СВЕТ

Претседателот на Европската комисија во заминување Жан Клод Јункер изрази уверување дека американскиот претседател Доналд Трамп во наредните денови нема да воведе нови царини за увоз на европски возила.
Велика Британија објави дека ќе им го олесни вработувањето на странците во Националната здравствена служба (НХС), за да се надомести евентуален пад на бројот на здравствени работници заради напуштањето на земјата на Европската Унија.
Францускиот претседател Емануел Макрон во драматично интервју за списанието „Економист“ тврди дека НАТО се наоѓа на смртна постела, а Европа на работ на амбис.
Утринава почна дводневниот штрајк на екипажот на авиокомпанијата „Луфтханза“, а се очекува да бидат откажани околу 1.300 летови со кои би требало да патуват 180.000 патници.
Британскиот премиер Борис Џонсон го повика американскиот претседател Доналд Трамп да ги укине новите царини на стоките, вклучително и за шкотското виски, изјави портпаролот на британската влада.
За време на конференцијата на земјите членки на АСЕАН, Индија соопшти дека нема да ја поддржи Кина во нејзиниот обид да го предводи новиот договор за слободна трговија во азиско- пацифичкиот регион. Причина за ова, според владата во Њу Делхи е експанзијата на кинеските производи во Индија што сериозно го загрозува домашното производство и економијата на земјата.
„Мајкрософт“ во Јапонија ја тестираше идејата да се намали работната недела на четири дена.  При тоа се покажало дека скратената работна недела ја зголемила продуктивноста за 40 отсто благодарение на пократките и поефикасни состаноци. Вработените биле воодушевени од ваквиот начин на работа, а 92 отсто од нив ја пофалиле идејата за четиридневна работна недела и продолжен викенд зашто им помогнала во воспоставување подобра рамнотежа помеѓу работата и животот. Во експериментот учествувале 2.300 вработени кои имале продолжен викенд без намалување на платата и без скратени денови од годишниот одмор. 
„Нафтогас“ на Украина поднесе известување до судот во Стокхолм во кое побарува 12 милијарди долари од „Гаспром“.Извршниот директор на компанијата, Јуриј Витренко, изјави дека „Гаспром“ го нападнал „Нафтогас“ и дека тие се штитат заради тоа, пренесува „Капитал.ба“. „На 18 април минатата година ‘Гаспром’ поднесе барање до судот во Стокхолм да започне арбитража, а финансискиот ефект изнесува повеќе од 12 милијарди долари“, рече Витренко. Тој додаде дека компанијата очекува да се донесе одлука за нова арбитража во 2021 година. Според него, „Нафтогас“ од Украина планира да наплати три милијарди долари долг од „Гаспром“ идната година. Во декември 2017 година и февруари минатата…
Матичната компанија на British Airways, International Airlines Group (IAG) постигна договор со Iberia да го купи шпанскиот ривал Air Europe за милијарда евра. Во соопштението IAG наведува дека купувањето ќе биде завршено до крајот на 2020 година, доколку го одобрат регулаторите за заштита на конкуренцијата, пренесува AP.   IAG очекува со ова купување да ја претвори својата база во Мадрид во „вистински конкурент“ на главните воздухопловни центри во Европа – Амстердам, Франкфурт, Лондон и Париз. Во соопштението се додава дека со преземањето на контролата над Air Europe, групацијата, исто така очекува да воспостават летови помеѓу Европа и Латинска Америка и…
Кинескиот претседател Си Џинпинг и американскиот претседател Доналд Трамп се во постојан контакт на различни начини, соопшти денеска кинеското Министерство за надворешни работи. Трамп кон крајот на минатата недела предложи дека би можел да потпише трговски договор со Кина во државата Ајова, која е тешко погодена со царини во речиси шеснаесетмесечниот трговски спор помеѓу двете најголеми светски економии. Американскиот претседател истакна дека добро се одвиваат преговорите за „првата фаза“ од договорот и изрази надеж дека ќе го потпише договорот со Џинпинг на локација во САД кога работата на договорот ќе биде завршена. Кина досега не ги потенцираше можностите кога и каде Џинпинг…