Арсовска: Трговските агенди да се решаваат со преговори наместо со блокади
- World Chambers Federation (WCF), единствениот Форум на стопански комори каде 20 претставници на глобално ниво раководат над 12.000 стопански комори во целиот свет, оваа година е на годишна средба во Москва, Русија.
Нашето позиционирање за прв пат во раководството на World Chambers Federation WCF, меѓу 20 елитни претставници на комори од најсилните светски економии САД, Кина, Велика Британија, Русија, Турција, Индија, Иран, Израел, Италија, Германија, Франција, Канада, Бразил, Германија, Австрија, дава можност за директно учество на светските економски случувања, позиционирање на нашата земја како центар на регионот за влез на нови инвестиции, како и за можности за сигурни партнерства за домашните стопанственици со цел зголемување на извозот.
Претседателот на Сојузот на стопански комори на Македонија Данела Арсовска, минатата година именувана за прв претставник од Македонија во раководството на World Chambers Federation (WCF), истакна дека главен фокус на годишниот состанок се трговските бариери кои не само на регионално ниво туку и глобално предизвикуваат пад на економските резултати, намалување на трговијата и поместување на пазарите, ефекти кои не секоја економија може да ги издржи без долгорочни последици. Во таа насока клучна улога игра реализација на трговските агенди базирани на економска дипломатија, која во модерниот свет е начин на комуникација за елиминирање на трговските бариери.
„Економската дипломатија игра се позначајна улога во современиот свет за отстранување на трговските бариери, во таа насока приоритетно е решавање на меѓународните отворени економски прашања и отстранување на трговските бариери за олеснување на влез на компаниите на интернационалните пазари. Во време во кое политиката на глобално ниво дава ветување за слободна трговија, а во исто време се преземаат дејства за блокади, се поважна е економската дипломатија за отстранување на трговските бариери. На овој значаен годишен собир креираме стратешки план за идното економско глобално делување, но останува и предизвикот како во време на континуирана нестабилност Македонија да се позиционира со конкурентни производи и услуги на странските пазари“, изјави Арсовска.
Џон Дентон, генералниот секретар на (ICC) International Chambers of Commerce во своето обраќање истакна дека нагласена е итната потреба за овозможување на деловните активности низ целиот свет во услови на мир, просперитет и еднакви можности за сите.
„Застапувајќи 45 милиони компании ширум светот, донесовме декларација со која се утврдува визијата за обликување на иднината на глобалниот бизнис за следниот век, пренесена е порака за заедничка работа на приватниот сектор, владите и јавноста за креирање поинклузивен и одговорен модел", изјави Дентон.
На годишниот состанок на раководството на World Chamber Federation WCF присуствуваше и министерот за надворешни работи на Руската Федерација, Сергеј Лавров, како и министерот на московската Влада, Сергеј Черемин.
Светската коморска Федерација како единствен глобален форум кој ги обединува стопанските комори од целиот свет, делува на зајакнување на врските меѓу коморите, но го претставува и гласот на бизнис заедницата во најрелевантните светски организации како Организацијата на Обединети Нации ООН, Г20, Светската Трговска Организација, како и Европската Банка за обнова и развој.
World Chambers Federation (WCF), со седиште во Париз, секоја година организира глобален настан на различен континент, во 2018 глобалната агенда ја објави во Дубаи, а годинава собирот се одржува во Русија.
Селами: Преку „Мој ДДВ“да придонесеме за поголем семеен буџет и раст на економијата
Заменик-директорот на Платежната агенција, Авдул Селам Селами, денеска од скопската општина Чаир најави дека официјално се вклучува во кампањата „Мој ДДВ“. Со оваа мерка, како што рече, граѓаните имаат можност со секоја фискална сметка до 30.000 денари, да остварат поврат на 15 отсто од платениот данок на додадена вредност.
Селами истакна дека секојдневно ја користи апликацијата „Мој ДДВ“. Со своето семејство ги скенира сметките со цел поврат на дел од парите кои ги потрошиле дома или во ресторан.
-Со враќање на парите кај граѓаните се подбрува животниот стандард и куповната моќ, а со тоа позитивно се влијае и на економскиот раст. Оваа владина мерка придонесува и за намалување на сивата економија, подобрено прибирање на даноците, со што ќе се слеат и повеќе средства во Буџетот. Тоа од друга страна значи и повеќе пари во секторот земјоделство, за инвестиции. Зголемената поддршка во земјоделството ќе значи и подобрување на животниот стандард на македонскиот земјоделец, порентабилно производство и поголеми приходи што директно влијаат на бруто домашниот произво, нагласи Селами.a
Владата размислува да го намали ДДВ-то за нови и половни возила
Владата размислува да го намали ДДВ-то за увоз на нови, но и на половни возила во земјава. Ако тоа се случи, тогаш би отпаднала идејата за давање на државна субвениција од три илјади евра за набавка на возило со ЕУРО 5 или 6 стандардот, најавува за Алсат министерот за економија Крешник Бектеши. На тој начин ќе се избегне опасноста дел од граѓаните кои би аплицирале за државна помош за купување возило, да останат со празни раце. Во Владата се прават пресметки која опција ќе биде поисплатлива за државната каса, дали намален ДДВ за увоз или 3.000 евра за субвенционирање.
„Не е напуштена идејата за три илјади евра, паралелно работиме на фискалните импликации, но работиме и на тоа на колку граѓани може да помогнеме со првата и колку со втората мерка. Првичните информации кои нас ни доаѓаат се дека е подобро да одиме со втората мерка бидејќи така ќе им овозможиме на сите заинтересирани граѓани да увезуваат нови автомобили“, рече министерот Бектеши.
Неофицијално, поголемиот дел од членовите на владата се за времено намалување на ДДВ-то на увоз на половни и нови автомобили. Измените на законот за возила предизвикаа многу интерес кај граѓаните уште по самото објавување пред повеќе од еден месец. Првичната идеа беше старото возило прво да се остави во отпад за автомобили кој би добил посебно овластување од Министерството за животна средина. Потоа, во МВР би требало да го одјави тоа возило и таму да ја предаде сообраќајната книшка. Дури потоа заинтересираниот граѓанин би можел прво да купи возило со еуро пет стандардот, но до 12 илјади евра и со сите документи да аплицира во Министерството за економија за поврат на три илјади евра.
НЕКОЈ СТАНА БИТКОИН-МИЛИЈАРДЕР: Не е познато кој ги примил и кој ги испратил парите!
Рекордот за досегашна трансакција е забележан во 2017 година и изнесувал 872 милиони долари.
Пред неколку дена беше извршена биткоин трансакција вредна над 1 милијарда американски долари. Ова е видливо од повеќе извори кои ги следат сите трансфери со биткоини.
Сепак, кој го направил трансферот не е познато затоа што технологијата која стои зад крипто валутите, „блокчејн“,подразбира анонимност.
Во овој случај, 94.504 биткоини беа префрлени од неколку таканаречени „дигитални паричници“ на други. Во моментов тоа е 1 милијарда долари. Се гледа дека паричникот на примачот примил вкупно 30 трансакции, од кои 29, сепак, претставуваат само дел. Според „аналитичарите на токени“, најголем дел од парите доаѓаат од „Huobi Global“.
Во последниве години, биткоинот и другите криптовалути беа критикувани неколку пати затоа што анонимниот систем фаворизира криминална активност. Сè што ви треба е т.н. „паричник“, кој има идентификационен број. Сепак, ова не може директно да се поврзе со сопственикот.
Патем, рекордот за досегашна трансакција е забележан во 2017 година и изнесувал 872 милиони долари.
И терористите во последниве години сè повеќе го користат биткоинот. Иако имаше околу 100 трансакции на ден во 2009 година, тој број се искачи на 282.000 трансакции во 2017 година.
Пендаровски ја прими постојаната претставничка на УНДП, Нарине Сахакјан
Претседателот на Република Северна Македонија, Стево Пендаровски, денеска ја прими постојаната претставничка на програмата за развој на Обединетите нации (УНДП), Нарине Сахакјан.
На средбата, претставничката на УНДП го информираше претседателот Пендаровски за актуелните проекти како и за идните приоритетни активности на организацијата во Република Северна Македонија.
Двајцата соговорници изразија задоволство од воспоставената плодна соработка меѓу Северна Македонија и мисијата на УНДП изразена низ голем број успешно реализирани проекти и иницијативи, коишто непосредно влијаат врз подобрувањето на целокупниот квалитет на живот на граѓаните на државата.
Претседателот Пендаровски ја нагласи исклучително важната улога на мисијата во остварувањето на нашите развојни цели, како и нивниот директен и несебичен ангажман на нашиот реформски пат во остварувањето на нашите стратешки приоритети, членството во ЕУ и НАТО.
Во тој контекст Претседателот ја потенцираше и неопходноста од понатамошна максимална вклученост и активна соработка со УНДП од страна на сите институции и граѓански организации на локално и централно ниво.
Келнерите во кафулињата откриваат: Да сме на ваше место, никогаш не би ги пробале овие пијалоци
Познатиот келнер, но и комичар Тим Дан од Њујорк откри 5 пијалоци кои тој никогаш не би ги порачал во кафуле.
Мохито
Според него, ќе добиете лоши и неквалитетни состојки како сушено нане и трула лимета. Наместо тоа, тој препорачува да порачате Бакарди и газиран сок.
Точено пиво
Тој открива дека овој пијалок е полн со бактерии од бурињата кои речиси и никогаш не се чистат. Вели дека доколку сакате да проверите дали тие ги чистат бурињата, треба да го проверите тоалетот на кафулето.
Коктел со млеко
Популарен пијалок во американските барови и е White Russian за кој се вели дека се користи млеко со поминат рок.
Вино
Најчесто е суперевтино и со лош квалитет. Посебно кога станува збор за наливните вина.
Ладен пијалок
Во секој ладен пијалок секако се додава мраз кој се користи од ледоматите кои исто така никогаш не се чистат.
Важноста од дигитализација, во фокус на средбата со Царинска управа
Потпретседателот на Сојуз на стопански комори, Габриела Кулебанова и директорот на Царинската Управа, Ѓоко Танасоски со компании членови на Сојузот, дискутираа за важноста од дигитализацијата и осовременувањето на Царинското работење.
За да се обезбеди успех на реформските програми потребна е конструктивна и одржлива двонасочна комуникација и интеграција помеѓу царината и деловната заедница.
Сметките скенирани по грешка од денеска може да се бришат
Управата за јавни приходи ве известува дека веб апликацијaта МојДДВ за увид во износот на поврат на 15 % од ДДВ и бришење на фискални сметки коишто се скенирани по грешка, од денеска е достапна за граѓаните на македонски албански и англиски јазик.
Веб Апликацијата МојДДВ може да се преземе на следниот линк којшто е поставен на официјалната веб страната на УЈП https://mojddv.ujp.gov.mk/
Повеќе детали за функциите коишто ги нуди веб апликацијата МојДДВ како и за чекорите за користење се содржани на следниот линк: http://www.ujp.gov.mk/mk/javnost/soopstenija/pogledni/721
Зошто нема лимит за цената на акцијата на „Алкалоид“?
Пазарната цена на акција на „Алкалоид“ ја допре психолошката граница од 10.000 денари. Без акцијата на „Алкалоид“ не може да се замисли портфолио на посериозен инвеститор, а задолжително на институционален инвеститор. Тајната е редовно делење дивиденда, која е поголема од година вгодина и давање позитивен пример со тоа што првите луѓе на фирмата со наградите и бонусите купуваат акции на „Алкалоид“. И кога тоа го правиш во континуитет го добиваш заслуженото место
Менаџментот на најголемата фармацевтска компанија „Алкалоид“ продолжува да биде пример за афирмативна корпоративна пракса. Првиот човек на компанијата Живко Мукаетов купил 500 акции со право на глас во компанијата со која управува, објавено е на веб страницата на Македонската берза за хартии од вредност. Веста за корпоративната заедница е дека генералниот директор на фармацевтскиот гигант вложил околу 70.000 евра во акции на компанијата со која раководи. Тоа е вест што во континуитет е присутна на информативниот сервис на берзата и се однесува на членовите на Управниот одбор на „Алкалоид“.
Оваа информација носи позитивна порака за сите потенцијални купувачи на акцијата на „Алкалоид“, а воедно е и охрабрувачка порака за имателите на таа акција. Секако дека единствено може да се оцени како позитивна вест фактот што генералниот директор кој е претседател на Управниот одбор, а воедно и најголем акционер докупува акции во „Алкалоид“. Според официјалната евиденција на ЦДХВ Мукаетов е најголем поединечен акционер во таа компанија и поседува 8,5 отсто од акциите со право на глас во „Алкалоид“.
Корпоративната политика на менаџментот на „Алкалоид“, меѓу другото, од аспкет на позитивен однос кон инвеститорите има две важни поенти. Првата е таа што „Алкалоид“ е единствената компанија (заедно со Македонијатурист н.з.) чија акција котира на берзата и чиј менаџмент секоја година докупува акции со право на глас и исплаќа редовно дивиденда на своите акционери. Токму заради овие причини, а особено заради редовната исплата на дивиденда чиј износ се зголемува секоја година, „Алкалоид“ е неизбежен стек во структурата на секој инвестициски фонд во земјава. Тоа значи дека професионалците за вложување во хартии од вредност оваа акција ја препознале како одлична долгорочна инвестиција.
„Алкалоид“ за половина година има приходи од продажба кои изнесуваат речиси 90 милиони евра и тие во однос на истиот период бележат раст од 15 отсто. „Алкалоид“ е македонска извозна гордост затоа што 60 отсто од неговото производство се пласира во странство како готово производ. При тоа извозот за првите шест месеци пораснал за 21 отсто во однос на лани. На домашниот пазар продажбата пораснала за 6 отсто и надминала 30 милиони евра. Добивката на „Алкалоид“ за половина година изнесува 7,5 милиони евра и пораснала за 22 отсто во споредба со лани.
Од сите изнесени факти погоре, а имајќи ја предвид конкуренцијата на таа акција на нашата берза, не треба да зачудува тоа што акцијата на „Алкалоид“ неодамна ја допре психолошката граница од 10.000 денари за акција.
“BACK TO SCHOOL” акција во Нептун - Големи попусти и до 24 рати без камата на смартфони, лаптопи и таблети!
“BACK TO SCHOOL” акција во „Нептун"! До 17-ти септември големи попусти на смартфони, лаптопи, таблети и до 24 рати без камата со haPPy кредит, кредитни картички и синдикална продажба.
На почетокот на школската година подновете се вие и вашите најсакани по одлични цени и со можност за плаќање до 24 рати без камата! Разгледајте ги одличните понуди онлајн на Neptun.mk или во 25-те продажни салони на „Нептун" ширум Македонија. Во „Нептун" може да најдете производи од вашите омилени брендови: Samsung, Huawei, Apple, Asus, Acer, Lenovo, HP, Lenovo, Canon, Sony, Xiaomi и многу други.
„Нептун" има и широка палета на услуги за своите клиенти како: лојална програма, инстант кредити, дополнителни гаранции, разни типови на достава, онлајн продажба, мобилна апликација NEPTUN за онлајн шопинг, кредитна и кешбек картичка haPPy MasterCard. „Нептун" лансираше и дигитална верзија на “haPPy” картичката за лојалност со која им овозможи на клиентите да ја активираат/дигитализираат својата постоечка “haPPy” картичка на својот мобилен телефон преку веб сајтот Neptun.mk или преку мобилната апликација NEPTUN. За потрошувачите што немаат “haPPy” картичка, „Нептун" им овозможи промотивен период во кој ќе може да си купат онлајн “дигитална haPPy” картичка на 50% попуст. Со дигиталната “haPPy” картичка клиентите ќе може да ги користат бенефициите од лојалната програма во продавниците на “Нептун” ширум Македонија како и при онлајн шопинг на Neptun.mk.
„Нептун" најголемата малопродажна и дистрибутивна мрежа во Македонија на производи од бела техника и апарати за домаќинство е присутна 21 год. на македонскиот пазар, и е застапена со 25 продажни салони во 21 град во Македонија. Со брендови во своето портфолио како Беко, LG, Samsung, Sony, Apple, Philips, Bosch, Asus, Huawei, Hitachi, Fuego и многу други, „Нептун" е позициониран како апсолутен лидер на пазарот во државава.
Берлин со намера да ја ограничи висината на киријата на 8 евра по квадрат
Градските власти во Берлин планираат да ја ограничат месечната закупнина за станови на 7,97 евра за метар квадратен, како дел од планот за замрзнување на висината на киријата кој беше договорен претходно годинава, објави весникот „Тагешпигел“, повикувајќи се на нацрт-законoт.
Берлинската сенаторка за урбан развој, Катрин Ломпшер, планира ваквата мерка да ја воведе за станови изградени до 2013 година, а од неа би биле исклучени становите изградени по 2014 година, пренесува агенцијата „Ројтерс“.
Предлог-законот сè уште е предмет на дискусија и може да претрпи измени, наведува весникот.
Се очекува сенатот до 15 октомври да го достави нацрт-законот до градскиот парламент, а законот би требало да стапи на сила во јануари следната година.
Берлинските власти одлучија дека кириите за станови не смеат да се зголемат во наредните пет години, со цел да го контролираат вртоглавиот пораст на цените на недвижностите во германската метропола која некогаш била позната по ниските трошоци за живот.
