- World Chambers Federation (WCF), единствениот Форум на стопански комори каде 20 претставници на глобално ниво раководат над 12.000 стопански комори во целиот свет, оваа година е на годишна средба во Москва, Русија.

Нашето позиционирање за прв пат во раководството на World Chambers Federation WCF, меѓу 20 елитни претставници на комори од најсилните светски економии САД, Кина, Велика Британија, Русија, Турција, Индија, Иран, Израел, Италија, Германија, Франција, Канада, Бразил, Германија, Австрија, дава можност за директно учество на светските економски случувања, позиционирање на нашата земја како центар на регионот за влез на нови инвестиции, како и за можности за сигурни партнерства за домашните стопанственици со цел зголемување на извозот.

Претседателот на Сојузот на стопански комори на Македонија Данела Арсовска, минатата година именувана за прв претставник од Македонија во раководството на World Chambers Federation (WCF), истакна дека главен фокус на годишниот состанок се трговските бариери кои не само на регионално ниво туку и глобално предизвикуваат пад на економските резултати, намалување на трговијата и поместување на пазарите, ефекти кои не секоја економија може да ги издржи без долгорочни последици. Во таа насока клучна улога игра реализација на трговските агенди базирани на економска дипломатија, која во модерниот свет е начин на комуникација за елиминирање на трговските бариери.

„Економската дипломатија игра се позначајна улога во современиот свет за отстранување на трговските бариери, во таа насока приоритетно е решавање на меѓународните отворени економски прашања и отстранување на трговските бариери за олеснување на влез на компаниите на интернационалните пазари. Во време во кое политиката на глобално ниво дава ветување за слободна трговија, а во исто време се преземаат дејства за блокади, се поважна е економската дипломатија за отстранување на трговските бариери. На овој значаен годишен собир креираме стратешки план за идното економско глобално делување, но останува и предизвикот како во време на континуирана нестабилност Македонија да се позиционира со конкурентни производи и услуги на странските пазари“, изјави Арсовска.

Џон Дентон, генералниот секретар на (ICC) International Chambers of Commerce  во своето обраќање истакна дека нагласена е итната потреба за овозможување на деловните активности низ целиот свет во услови на мир, просперитет и еднакви можности за сите.

„Застапувајќи 45 милиони компании ширум светот, донесовме  декларација со која се утврдува визијата за обликување на иднината на глобалниот бизнис за следниот век, пренесена е порака за заедничка работа на приватниот сектор, владите и јавноста за креирање поинклузивен и одговорен модел", изјави Дентон.

На годишниот состанок на раководството на World Chamber Federation WCF присуствуваше и министерот за надворешни работи на Руската Федерација, Сергеј Лавров, како и министерот на московската Влада, Сергеј Черемин. 

Светската коморска Федерација како единствен глобален форум кој ги обединува стопанските комори од целиот свет, делува на зајакнување на врските меѓу коморите, но го претставува и гласот на бизнис заедницата во најрелевантните светски организации како Организацијата на Обединети Нации ООН, Г20, Светската Трговска Организација, како и Европската Банка за обнова и развој. 

World Chambers Federation (WCF), со седиште во Париз, секоја година организира глобален настан на различен континент, во 2018 глобалната агенда ја објави во Дубаи, а годинава собирот се одржува во Русија.

Заменик-директорот на Платежната агенција, Авдул Селам Селами, денеска од скопската општина Чаир најави дека официјално се вклучува во кампањата „Мој ДДВ“. Со оваа мерка, како што рече, граѓаните имаат можност со секоја фискална сметка до 30.000 денари, да остварат поврат на 15 отсто од платениот данок на додадена вредност.

Селами истакна дека секојдневно ја користи апликацијата „Мој ДДВ“. Со своето семејство ги скенира сметките со цел поврат на дел од парите кои ги потрошиле дома или во ресторан.

-Со враќање на парите кај граѓаните се подбрува животниот стандард и куповната моќ, а со тоа позитивно се влијае и на економскиот раст. Оваа владина мерка придонесува и за намалување на сивата економија, подобрено прибирање на даноците, со што ќе се слеат и повеќе средства во Буџетот. Тоа од друга страна значи и повеќе пари во секторот земјоделство, за инвестиции. Зголемената поддршка во земјоделството ќе значи и подобрување на животниот стандард на македонскиот земјоделец, порентабилно производство и поголеми приходи што директно влијаат на бруто домашниот произво, нагласи Селами.a

Владата размислува да го намали ДДВ-то за увоз на нови, но и на половни возила во земјава. Ако тоа се случи, тогаш би отпаднала идејата за давање на државна субвениција од три илјади евра за набавка на возило со ЕУРО 5 или 6 стандардот, најавува за Алсат министерот за економија Крешник Бектеши. На тој начин ќе се избегне опасноста дел од граѓаните кои би аплицирале за државна помош за купување возило, да останат со празни раце. Во Владата се прават пресметки која опција ќе биде поисплатлива за државната каса, дали намален ДДВ за увоз или 3.000 евра за субвенционирање.

„Не е напуштена идејата за три илјади евра, паралелно работиме на фискалните импликации, но работиме и на тоа на колку граѓани може да помогнеме со првата и колку со втората мерка. Првичните информации кои нас ни доаѓаат се дека е подобро да одиме со втората мерка бидејќи така ќе им овозможиме на сите заинтересирани граѓани да увезуваат нови автомобили“, рече министерот Бектеши.

Неофицијално, поголемиот дел од членовите на владата се за времено намалување на ДДВ-то на увоз на половни и нови автомобили. Измените на законот за возила предизвикаа многу интерес кај граѓаните уште по самото објавување пред повеќе од еден месец. Првичната идеа беше старото возило прво да се остави во отпад за автомобили кој би добил посебно овластување од Министерството за животна средина. Потоа, во МВР би требало да го одјави тоа возило и таму да ја предаде сообраќајната книшка. Дури потоа заинтересираниот граѓанин би можел прво да купи возило со еуро пет стандардот, но до 12 илјади евра и со сите документи да аплицира во Министерството за економија за поврат на три илјади евра.

Претседателот на Република Северна Македонија, Стево Пендаровски, денеска ја прими постојаната претставничка на програмата за развој на Обединетите нации (УНДП), Нарине Сахакјан.

На средбата, претставничката на УНДП го информираше претседателот Пендаровски за актуелните проекти како и за идните приоритетни активности на организацијата во Република Северна Македонија.

Двајцата соговорници изразија задоволство од воспоставената плодна соработка меѓу Северна Македонија и мисијата на УНДП изразена низ голем број успешно реализирани проекти и иницијативи, коишто непосредно влијаат врз подобрувањето на целокупниот квалитет на живот на граѓаните на државата.

Претседателот Пендаровски ја нагласи исклучително важната улога на мисијата во остварувањето на нашите развојни цели, како и нивниот директен и несебичен ангажман на нашиот реформски пат во остварувањето на нашите стратешки приоритети, членството во ЕУ и НАТО.

Во тој контекст Претседателот ја потенцираше и неопходноста од понатамошна максимална вклученост и активна соработка со УНДП од страна на сите институции и граѓански организации на локално и централно ниво.

Потпретседателот на Сојуз на стопански комори, Габриела Кулебанова и директорот на Царинската Управа, Ѓоко Танасоски со компании членови на Сојузот, дискутираа за важноста од дигитализацијата и осовременувањето на Царинското работење.

За да се обезбеди успех на реформските програми потребна е конструктивна и одржлива двонасочна комуникација и интеграција помеѓу царината и деловната заедница.

Управата за јавни приходи ве известува дека веб апликацијaта МојДДВ за увид во износот на поврат на 15 % од ДДВ и бришење на фискални сметки коишто се скенирани по грешка, од денеска е достапна за граѓаните на македонски албански и англиски јазик.

Веб Апликацијата МојДДВ може да се преземе на следниот линк којшто е поставен на официјалната веб страната на УЈП https://mojddv.ujp.gov.mk/

Повеќе детали за функциите коишто ги нуди веб апликацијата МојДДВ како и за чекорите за користење се содржани на следниот линк: http://www.ujp.gov.mk/mk/javnost/soopstenija/pogledni/721

Градските власти во Берлин планираат да ја ограничат месечната закупнина за станови на 7,97 евра за метар квадратен, како дел од планот за замрзнување на висината на киријата кој беше договорен претходно годинава, објави весникот „Тагешпигел“, повикувајќи се на нацрт-законoт.

Берлинската сенаторка за урбан развој, Катрин Ломпшер, планира ваквата мерка да ја воведе за станови изградени до 2013 година, а од неа би биле исклучени становите изградени по 2014 година, пренесува агенцијата „Ројтерс“.

Предлог-законот сè уште е предмет на дискусија и може да претрпи измени, наведува весникот.

Се очекува сенатот до 15  октомври да го достави нацрт-законот до градскиот парламент, а законот би требало да стапи на сила во јануари следната година.

Берлинските власти одлучија дека кириите за станови не смеат да се зголемат во наредните пет години, со цел да го контролираат вртоглавиот пораст на цените на недвижностите во германската метропола која некогаш била позната по ниските трошоци за живот.

Новиот „Фиат 500 жардиниери“, кој на пазапарот би требало да го замени моделот „500-L“, нејзверојатно ќе се произведува во Србија, најавуваат италијанските медиуми, а сега потсетува специјализираниот италијански сајт „clubalfa.it.

„Жардиниери“, како што тврди италијанскиот сајт повикувајќи се на менаџментот на „Фијат“, веројатно ќе се произведува во фабриката за автомобили „Фиат Крајслер“ во Крагуевац, каде сега се произведува „500-L“.

Како што пренесува „Политика“, италијанско-американската групација допрва треба да ја потврди оваа вест, а „жардиниери“ би требало да се симне од производствената лента во текот на 2021 година.

Овој автомобил веројатно ќе има и електрична верзија.

„Жардинерија“ во превод значи „сад за цвеќе“, но во овој случај има и пошироко значење, наведува весникот.

Витаминка ќе додели 4 целосни стипендии за додипломски студии за академската 2019/2020 година. Стипендиите ќе се доделат по две на Машинскиот факултет во Скопје, и тоа во некоја од насоките производно инженерство; материјали, процеси и иновации; индустриско инженерство и менаџмент; мехатроника; автоматизација и управувачки системи. Другите две стипендии ќе бидат за кандидатите на Факултетот за електротехника и информациски технологии во Скопје, односно некоја од насоките електроенергетика, автоматизација и обновливи извори на енергија; електроенергетика, управување и менаџмент.

Со доделувањето стипендии Витаминка има за цел да ги поттикне младите да го изградат својот професионален профил во некоја од техничките насоки и ги повикуваат да се пријават на конкурсот.

„Доделувањето стипендии е во склоп со нашата корпоративна одговорност и со компаниската филозофија за значењето на стручното високо образование како и константната потреба од вакви кадри за производните процеси. Токму затоа, стипендиите се лоцирани во машинските и електротехнички насоки, каде што веруваме дека има големи капацитети и уште поголеми потреби, а сето тоа отвора и многу можности за образованите академски граѓани да станат професионалци“, велат од компанијата.

Кандидатите треба да ги исполнуваат критериумите од конкурсот, да покажат желба и амбиција за образување во овие области. Студентите кои ќе ги добијат стипендиите ќе бидат обврзани за редовно студирање и запишување на семестрите како и на задолжителна феријална пракса во Витаминка, во текот на летниот период во траење од најмалку 30 (триесет) дена.

Орце Камчев изутринава се појавил пред шефицата на обвинителството за гонеење на организиран криминал Вилма Русковска. Бил викнат како сведок, без најава ниту информација во медиумите. Така и си заминал, а што кажал останува тајна во истрагата. Тој пријави „рекет“, а ги снимил Боки 13 и Зоки Кичеец како изнесуваат од неговиот дом во скапа чанта еден милион евра. Камчев ототгаш го снема во јавноста ,а до вчера летуваше со јахтата. Пред два дена одново стана прва вест во меидумите откако интернет портал незаконски објави мал дел од неговиот исказ кога ја поднесувал кривичната пријава. Откако, пак, Катица Јанева од обвинителската фотеља се пресели во истражниот затвор, советот на обвинители утре ќе расправа и за одземањето на нејзината функција. Ќе додржи ли ЈАнева до 15 септември кога истекува нејзиниот мандат или советот ќе пресече и ќе отпочне постапка за поставување на вршител на должноста на нејзино место треба да произлезе од утрешната дебата, меѓу обвинителите. Претседатлот на советот Коле Шетрјев одново повтори дека утре ќе застане на страната според која со законот за СЈО не може да се постави вршител на должност.

  • Утре ќе почне расправата, на крај ќе видиме дали има елементи за разрешување на Јанева или можеби ќе нема согласност за тоа. Ако одлучиме дека се разрешува, се изготвува Извештај, кој го праќаме до Собранието, изјави за Телма, Штерјев.

Темата во советот е вмешаноста на специјалната обвинителка Катица Јанева во случајот Рекет, А седницата на Советот ќе биде затворена за јавноста, бидејќи материјалите за Јанева се дел од предметот „рекет“ кој се уште е во истрага. Советот може да почне постапка за разрешување на Јанева врз основа на констатација дека Јанева работела незаконито, нестручно и несовесно си ја вршела функцијата. Наспроти Штерјев републичкиот јавен обвинител Љубомир Јовески смета дека во Законот за јавно обвинителство постои опција да се постави вршител на должноста.  Јовески се повика на одредбата од Законот за СЈО во која се вели дека за се што не е регулирано со овој закон, се применуваат одредбите од Законот за јавното обвинителство. Извештајот на советот ќе патува до Собранието, а по комисиското разгледување и во согласнсот на четирите партии со најголем број пратеници, Собранието пленарна седница со двотретинско и Бадентерово мнозинство, треба да утврди формален предлог за разрешување на Јанева, кој ќе оди на финално решавање во Советот. Јанева физички не може да ја извршва функцијата од зад решетки откако стана осомничена во „Рекет“ дека ја злоупотребила службената положба. Заедничко на Боки 13, Кичеец и ЈАнева е ОРце Камчев кој, пак, за Јанева беше осомничен во случајот за перење пари „Империја“, но со нејзнин потпис тој излезен од притвор, и доби привремен пасош.

Деловната доверба во Германија се влоши над очекувањата во август, „паѓајќи“ на најниско ниво од ноември 2012. година, покажаа резултатите од едно истражување.

Индексот на бизнис климата, кој го пресметува Економскиот институт „Ифо“ во Минхен, падна на 94,3 поени во август од највисоко ревидинарите 95,8 поени во јули, се вели во соопштението на Институтот „Ифо“.

Податоците за август, што укажуваат на петти последователен месец на опаѓање, се пониски од очекувањата на аналитичарите од 95,1 поен.

– Постојат сè повеќе индикатори за рецесија во Германија – рече претседателот на „Ифо“, Клименс Фуест.

Компаниите се помалку задоволни од тековната деловна состојба и нивниот песимизам се зголеми кога станува збор за наредните месеци, додаде Фуест.

Страница 1 од 78