ФИНАНСИИ

Во просек една третина од домаќинствата во регионот имаат проблем со навремено подмирување на режиските трошоци во последните 12 месеци, покажува годишното истражување на Евростат за приходите и условите за живеење, објавува Евростат. 
Министерството за финансии во последнава година заедно со Народна банка работеше на новиот Закон за платни системи и платежни услуги, со којшто воедно се воведува и отворање и либерализација на пазарот со што ќе може да влезат и други компании, изјави денеска министерската за финансии Нина Ангеловска, одговарајќи на новинарско прашање околу либерализацијата на банките.
Фондот за иновации и технолошки развој (ФИТР) и Македонската банкарска асоцијација потпишаа Меморандум за соработка за олеснување и зголемување на пристапот до финансиски средства за домашните компании и отворање на дополнителни можности за инвестирање во иновации.
Министерката за финансии Нина Ангеловска најавува дека Владата преку конкретни мерки и политики ќе работи на сузбивaње на сивата економија и на подобрување на наплатата на приходите. Ова таа го истакнала одговарајќи на прашање „како до раст на буџетската приходна страна“, на панел-дискусија на конференцијата на УниКредит - „Emerging Market Winter Conference“, која се одржува денеска во Виена, Австрија.
Со последните измени опфатот на стечајни работници коишто ќе бидат материјално обезбедени до нивно пензионирање се проширува на уште 1.000 лица, соопштија од владината прес-служба, откако на вчерашната седница Собранието ги изгласа најновите измени и дополнувања на Законот за материјално обезбедување на невработените лица поради приватизација на претпријатијата во доминантна државна сопственост.
Владата на вчерашната седница ја усвои Програмата за заштита на ранливи потрошувачи на енергија за 2020 година.
Владата на Република Северна Македонија на својата трета редовна седница го утврди новиот текст на Предлог-законот за изменување и дополнување на Законот за финансиска полиција и донесе одлука предлог законот да го достави на усвојување до Собранието.
Цените на горивата остануваат исти, а од полноќ поскапува само мазутот М-1 НС за 1,877 денари за килограм, одлучи денеска Регулаторната комисија за енергетика (РКЕ).
Гувернерката на Народната банка, Анита Ангеловска-Бежоска и министерката за финансии, Нина Ангеловска ќе учествуваат на еден од водечките традиционални настани од областа на финансиите – Форумот на Централна и Источна Европа, што го организира „Еуромани“ во Виена, Австрија.
„Деловен успех и среќа“, „Вештачка интелигенција“ и „Среќен роденден“ се новите ковани пари за колекционерски цели што ги пушти во оптек Народната банка. Цената на кованата пара „Деловен успех и среќа“ изнесува 3.000, денари, на „Вештачка интелигенција“ 3.200 денари, а на кованата пара „Среќен роденден“ 4.000 денари.