НОВИНИ

Во екот на изборната кампања за парламентарните избори Владата носи одлуки за смена на членови на управни и надзорни одбори на јавни претпријатија.
МојДДВ #МојаНаграда се адаптира на COVID-19 состојбата. Ќе има поголем број на дневни награди од 1.000 денари за сите оние кои скенираат сметки и придонесуваат во борбата против сивата економија, променети износи на награди за месечните и главното извлекување, објави министерката за финансии Нина Ангеловска на својот профил на Фејсбук.
Намалување на прометот во трговијата, особено во трговијата на мало со храна, пијалаци и тутун, непрехранбени продукти, освен гориво и кај трговијата на мало со автомобилски горива.
Бројот на работниците во индустријата во мај годинава, во однос на мај лани забележал намалување од 5,1 отсто, а за периодот јануари – мај годинава во однос на тој период лани има намалување од 4,2 отсто, објави Државниот завод за статистика.
Управата за јавни приходи информира дека согласно измените и дополнувањето на Уредбите со законска сила за финансиска поддршка на работодавачите и самостојните вршители на дејност погодени од здравствено-економската криза предизвикана од коронавирусот, заради исплата на платите за месеците април, мај и јуни 2020 година, компаниите и самостојните вршители на дејност мерката 14.500 може да ја користат и во јуни 2020 година.
Со лет на „Виз ер" в среда се отвора Меѓународниот аеродрoм – Скопје, а веднаш по него ќе лета и „Туркиш ерланс". „Виз Ер" ќе го отвори и аеродромот во Охрид „Свети Апостол Павле" в четврток, а на средината на јули се очекува преку аеродромот да дојдат и првите туристи од Холандија и Полска, соопшти генералниот директор на ТАВ – Македонија, Алпер Ерсој.

Растат цените на горивата

Понеделник, 29 Јуни 2020 11:14
Цената на горивата од ноќеска на полноќ се зголемува за половина денар по литар, одлучи денеска Регулаторната комисија за енергетика (РКЕ). Со одлуката се врши зголемување на малопродажните цени на нафтените деривати во просек за 1,05 отсто.
Управата за јавни приходи информира дека согласно Уредбата со Законска сила за субвенционирање на износ за исплата на придонеси од задолжително социјално осигурување за вработени во медиуми, работодавач-медиум може да ја користи мерката субвенционирање на исплата на придонеси од задолжително социјално осигурување за вработените во медиумите кои работеле и известувале за надминување на состојбата со COVID -19 за времетраење на вонредната состојба, за месеците јуни, јули и август 2020.
Во мај во државниот буџет се слеале вкупни приходи на сума од 206 милиони евра, што е намалување за 25 милиони евра во однос на април, кога се собрале 232 милиони евра како приходи, покажува месечниот извештај за извршување на буџетот за мај кој го објавува Министерството за финансии.
Зацврстување на институционалниот дијалог, протоколи за работа како и финансиска поддршка, особена за оние туристички водичи и придружници кои не остваруваат дополнителна дејност се дел од барањата на Македонската асоцијација на туристички водичи и придружници МАТВП при Сојуз на стопански комори на Македонија.