ГРАЃАНИТЕ СЕ ЖАЛАТ: Туристичките агенции не го признаваат невремето во Грција

Понеделник, 19 Август 2019 11:23 Напишано од  Објавено во МАКЕДОНИЈА

Голем број граѓани ова лето се пожалиле во Организацијата на потрошувачи дека туристичките агенции не им ги враќаат парите за неискористениот дел од одморот во Грција поради невремето што се случи минатиот месец.

– Граѓаните велат дека немале услови да останат понатаму на одмор затоа што немало струја во сместувањето што го уплатиле преку туристичка агенција и затоа бараат поврат на парите за неискористените денови. Но туристичките агенции велат дека невремето е виша сила, тие не можат да предвидат дека нема да има струја и затоа ги одбиваат поплаките на туристите – објаснува Бранко Костовски, правен експерт во Организацијата на потрошувачи.

Костовски вели дека досегашната практика покажува оти околу 90 отсто од поплаките на туристите не се прифатени од туристичките агенции.