ЕКОНОМИСТ Инвестирај во себе

Едно четиричлено семејство во земјава, годишно просечно располага со 7.100 евра вкупен приход или со 591 евро месечно, а во просек троши 5.862 евра или 488 евра месечно. Ова го покажува Статистичкиот годишник за 2018 година на Државниот завод за статистика.

Генералниот директор на АД ЕСМ, Васко Ковачевски очекува за една до две недели да завршат сите процедури и да почне аплицирањето за надоместот од 1.000 евра за граѓаните и фирмите за вграден инвертер клима уред во четирите најзагадени општини во државава, што го нуди Владата преку оваа енергетска компанија.

Јавниот долг е стабилизиран и е намален за 1,1 процентен поен во однос на долгот од 2016 година кога изнесувал 48,8 отсто и кога галопирачки растел, рече министерката за финансии Нина Ангеловска во денешната расправа за Предлог-буџетот 2020 во матичната собраниска Комисија за финансирање и буџет.

Предлог буџетот на државата за следната година за кој денеска стартуваше расправа во матичната собраниска комисија, според опозициската ВМРО-ДПМНЕ, е нереален, неразвоен, само со социјална компонента и мерки кои се евтин предизборен популизам.

За првите десет месеци оваа година, Управата за јавни приходи – УЈП оствари вкупен даночен приход од 68 милијарди денари, кој е за три проценти повисок од остваренот приход минатата година, односно за 10 отсто повисок од 2017 година, информираше денеска директорката на УЈП, Сања Лукаревска по повод 25 годишниот јубилеј на Управата.

Народната банка објавува текстови со кои физичките и правни субјекти ги едуцира за значајни прашања од доменот на работењето на централната банка, работењето на деловните банки и макроекономијата. Во најновиот текст се обработувава темата валутен ризик.

Порталот Јавна администрација ги објави работните позиции и платите на раководителите во јавната администрација, според систематизацијата на работни места.

Девет веќе постоечки и осум новоформирани земјоделски задруги од различни региони на земјава денеска ќе ги добијат договорите за финансиска поддршка од ЕУ.

 Младинскиот додаток во висина од 3.000 денари месечно ќе им се исплаќа на млади вработени лица до 23 години со завршено најмалку средно образование во дејностите на производството за да го зајакнеме нивниот стандард и да ја стимулираме атрактивноста на стручните занимања за кои на пазарот на трудот во нашата земја постои нагласен интерес, истакна претседателот на Владата, Зоран Заев.

„Централна кооперативна банка” (ЦКБ) соопшти дека во првите девет месеци од годинава забележала нето загуба од шест милиони денари (98.000 евра).