СВЕТ

Цените на нафтата на светските берзи денеска се стабилизираа на нивото од над 67 долари по целодневната бурна трговија на меѓународните пазари, бидејќи по почетната паника меѓу вложувачите заради иранскиот ракетен напад врз американските цели во Ирак надвладеа мислењето дека судирот нема да има натамошна ескалација, јави Хина.
Во текот на следните месеци, Меѓународниот монетарен фонд (ММФ) ќе ја затвори канцеларијата во Атина, една деценија по придружувањето на програмата за спасување, која спречи банкрот на Грција, изјави грчкиот премиер Киријакос Мицотакис.
Цените на нафтата пораснаа, а индексите на берзите во Азија се намалија денес, откако Иран упати ракети кон американските бази во Ирак како одмазда за убиството на иранскиот генерал.
Светска економија годинава ќе забави, растот ќе биде помал, но бројот на вработени ќе се зголеми посебно во земјите од групата Г-7. Се очекува да се почуваствува стареењето на работната сила со тоа што бројот на луѓето постари од 60 години ќе се зголеми на една милијарда. Со вакви прогнози за светската економија деновиве излезе британската консалтинг агенција „Прајсватерхаус куперс“.
Рускиот претседател Владимир Путин пристигна во Истанбул на денешната церемонија на отворање на гасоводот Турски тек.
Во Словенија од денеска стапуваат во сила новите правила за финансиска помош за невработените лица, според кои, меѓу другото се зголемува паричниот надомест што ќе го добиваат оваа категорија граѓани.
Во Германија веќе неколку години има голема потреба од работници од различни професии, особено занаетчии. Претседателот на германското здружение на занаетчии, Ханс Питер Волсејфер рече дека има огромна потреба од занаетчии и мајстори во сите делови на Германија.
Од први јануари стапува на сила нова регулатива во Брисел со која се забрануваат стари дизел возила. Забраните се воведуваат постепени до 2025 кога речиси сите дизел возила ќе бидат забранети освен Евро 6.
Кина денеска најави дека од 1 јануари ќе ги намали царините за повеќе од 850 странски производи, вклучително и замрзнато свинско месо, лекови против астма и некои високо технолошки компоненти, со што би се поттикнала конкуренцијата и економскиот развој.
Русија и Украина под покровителство на ЕУ синоќа постигнаа договор за принципите за транзит на гасот, најави еврокомесарот Марош Шефчович, олеснувач на преговорите меѓу Киев и Москва.