Изнајмуваат мали авиони за да избегаат од жариштата на коронавирусот во Кина

Вторник, 18 Февруари 2020 09:02 Напишано од  Објавено во СВЕТ

Богати сопственици на приватни авиони добиваат голем број на барања за превоз на луѓе во Кина, јави Би-Би-Си. Авиокомпаниите откажуваат редовни летови заради карантинот во Хубеи и другите провинции.

Од Парамаунт бизнис џет, со седиште во Австралија, велат дека тие пријавиле „значително зголемување“ на барањата за нивните услуги уште од почетокот на кризата со вирусот.

И оваа компанија и другите компании кои обично нудат луксуз, малите авиони за изнајмување не можат да одговорат на зголемен интерес заради недостаток на доволно екипажи.

„Многу компании не сакаат да го испратат својот тим во Кина затоа што сметаат дека постои ризик. Тие исто така стравуваат дека дури и ако болеста ги одмине екипажите, тие нема да бидат достапни, бидејќи може да бидат ставени во дво-неделен карантин по враќањето од Кина“, вели Дарин Воилс од Парамаунт.

Друга луксузна компанија за изнајмување авиони со седиште во Сингапур, МајЏет Азија, вели дека во изминатиот месец зголемувањето на барањата за услуги е помеѓу 80 и 90 проценти. Тие нагласуваат дека имаат барања од лица во провинцијата Хубеи која е под карантин да платат огромни суми само за да заминат оттаму.

Мал авион може да пренесе до четири патници и чини околу 2.400 долари за еден час, средно голем авион може да пренезе до 10 патници и чини околу 6.000 долари за час.

Последен пат изменето на Вторник, 18 Февруари 2020 09:43