Отстранети техничките проблеми, банкоматите на Комерцијална во функција

Петок, 26 Јули 2019 14:01 Напишано од  Објавено во МАКЕДОНИЈА

Корисниците на платежни картички од Комерцијална банка може да ги користат на сите банкомати на Банката и да плаќаат во трговијата.

– Од утрово дел од сервисите веќе се активирани, така што со картичките издадени од Банката може да вршите трансакции на сите банкомати на Банката и во трговија во земјата и во странство, соопштуваат од Комерцијална банка и додаваат дека активностите поврзани со функционирањето на останатите сервиси се во тек за што дополнително ќе информираат.

Од Банката претходно соопштија дека поради технички проблеми од вчера попладне картичките не можеа да се користат на банкоматите и во трговијата.