Нов модел за субвенционирање на туризмот во земјава треба да биде приоритет, бидејќи сегашниот што се применува истекува во јануари, а и моделот кој е применет веќе не одговара на сегашните состојби во туризмот. Здруженијата од туристичкиот сектор, заедники денеска на министерот за економија му ги претставија своите идеи за унапредување и подобрување на моделот за субвенционирање на туризмот.

– Како прв предлог што сакаме да го ставиме со најголем приоритет тоа е моделот за субвенционирање на туризмот во државата. Знаеме дека тековниот закон истекува со крајот на годината, треба да побрзаме да донесеме нов закон. Имајќи во предвид дека доаѓаат избори и од јануари ќе има техничка влада мора да го ставиме ова со висок приоритет и да му дадеме сериозен пристап и од нас како поддржувачи, рече претседателот на Туристичко угостителската комора, Владимир Граматиков.

Според него, доколку не се направи нов модел ќе се изгуби чекорот со соседните држави.

– Големите тур-оператори веќе ги креираа своите пакети за следното лето. Доколку ние немаме во скоро време што да им понудиме, можно е да се случи земјава да не се појави на програмите на дел од тие оператори, порача Граматиков.

Асим Меџедовиќ, координатор за агенции на ХОТАМ, истакна дека треба да се донесе решние кое е подобро и ќе ги олесни административната бирократија, а истовремено нема да има импликации врз буџетот.

-Годишно за субвенционирање на туризмот се одвојуваат од една до два милиони евра од Буџетот и за овие пет години не се искористени. Правилникот за субвенционирање чија примена истекува на крајот на оваа година е донесен пред 10 години, ситуацијата сега е променета и имаме нови моменти и бараме да дојдеме до ново решение, рече Меџедовиќ.

На прес-конференцијата појаснија дека со тековниот модел увиделе кои се недостатоците, ги анализирале моделите и на другите држави со што дошле до еден така заеднички модел, еден сублимат кој е апликативен за нас. Главно, како што беше посочено, се базира на подигнување на чартер-летови како најголема трошковна стапка кај тур-операторите кога почнуваат нова дестинација, но исто така не ги исклучува и туристичките групи со редовните авионски линии, патничкиот сообраќај и железничкиот сообраќај.

Промена има и во самата документација која ќе го направи поедноставен, потранспарентен, недискриминирачки. Покрај редовното субвенционирање исто спомнуваат и еден нов тип субвенционирање, а тоа е конгресниот и спортскиот туризам кој главно би се субвенционирал во периодот од октомври до мај кога туристичката активност е помала.

Тие предлагаат и измени во делот на банкарската гаранција околу осигурување на патувањата. Според нив, тоа паѓа на товар на агенциите, особено на помалите и она што го нудат е решение што веќе се користи во многу европски држави, а тоа е осигурутелната полиса која го заштитува и патникот, и соработниците на туристичките оператори и не претставува дополнителен товар на самите оператори.

Министерот за економија Крешник Бектеши потенцира дека како институции се транспратенти и учествуваат во вакви работни групи со цел заеднички да се продискутира со сите за да се подобри туристичката понуда, но истовремено да се помогне и на економијата, имајќи предвид дека овој сектор има влијание индиректно во целокупната економија.

-Како министер за економија во наредната недела ќе свикам состанок со работната група. Ќе ги повикаме и нивните претставници да учествуваат со цел што побрзо да навлеземе во промени на моделот на субвенционирање. Ова процедурално не трае многу бидејќи е правилник што треба да се смени, не е законско решение што се однесува до моделот на субвенционирање, но треба да имаме предвид дека моментално го работиме буџетот за 2020 година и е многу важно странските тур-оператори да бидат информирани навремено за моделот на субвенционирање се со цел наредната сезона да привлечеме што повеќе странски туристи. Истовремено да биде предвидливо и за странските и за нашите тур-оператори условите за субвенционирање на странски туристи, истакна Бектеши.

Владата останува на ставот пазарџиите да поседуваат лиценци за работа, но двете страни се обидуваат да постигнат договор за ново законско решение за работењето на пазарџиите, истакна министерот за економија Крешник Бектеши.

 

Според се уште актуелниот закон предвидува пазарџиите од јануари треба да поседуваат лиценца за работа која ја обезбедува едно здружение, додека со новото законско решение, според Бектеши, лиценците ќе ги издаваат сите стопански комори.

– Тоа нема да опстои како решение предложено пред една година. Во меѓувреме разговараме со сите засегнати страни за да најдеме решение – рече тој.

Според податоците на Државниот завод за статистика, индексот на просечната месечна исплатена нето-плата по вработен во август 2019 година, во однос на август 2018 година, изнесува 103.8.

Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Дејности на здравствена и социјална заштита (10.9 %), Транспорт и складирање (7.3 %) и Информации и комуникации (5.8 %).

Зголемување на просечната месечна исплатена нето-плата по вработен, во однос на претходниот месец, е забележано во секторите: Информации и комуникации (4.7 %), Уметност, забава и рекреација (3.5 %) и Снабдување со електрична енергија, гас, пареа и климатизација (2.3 %).

Просечната месечна исплатена нето-плата по вработен во август 2019 година изнесува 25.127 денари.

Претседателот на Владата, Зоран Заев, денеска се обрати на отворањето на 14. ПИКАРД конференција на Светската царинска организација, во присуство на околу 200 лица од повеќе од 80 земји, царински експерти, професори, консултанти.

На конференцијата, организирана од Царинската управа на РСМ, се обратија генералниот секретар на Светската царинска организација, Кунио Микурија, генералната директорка на Институтот за царински и гранични контроли на Царината на Кореа, Ана Чо, и директорот Царинската управа, Ѓоко Танасоски, во својство на домаќин.

Во продолжение ви го пренесуваме во целост обраќањето на премиерот Заев.

„Добредојдовте во Република Северна Македонија на сите гости. Се надевам дека ќе понесете со вас убави искуства професионални, но секако и убави спомени од нашата земја.

Особена чест и задоволство ми е да ја отворам и да се обратам на 14-тата ПИКАРД конференција на Светската царинска организација во име на Владата на Република Северна Македонија.

На почетокот сакам да се заблагодарам на Светската царинска организација, особено на генералниот секретар  на Царината на Кореа и генералниот секретар на  Светската царинска организација за организацијата на годинешната ПИКАРД конференција во нашата држава, под темата „Паметни граници за непречена трговија, патување и транспорт“, како исклучително важна за царинската администрација ширум светот.

Во некои делови на светот денес, народот и владите ја изгубија надежта и ентузијазмот за отворени пазари. Тие денес отворено го поставуваат прашањето за вредноста и придобивките од соработката во меѓународната трговија. Некои ги гледаат меѓународните правила како пречка за нивната суверена контрола.

Сакам да Ве уверам дека тоа не е случај во нашата држава.

Република Северна Македонија целосно ја прифати економската интеграција на земјите од регионот, на европскиот континент и на светско ниво.

Ние имаме јасна определба: Македонската Влада одлучи да се движи напред во соработка со соседите и со сите земји; ги прифати придобивките од слободната трговија; и, наместо  преземање контрола, Владата на Северна Македонија го потврдува ставот дека меѓународната инклузивност е многу посилна отколку стоењето настрана.

Меѓународната трговија е средство, а не цел. Таа е средство за создавање и зголемување на додадената вредност, подобрување на животниот стандард и создавање на нови и подобри работни места.

Вистинскиот тест за било која владина трговска политика е влијанието што таа го има врз животот на граѓаните и во таа насока гледам два важни предизвици, во кои со гордост кажувам дека нашата Влада е вклучена.

Првиот предизвик е силната инфраструктура – добри патишта, железници, воздушни врски и дигиталната поврзаност, како и така наречената мека инфраструктура – тоа се политиките, алатките и информациите.

За претприемачите и трговците потребно е поддржувачко и одговорно политичко опкружување.

Вториот предизвик е еднаквоста и инклузивноста, како и еднаквата распределба на придобивките од слободната трговија и од економскиот раст.

Почитувани дами и господа,

Дозволете ми да се осврнам на неколку достигнувања на Владата во изминатиов период, а поврзани со меѓународната трговија и севкупната економија.

Податоци од Ревизијата на трговската политика на Република Северна Македонија објавена на 15 јули, 2019 година, од страна на Светската трговска организација покажува огромен напредок на нашата земја споредбено 2018 со 2012 година.

Светската трговска организација цели дека бруто домашниот производ (БДП) во периодот на ревизија по глава на жител пораснал за повеќе од 40%, а невработеноста се намалила од 31,0% на 18,7%,  тоа е податок 2013-2018 година.

Светската Трговска организација констатира дека дефицитот во тековната сметка се намалил од 240 милиони евра (3,2% од БДП) во 2012 година на 31,9 милиони евра (0,3% од БДП) во 2018 година. Ова се должи на намалувањето на дефицитот во трговскиот биланс и на зголемувањето на вишокот на балансот на услугите.

Во ревизијата на трговската политика на Република Северна Македонија објавена на 15 јули, 2019 година, од страна на Светската трговска организација е запишано дека нето-приливите на странски директни инвестиции (СДИ) се зголемиле од околу 131 милиони евра во 2012 година на 622 милиони евра во 2018 година. Тоа значи дека директните странски инвестиции во бруто домашниот производ (БДП) во 2012 година учествувале со 1,5%, а во 2018 година со 5,8%.

Тоа е бројките. Тие се неминовни показатели дека економијата ни е на добар пат. Дека Северна Македонија го избра добриот пат.

Во оваа насока, целосната имплементација на мерките и инструментите на Светската царинска организација треба да придонесат за постојана модернизација и реформа на царинскиот систем, царинските постапки, процесите, политиките и на царинското законодавство. Ова треба да придонесе за напредок во технолошките капацитети и намалување на непотребните барања за движење на стоките преку границите.

Владата на Република Северна Македонија и Царинската управа се целосно посветени на имплементација на конвенциите, инструментите и алатките на Светската царинска организација. Процесот на дигитализација на Царинската управа и на царинското работење треба значително да придонесат за развој на надворешно трговското опкружување. Дигитална и без-хартиена царинска околина, значи дека од 1 јули оваа година се исфрлени царинските декларации, а од 1 јануари 2020 година целосно извозно работење треба да се одвива без хартија. Тоа треба значително да го поевтини и да го поедностави извозот на стоки.

Истовремено, со воведувањето на заедничките гранични контроли ONE STOP SHOP, на граничните премини Табановце со Србија, и наскоро на Ќафасан со Албанија, треба да придонесат за уште поголемо интегрирање на нашата економија во глобалните синџири на снабдување.

Горд сум што и вака малите земји, како нашата, можат да бидат организатори на вакви конференции, каде претставници на царинските управи од целиот свет, меѓународни организации, универзитетите и приватниот сектор ќе дискутираат на теми што се мошне важни и актуелни не само за големите земји, туку за сите во општо земји. Темите како што е-трговијата, аналитика на податоци, вештачка интелигенција, технологија и анализа на ризик, значително треба да придонесат за подобро разбирање на идното царинско и надворешно трговско работење.

Убеден сум со одличните трудови и презентации на оваа конференција значително ќе придонесат во оваа насока“ рече Заев

Програмата е заедничка инцијатива на Европската Унија (ЕУ), Федералното Министерство за финансии на Австрија и земјите кориснички на фондовите од Инвестициската програма за Западен Балкан (ИПЗБ).

Европската банка за обнова и развој со кредит од еден милион евра ќе поттикува инвестиции во зелена енергија во земјава.

Средствата, како што информираат од ЕБОР, ќе се пласираат во Прокредит банка Македонија, а ќе се користат за подобрување на енергетската ефикасност на станбените објекти, ќе помогнат во намалување на емисијата на гасови што создаваат ефект на стаклена градина и ќе го подобрат квалитетот на живеење на сопствениците на домаќинствата.

Корисници ќе бидат домаќинставата, здруженијата за домување и компаниите за сервисни услуги кои планираат да инвестираат во проекти на енергетска ефикасност и обновливи извори на енергија.

Финансирањето на ЕБОР е под Програмата за поддршка за зелена енергија (ППЗЕ).

Средствата можат да се користат за зелени технологии како бојлери, прозорци и осветлување.

Прокредит банка Македонија е третата македонска банка што се приклучува на оваа програма.

Програмата за поддршка за зелена енергија (ППЗЕ) во Северна Македонија е дел од Програмата за поддршка за зелена енергија (ППЗЕ) за Балканот во износ од 85 милиони евра, лансирана во 2017 година.

Програмата е заедничка инцијатива на Европската Унија (ЕУ), Федералното Министерство за финансии на Австрија и земјите кориснички на фондовите од Инвестициската програма за Западен Балкан (ИПЗБ).

Вкупните депозити, на годишна основа во септември 2019 година се зголемени за 10,1 отсто, при евридентиран раст на кај двата сектора, со поизразен придонес на секторот „домаќинства“, покажуваат податоците на Народната банка.

На месечна основа има намалување кај депозитите за 0,2 отсто поради падот кај депозитите кај секторот „домаќинства“.

Според објавените податоци кај кредитите на годишна основа е забележан раст од 6,4 отсто, поголем дел поради зголемено кредитирање на секторот „домаќинства“.

Од Народната банка наведуваат дека доколку се исклучи ефектот на извршените отписи на сомнителни и спорни побарувања под влијание на регулаторните промени, годишниот кредитен раст изнесува 7,1 отсто.

Вторник, 22 Октомври 2019 12:32

„Западот е во криза, а не Кина“

Кинескиот подем е една од најневеројатните приказни во историјата, вели во интервју за ДВ британскиот автор Мартин Жак, кој пред десет години го предвиде растот на Кина. Тој тврди дека Западот не разбира што се случува.

Мартин Жак пред десет години на многумина им оставаше впечаток на ексцентрик гладен за внимание. Овој британски новинар и научник со својот бестселер „Кога Кина ќе владее со светот“ уште во 2009 година го предвиде кинескиот подем, тврдејќи дека оваа земја до 2027 година ќе прерасне во најголема економија и ќе ги надмине САД. 

Книгата е продадена во 400.000 примероци, но многумина не беа убедени од аргументацијата на Жак. Тој пишува дека кинескиот систем на управување, во кој одлуките се носат на врвот и се спроведуваат без демократски процедури, всушност е супериорен во однос на западните либерални демократии.

Жак, кој работи на Универзитетот Кембриџ, во време на издавањето на книгата одеше спротивно на струјата. Пишуваше дека Кина нема да се угледа на Западот, како што мислат многумина, туку ќе се обиде да го обликува светот според своите потреби.

Понеделник, 21 Октомври 2019 14:13

Макрон наскоро во Тирана и Скопје

Францускиот претседател Емануел Макрон кој на Самитот на ЕУ стави вето за отворање преговори со Албанија и Северна Македонија, наредниот месец ќе ги посети двете земји, објавуваат денеска албанските медиуми.

Самиот Макрон на прес-конференцијата што ја одржа по Самитот на ЕУ во Брисел, најави дека планира да дојде во Скопје и во Тирана на средби со премиерите Зоран Заев и Еди Рама.

Посетата на Макрон на двете земји ја потврдиле дипломатски извори во Тирана за Exit.al. И албанскиот премиер Еди Рама, по денешната средба на раководството на неговата Социјалистичка партија, кажал дека наскоро ќе има многу значајни средби, меѓи кои и со Макрон, без да открие повеќе детали.

Албанските медиуми наведуваат дека како знак на поддршка од официјален Париз, во Тирана е отворена канцеларијата на Француската агенција за развој, која ќе работи на развојни проекти во Албанија.

Потсетуваат дека Макрон планирал да дојде во Албанија во есента 2018 година, во рамките на балканска турнеја, но посетата била откажана.

Засега нема официјална потврда за посетата на францускиот претседател на Албанија и на Северна Македонија.

Понеделник, 21 Октомври 2019 14:13

Deloitte листа на најбрзорастечки ИТ компании

Вкупно седум компании од регионот на поранешна Југославија се на Deloitte листата на 50-те најбрзорастечки технолошки компании во Централна Европа.

Меѓу нив Хрватска е доминантна со шест компании, додека Босна и Херцеговина има еден претставник. Нашата држава, Црна Гора, Србија и Словенија немаат ниту еден.

 

Списокот го води Voltas IT од Литванија, со раст од фасцинантни 5,734 проценти, а од првите десет, четири стартапи се од Чешка и по еден од Хрватска, Естонија, Унгарија, Полска и Словачка.

Чешките стартапи се најзастапени во списокот и ги има дури 19, следува Полска со 11, Хрватска со 6, Литванија со 5 и Словачка и Унгарија со по 3.

Deloitte ја прави оваа листа веќе 20 години и ги рангира 50-те најбрзорастечките приватни и јавни компании во технолошкиот сектор, а врз основа на раст на приходите во текот на четири години (од 2015 до 2018 година).

Компаниите мора да имаат приход од 50.000 евра во текот на 2015, 2016 и 2017 година како и оперативен приход од најмалку 100.000 евра во текот на 2018 година.

Најголем број на рангирани компании се занимаваат со софтвер, од нив 31, а дури 37 се на листата по прв пат.

Франција се обидува да воспостави европски регулатор за дигиталните платформи како Google, за казнувања при можна злоупотреба на влијание.

Ова го изјави висок француски службеник, наведувајќи го пример спорот со американска компанија околу европскиот закон за заштита на интелектуална сопственост.

 

Google минатиот месец објави дека на записите од резултатите од пребарувањето за корисниците во Франција веќе нема да се прикажуваат кратки информативни видео записи од европски издавачи. Одлуката ја образложи како усогласување со европскиот закон за заштита на интелектуална сопственост, но неговиот потег го налути Париз.

„Големата американска компанија, станува збор за Google, објави дека нема да ги усогласи своите активности со директивата на Европската Унија за заштита на интелектуалната сопственост”, изјави француски претставник.

„Франција и Германија го делат ставот дека мора да ставиме крај на таквото незаконско однесување“, додаде тој.

Париз најавува дека од новата Европска комисија ќе побара посебен статус за дигиталните платформи, заснован на модел дизајниран за банкарскиот сектор. Тоа би значело дека големите компании, како Google, ќе бидат прогласени за „системски важни“ и ќе подлежат на соодветно, построго регулирање.

Регулаторот на компаниите би можел да воведе санкции и парични казни, додаде францускиот официјален претставник, наведувајќи детали за иницијативата која претседателот Емануел Макрон ја започна оваа година.

„На краток рок, би сакале Европската комисија да разгледа дали има основи за покренување правно дејствие против Google“, истакна тој.

Глобалните резерви на електрична енергија добиена од обновливи извори се зголемуваат побрзо од очекуваното и би можеле да пораснат за 50% во наредните пет години. Меѓународната енергетска агенција (ИЕА) објави дека соларните, ветерните и хидроенергетските проекти се реализираат со најбрза стапка во последните четири години.

Во својот последен извештај, таа предвидува дека до 2024 година светскиот соларен капацитет ќе порасне за 600 гигавати, речиси двојно повеќе од севкупниот електричен капацитет на Јапонија. Севкупно, обновливата електрична енергија се очекува да порасне за 1.200 гигавати во следните пет години, што е рамно на електричниот капацитет на САД.

„Ова е клучно време за обновлива енергија. Ветерната и соларната фотоволтаична технологија се во срцето на трансформацијата на глобалниот енергетски систем. Тоа е клучно во борбата против емисијата на штетни гасови и загадувањето на воздухот“, вели извршниот директор на ИЕА, Фатих Бирол.

Револуцијата на обновливи извори на енергија би можела драстично да ја намали побарувачката на јаглен и нафта до крајот на следната деценија. Обновливи извори моментално даваат 26% од светската електрична енергија, што треба да порасне на 30% до 2024.

Иако бизниси и фабрики сѐ повеќе се ориентираат на соларната енергија во својата работа, се очекува и бројката на домашни соларни панели да порасне на 100 милиони до 2024 година, при што тоа е најизразено во Австралија, Белгија, Калифорнија, Холандија и Австрија.

Страница 1 од 109