МАКЕДОНИЈА

Владата на денешната седница го донесе Планот за попуштање на рестриктивните мерки, како процес кој би се одвивал во три фази, согласно развојот на епидемиолошката состојба.
Министерот за здравство Венко Филипче информира дека стоматолозите може да почнат со работа согласно протоколите за стоматолошките ординации којшто го разгледувале со претставници од Стоматолошката комора на Комисијата за заразни болести.
Во Кабинетот на претседателот Стево Пендаровски денеска ќе се одржи лидерска средба на која се очекува да се разговара и за терминот на одржување на предвремените парламентарни избори, кои беа закажани на 12 април, но беа одложени со уредба на Владата поради прогласувањето вонредна состојба и ширењето на ковид-19.
Cметководителите со сите свои ресурси се залагаат да се овозможи претпријатијата да можат максимално да ги искористат мерките за поддршка, да може да функционираат и да не банкротираат поради неликвидност. Сметководството, како дејност носи големи обврски и одговорности, со оглед на тоа што целиот процес по носењето на економските мерки од страна на Владата, преку појаснување и презентирање пред претпријатијата, како и спроведување на истите во пракса го реализираат сметководителите.
Такси-превозот станува главно средство за превоз во меѓуградскиот сообраќај, а возовите и автобусите се сè помалку атрактивни за патниците, покажуваат податоците на Државниот завод за статистика за 2019 година.
Комисијата за заразни болести денеска не даде препорака за олабавување на мерките за заштита од коронавирусот, откако на редовниот утринскиот состанок поради зголемениот број случаи поврзани случаи изминатите 24 часа, лекарите не разговарале ниту за евентуално скусување на полицискиот час, ниту за отворање на угостителските објекти.
Нема да има намалување на средствата наменети за капитални инвестиции во ресорот транспорт, изјави министерот за транспорт и врски, Горан Сугарески при денешната работна посета на Општина Битола, каде заедно со битолската градоначалничка Наташа Петровска извршија увид во градежните работи за реконструкција и изградба на водоводни и канализациони линии низ градот.
Управата за јавни приходи информира дека за остварување на правото на работодавачот за финансиска поддршка во износ најмногу до 14.500 денари месечно по работник се поднесува Барање за финансиска поддршка за исплата на плати за месеците април и мај 2020 година за секој месец поединечно.
Агенцијата за храна и ветеринарство подготви прирачник со сет на препораки за организирање на работата на угостителите во услови на пандемија со корона вирусот. Целта е со препораките да им се помогне на операторите со храна кои се занимаваат со угостителство правилно да ја организираат работата во објектите, создавајќи услови преку максимално почитување на мерките за заштита, да се заштити здравјето и на вработените и на гостите, но и да се одржи високо ниво на хигиена во угостителските објекти.
На состанок на Комисија за заразни болести предложивме полицискиот час во време на викендот да почне 19 до 5 наутро, информира министерот за здравство Венко Филипче.