишните 80 на 90 проценти”, рече Спри.

Тој додаде дека меѓународните финансиски институции се таму за да ја поддржат владата и дека ЕБОР ќе слуша што се случува и ќе се обиде да најде решение со новата влада.

„Кога економијата ќе продолжи да расте, тогаш нема да има потреба повеќе да се поддржува приватниот сектор, а потоа на владата ќе и биде полесно да се врати на процесот на фискална дисциплина на најјасен можен начин. Тоа е нешто што е многу потребно “, рече Спри.