Во најголемите светски финансиски центри како Њујорк,Торонто, Лондон и Сиднеј, регистриран е значителен пад на кириите во центрите на градовите.

Меѓународните студенти кои обично ја зголемуваат побарувачката сега се наоѓаат во своите татковини, а младите станари – најподвижната група во светот на недвижнините – наоѓаат се помалку причини за изнајмување мали, но скапи станови. Експертите велат дека „бесмислено е да не се преговара за пониска кирија во овој момент“.

Корона кризата целосно направи промена на некои од нашите навики, па затоа сега им е поважно на луѓето да седат дома и да бидат здрави, отколку да живеат во центарот на Њујорк, во мал стан кој се плаќа скапо. Теле-работата стана практика за милиони, така што работата не страда, а работниците можат да работат каде сакаат. Така работат банките, медиумите, технолошките компании.

Баровите и рестораните забава, една од причините поради која луѓето се слеваа во споменатите градови, сега стивнаа, така што атмосферата во Њујорк или Сиднеј веќе не е иста како пред пандемијата.

Кристин Чанг (26), успеала да преговара за пониска кирија за 9 проценти за куќата што ја дели со уште три лица во популарната населба во Сиднеј „Еноморе“, оддалечена 10 км од центарот.