Британија го олеснува вработувањето на лекари и медицински сестри од странство

Петок, 08 Ноември 2019 07:30 Напишано од  Објавено во СВЕТ

Велика Британија објави дека ќе им го олесни вработувањето на странците во Националната здравствена служба (НХС), за да се надомести евентуален пад на бројот на здравствени работници заради напуштањето на земјата на Европската Унија.

Конзервативната влада планира во 2021 година да ги заостри контролите на имиграцијата во земјата по напуштањето на ЕУ.

Тоа е причината зошто иднината на здравствениот систем е едно од клучните прашања во генералната изборна кампања за следниот месец во Велика Британија.

Околу 153.000 од 1,2 милиони здравствени работници не се Британци, па критичарите на Брегзит предупредуваат дека со прекинување на слободата на движење за граѓаните на ЕУ ширум Велика Британија ќе ја лиши нејзината здравствена служба, една од најголемите работодавци во светот, од важен број работници.

Во исто време, постои загриженост дека медицински персонал кои доаѓаат од други делови на светот, особено медицинските сестри, нема да ги исполнат строгите барања на британскиот систем. Околу 52.000 моментно се персонал од Азија.

Последен пат изменето на Петок, 08 Ноември 2019 07:37