Ветерниот парк Богданци во јануари годинава произведе речиси двојно повеќе електрична енергија од планираното, односно имаше 95-отстотно натфрлање на планот, информираат од АД ЕСМ.

Агенцијата за финансиска поддршка во земјоделството и руралниот развој денеска го објави јавниот повик за мерката 113 „Поддршка за поттикнување на земјоделското производство“. Од денеска до 3-ти март годинава сите млади земјоделци до 40 години ќе можат да поднесуваат барања за финансиска поддршка за поттикнување на земјоделското производство.

Бензинот Еуросупер БС-95 и Еуродизел (Д-Е V) поевтинуваат за половина денар, Еуросупер БС-98 за денар, а Екстра лесното масло за домаќинство 1,5 денари, согласно со денешната одлука на Регулаторната комисија за енергетика, што ќе стапи во сила од ноќеска на полноќ.

Нова и невообичаена узурпација се случува на паркинзи пред станбени згради, каде што приватни лица си паркираат по пет или десет половни возила и си ги продаваат од пред зграда.

Турските производители на цвеќиња досега извезоа 60 милиони рози во 50 земји - вклучително и Холандија, Велика Британија, Германија и Украина, пред Денот на вљубените - 14 февруари, пренесуваат турските медиуми.

Понеделник, 10 Февруари 2020 08:05

Железничкиот сообраќај нормализиран

По петдневен прекин, од денеска нормално, според возниот ред, функционира патничкиот железнички сообраќај, додека товарниот е воспоставен во текот на вчерашниот ден.

Метрото не е само средство за јавен превоз, туку и место за необични понуди за работа. „Во тајност да се прават добри дела“ е слоганот со кој Сојузната установа за заштита на уставниот поредок (тајната служба) врбува соработници, а слично звучи и пораката на Сојузната криминалистичка служба – „Да се прави вистинската работа“.

Цените на нафтата на светските берзи паѓаа и минатата, петта, недела по ред, како поседица на стравувањата дека заради економските последици од ширењето на коронавирусот во и надвор од Кина ќе се намали побарувачката на „црното злато“.

На Лондонската берза цената на барелот минатата недела опадна за 6,3 отсто, на 54,47 долари, додека на американскиот пазар барелот беше поефтин за 2,4 отсто, на 50,32 долари.

Бидејќи во Кина секојдневно се зголемува бројот на починати и заразени, стравувањата од пандемија и натаму се големи. Особено затоа што има уште многу непознаници за коронавирусот, особено стапката на смртност и начинот на ширење.

Кинеската економија, пак, е под огромен притисок бидејќи серија градови се во карантин, а бројни авионски летови се откажани. Многу фабрики се затворени, а синџири за набавка се прекинати.

Аналитичарите сметаат дека тоа може да предизвика уште поголема економска штета отколку што се очекуваше, и покрај бројните економски поттикнувачки мерки на кинеските власти.

Аналитичарите на Џ.П. Морган ја намалија проценката на раст на кинеската економија во првиот квартал од годината од првично планираните 6,3 на 4,9 отсто.

Заради тоа се очекува и помала побарувачка за нафта. Групата Еуроазија проценува дека побарувачката за нафта само во Кина, најголемиот увозник на нафта во светот, во првото тримесечје од годината ќе се намали дури за три милиони барели дневно во однос на истиот период лани.
Заради тоа ОПЕК и нејзините сојузници, на чело со Русија, ра разгледуваат можноста за натамошно намалување на дневното производство на нафта за 600.000 барели, како подршка за стабилизирање на цените.

Унгарија вчера го отповика сопственикот на фирмата „Еко клуб“ од Битола, Сашо Јанакиевски, кој беше почесен Конзул на Унгарија во Битола. Одлуката ја донело унгарското МНР откако во јавноста излезе информацијата дека фирмата на Јанакиевски несоодветно го третира медицинскиот отпад пред да го депонира на депонијата „Дрисла“.

Граѓаните на Македонија наскоро ќе можат да го користат нивниот дигитален идентитет за да добијат некој документ од јавните институции, да потпишат договор или да поднесат барање за кредит, за картичка и за други банкарски услуги.

Националниот електропреносен систем оператор АД МЕПСО денеска потпиша два договора во Владата вредни 35 милиони евра со „Енергоинвест“ од Сараево и „Кончар“ од Загреб за изградба на 400 киловолтен далекувод од Трафостаницата Битола 2 до македонско-албанската граница и за изградба на 400/110 киловолтна трафостаница во Охрид и проширување на трафостаницата Битола 2.

Страница 7 од 134