СВЕТ

Компанијата Тесла отсега е на списокот автомобили на германската Влада, што традиционално го чинат Ауди, БМВ, Мерцедес и Фолксваген. Тесла е првата не-германска компанија на оваа листа.
Европската Комисија денеска ја презентираше „кутијата на алатки“, односно мерките, кои се потребни за да се обезбеди сигурна 5Г мрежа во Европската Унија и да се намалат потенцијалните ризици.
Кинеските власти соопштуваат дека 6.056 лица се заразени со новиот коронавирус. За повеќе од 9.000 лица постои сомнеж дека се заразени и се подложени на медицински тестови, според кинеската санитарна служба. Вирусот се прошири во секоја провинција и регион во Кина, како и во најмалку 16 други земји во светот.
Вкупниот број на работоспособно население на Западен Балкан е намалено за 400 илјади луѓе во последните пет години, а одливот на квалификувани кадри е најголемиот предизвик во оваа деценија за Западен Балкан, изјави во Сараево генералната секретарка на Регионалниот совет за соработка (РСС) Мајлинда Брегу.
Европска комисија планира укинување на монетите од еден и два евро-цента, објави германскиот весник „Зидојче цајтунг“.
Швајцарската полиција испука солзавец и употреби водени топови и гумени куршуми во судир со демонстранти во Цирих, кои направија огномет и фрлаа со шишиња за време на протестите против Светскиот економски форум во Давос.
„Фејсбук“ објави дека оваа година планира да отвори илјада нови работни места во Велика Британија.
Педесетиот Светски економски форум во Давос беше отворен синоќа со концерт на Младинскиот оркестар на Европската унија, Симфонискиот оркестар од Сао Паоло и солисти од Кина, Јапонија, Јужна Африка, Бразил и Италија. Претседавачот и коосновач на Шваб фондацијата, Хилде Шваб им врачи на 26. „кристални награди” на уметникот Тестер Гејтс, кореографката Јин Синг, актерката од Боливуд, Дипики Падуконе и уметницата Линети Ворт.
Во светот има 2.153 милијардери кои располагаат со повеќе пари од 60 отсто од населението на планетата. Тоа го соопшти Оксфам, кои нагласуваат дека концентрацијата на богатство ги погодува посебно жените.
Светскиот економски форум, кој еднаш годишно се одржува во Давос, Швајцарија, почнува денес и ќе трае до 24 јануари.