НОВИНИ

Железничкиот сектор во државава ја заокружи минатата и ја почнува новата година речиси со исти ветувања за нови километри пруги и обнова на возниот парк, планови за обезбедување финансии од меѓународни кредитори, субвенциониран превоз на патници… Во државниот буџет за изградба на железницата и за развој на железничкиот сектор за годинава се планирани две милијарди и 652 милиони денари, за 577 милиони денари повеќе отколку за 2019 година.
Старите навики се посилни од новиот Закон за јавните набавки, a „најниската цена“ и електронската аукција остануваат неприкосновени и во првите месеци од примената на Законот, се вели во Извештајот од мониторингот на јавните набавки за периодот јануари-јуни 2019 година, на Центарот за граѓански комуникации.
Од 1 јануари ќе се применуваат измените на Законот за данок на личен доход со кои се става во мирување примената на прогресивниот данок на личен доход.

Oд јуни нова авио-линија Брисел-Охрид-Пула

Понеделник, 30 Декември 2019 10:25
Белгиската авиокомпанија „ТУИ Флај Белџам“ од 6 јуни 2020 година ќе воведе авионски линии на релации од Брисел до Охрид и до хрватскиот град Пула и обратно, објави специјализираниот портал за авиосообраќај simpleflying.com.
Возилата ќе се даночат според еколошката категорија, а од од први јануари, за возила до 10.000 евра вредност, износот на данок ќе се пресметува само според емисијата на ЦО2.
По забавувањето на економската активност во 2017 година, од минатата година се забележува постепено забрзување на македонската економија. За оваа година, од досега расположливите податоци, се гледа дека трендот на постепено забрзување на економската активност продолжува, истакна гувернерката на Народна банка, Анита Ангеловска-Бежоска во интервју на ТВ Алфа.
Во Регистарот на преземени недвижности (одземен имот) наменети за продажба што го промовираше денеска Катастарот, како новина што се воведува во државава, заклучно со денеска деловните банки доставиле податоци за 1.207 станови и деловни простории, како и за 278 парцели со градежно и земјоделско земјиште.
На панел дебатата во организација на Finance Think, за парафискалните или скриените неданочни такси, давачки и надоместоци кои се воведени од централната и локалната власт, независните агенции и регулаторните тела, претседателот на Сојузот на стопански комори на Македонија, Данела Арсовска истакна дека тие претставуваат голем товар за стопанството.
Владата денеска усвои Одлука за намалување на царински стапки за одделни производи (компоненти) потребни за производство на технолошко напредни производи.
Спроведената анкета во првото тримесечие на 2019 година во која испитаниците се изјаснуваат за направените онлајн нарачки и купувања во последните 12 месеци покажува раст од 14%, односно купиле онлајн 35,9% од интернет корисниците, наспроти 31,6% од интернет корисниците во истиот период минатата година.