Излегувањето на Велика Британија од Европската Унија нема да предизвика проблеми за домашните превозници во патниот товарен сообраќај, а ќе нема промени ниту во воздухопловниот превоз на патници во текот на транзицискиот период од 11 месеци и по неговото завршување. Со Велика Британија во делот на патниот сообраќај нашата држава нема склучено спогодба за превоз и тој се одвива како слободен превоз, додека во воздухопловниот во завршна фаза е подготовка на нови спогодби.

Интегритетот и однесувањето се клучни во борбата против корупцијата, бидејќи владеењето на правото ќе привлече инвестиции, но транспарентноста и интегритот ќе ги задржат младите во земјата. Сепак годинава евидентен е пад од 13 места на нашата држава на Индексот на перцепција и затоа борбата против корупцијата треба да биде приоритет број еден за градење на здрава демократија. Ова беше истакнато денеска во Скопје на настанот за одбележување на Неделата на интегритет и антикорупција 2020.

Mинистерството за економија објави јавни повици за поддршка за занаетчиството, за туризмот, а денес ќе биде објавен повикот за субвенции за печки на пелети, кои се предвидени во годишните програми, информира денеска министерот за економија Крешник Бектеши.

За занаетчиство се објавени три повици:

-Јавен повик за субвенционирање на занаетчии

- Јавен повик за субвенционирање на трошоци за ангажирање на чираци

- Јавен повик за кофинансирање на проекти на занаетчиските комори за развој и промоција на занаетчиството

Од секторот туризам е објавен:

Јавен повик за поддршка на манифестации, проекти и бизнис форуми од интерес на развој на туризмот за 2020-та година.

Јавен повик за субвенции за туристички цели за слески домаќинства

Јавен повик за пријавување на интерес од страна на угостителските објекти за сместување за прием на гости кои ќе добијат Потврда за одмор на работници со ниски приходи во вредност од 15.000,00 денари

Министерот за економија Крешник Бектеши објасни дека за субвенционирањето на занаетчии предвидено е кофинансирање до 50 отсто од докажаните трошоци, но не повеќе од 180.000 денари за набавка на опрема и алати, уредување или подобрување на деловниот простор. За оваа мерка предвидени се средства во вкупен износ од 4,5 милиони денари. Крајниот рок за аплицирање за оваа мерка е 25 мај, а средствата ќе се доделуваат по принципот „прв дојден, прв услужен“.

За мерката субвенционирање на трошоци за ангажирање на чираци исплатени како надоместок за ангажирање на чирак ќе се субвенционираат 75 отсто од докажаните трошоци, но не повеќе од 30.000 денари по апликант. За оваа мерка предвидени се средства во вкупен износ од 300.000 денари, а огласот трае до 20 јули. Исплатата ќе биде по принципот „прв дојден, прв услужен“.

-За мерката кофинансирање на проекти на занаетчиските комори за развој и промоција на занаетчиството предвидено е кофинансирање на 75 отсто од трошоците за реализација на проекти на занаетчиските комори кои се однесуваат на развој и промоција на занаетчиството како што се организирање наобуки, поттикнување на креативни занаети, организирање нафоруми, промотивни активности,… Максималниот износ за кофинансирање на трошоците по проект изнесува 250.000 денари, а буџетотза оваа мерка изнесува 1,74 милиони денари. Крајниот рок з ааплицирање е 30 април, информираше министерот.

Во однос на туризмот, потенцира тој објавени се јавни повици за три мерки и тоа за субвенции за селски домаќинства, за поддршка на манифестации, проекти и бизнис форуми од интерес на развојот на туризмот и за пријавување на интерес од страна на угостителските објекти за сместување за прием на гости за мерката Одмор за работници со ниски примања.

-За првата мерка се кофинансираат до 60 отсто од докажаните трошоци, но не повеќе од 200.000 денари кои ќе се направат за уредување и опремување на објектот согласно традицијата на крајот во кој се наоѓа. За поддршка на манифестации, проекти и бизнис форуми од интерес на развојот на туризмот се кофинансираат дел од трошоците за организација на манифестации, проекти и бизнис форуми кои имаат туристички карактер, а се во интерес на развој на туризмот. Последниот јавен повик се однесува за пријавување на угостителските објекти за сместување за прием на гости за мерката-Одмор за работници со ниски приходи, посочи Бектеши.

Последната мерка за која јавниот повик ќе биде објавен денес се однесува за надомест на дел од трошоците за купување на печки на пелети, со кои домаќинствата ќе ги заменат старите печки на јаглен, дрва, нафта или мазут.

-Согласно овој јавен повик е предвидено на граѓаните кои ќе купат печки на пелети да им се овозможи надоместување на дел од трошоците за купување печки на пелети до 50 отсто, но не повеќе од 20.000 денари по домаќинство за 2020 година. Вкупниот износ на средства кој се предвидено во овој јавен оглас е 11 милиони денари. Како и на претходниот оглас, воедно со овој јавен повик се дава можност за надоместување на дел од трошоците за купување печки на пелети до 70отсто, но не повеќе од 25.000 денари по домаќинство, за категоријата на лица со ниски примања. За овој вид на апликанти предвидено се три милиони денари, рече Бектеши.

Право на учество, додаде, ќе имаат лицата кои ќе купат печка на пелети во своето домаќинство во периодот од 1 јануари 2020 година заклучно со 6 март 2020 година и ќе ја достават потребната документација наведена во јавниот оглас. Субвенцијата ќе се доделува по принципот „прв дојден, прв услужен’’.

Централната банка на Кина ќе инјектира вкупно 1.200 милијарди јуани (174 милијарди американски долари) во финансискиот систем, како поддршка за штетата која ја превизика корона вирусот,  пренесува BBC. Банката соопшти дека може да обезбеди дополнителна финансиска помош во текот на неделата.

Агенцијата за вработување  објави јавен повик наменет за невработени лица на возраст до 34 години евидентирани во АВРСМ со минимум завршено основно образование кои немаат работно искуство согласно образованието и се заинтересирани да се вклучат во мерката Практиканство.

Акционерот Сергеј Самсоненко се стекна со 5.000 обични акции со право на глас издадени од Жито Полог АД Тетово и сега поседува вкупно 8.650 обични акции со право на глас во тетовската компанија. Тој сега поседува 15,45 отсто од вкупниот број на издадени акции на друштвото.

Машинскиот персонал во Железници Транспорт изутринава од седум часот ја бојкотира работата, поради што ќе биде во прекин патничкиот и товарниот железнички сообраќај, изјави за МИА Душко Чакаровски, претставник на вработените.

Директорката на УЈП Сања Лукаревска, денеска на својот профил на „Фејсбук“ напиша дека почна исплатата за второто тримесечје од МОЈ ДДВ и дека очекува да бидат исплатени 3,8 милиони евра.

Пазарот на недвижности во однос на обемот на тргување бележи раст, според последните податоци од Регистарот на цени и закупнини за третиот квартал лани кога се регистрирани 5.527 трансакции, односно 611 повеќе споредено со претходниот квартал. Сепак, се поизразена е разликата во цената за продажба и закуп на недвижности на Скопскиот со останатите регион, а во дел од општините воопшто нема трансакции на пазарот на недвижности.

Кинезите во Вухан направија нова болница за само десет дена. Како што пренесува БиБиСи изградбата почна 23 јануари и била готова после осум дена. Утрово таму примени се првите пациенти. Новата болница се простира на околу 25.000 метри квадратни и има 1.000 кревети.

„Реплек Фарм“ информира дека своите производство од екстракти од канабис наменети за медицинска употреба покрај на меѓународни пазари како Германија и Австралија неодамна ги пласира и во САД.

Страница 9 од 134