Со над 600 нови хоспитализации дневно и со вкупно 6.823 пациенти во болница, од кои над 1.300 се на интензивна нега, Белгија оваа недела го надмина врвот на првиот бран на пандемијата Ковид 19 кога станува збор за пренатрупаност.

Единиците за интензивна нега во Брисел достигнаа максимум, а новите пациенти се префрлени во други болници низ земјата и странство.

Во Белгија, која е на врвот на „црната листа“ на Европската унија во последните две недели според бројот на нови случаи на коронавирус со просечно над 15.500 инфицирани и 113 мртви на дневна основа, сите несуштински продавници се затворени.

Во целата земја е во сила полициски час, а затворени се сите културни и спортски објекти, како и кафулињата и рестораните.

Контактите помеѓу граѓаните се ограничени на еден близок контакт надвор од домаќинството и не треба да има надворешни собири на повеќе од четири лица.

Иако белгиските власти ги повикаа граѓаните да не патуваат непотребно, аеродромот во Брисел беше преплавен за време на викендот со патници кои се обидоа да излезат од земјата пред генералното затворање.

Националниот центар за јавно здравје на Белгија објави дека над 20.000 новоинфицирани лица се регистрирани во земјата минатата недела и предупреди дека „има уште многу да се направи до крајот на пеколниот период“.

Во Белгија, над 440 000 луѓе биле заразени, а 11 737 починале од почетокот на пандемијата.

Во Холандија, бројот на новозаболени лица се намалува на дневно ниво трет ден по ред, со просек од 8.306, според државната здравствена агенција РИВМ.

Во понеделникот, во болниците имало 2.493 лица кои се лекувале за 19 лица, од кои 583 се на интензивна нега.

Најголема концентрација на нови случаи е регистрирана во Ротердам, со 508 новоинфицирани во последните 24 часа, додека во Амстердам имало 322, а во Хаг 272.