Компанијата Макпетрол АД во текот на вчерашниот ден преку објава на веб страницата на Македонска берза, ги извести сите иматели на обични акции за тековната исплата на дивиденда.
Согласно Одлука број 0201-28/2-3 од 26.5.2021 година, донесена на XXV-тото годишно Собрание на акционери, ќе врши исплата на дивиденда во пари, во бруто-износ од 2.000 денари по акција, со датум на пресек на акционерската книга 15.6.2021 година.
Исплатата на дивиденда започна на ден 31.8.2021 година, а вкупниот износ на средства одвоени за оваа намена изнесуваат 202.288.000 денари, односно 2.000 денари бруто, по акција.
