Бектеши: Келнерите не може да легитимираат, ќе побараме протоколот за угостителските објекти да се смени

Четврток, 28 Мај 2020 17:24 Напишано од  Објавено во НОВИНИ

Министерот за економија Крешник Бектеши денеска во гостувањето во вестите на телевизија Сител кажа дека согласно Законот за угостителска дејност нема одредба според која сопствениците, менаџерите и вработените во угостителските објекти имаат надлежност да ги легитимираат гостите. Стојко Пауновски, директорт на Пазарниот инспекторат денеска пак изјави дека угистителите ќе треба да ги легитиираат гостите за да проверат дали може да седат четворица на иста маса.

Министерството за економија ќе упати писмо до Комисијата за заразни болести за да се преиспита делот во протоколот за работа на угостителските објекти каде е пропишано колку лица може да се послужат на една маса и дали се од исто семејство или не.

Toj потенцираше дека протоколот за работа на кафетериите и угостителските објекти за исхрана неколку пати беше дискутиран со угостителите кои имаа забелешки токму во овој дел.

„Што се однесува до одредбите дека на една маса може да седат двајца, или четворица, но од исто семејство, јас можам да кажам само за она што е во надлежност на Министерството за економија. Согласно Законот за угостителска дејност, келнер , менаџери или управители на угостителски објекти немаат право да легитимираат граѓани, односно гости. Тоа е регулирано согласно Законот за полиција, Законот за заштита на лични податоци и само службени лица може да легитимираат граѓани, по посебни критериуми “ кажа Бектеши во интервјуто.

Министерот потенцираше дека протоколот за работа на угостителските објекти треба уште еднаш да се разгледа во детали од страна на Комисијата за заразни болести.

“Ние како Министерство за економија ќе пратиме писмо до до Комисијата за заразни болести, ако претходно имавме забелешки, сега и во пракса во првиот ден, откако се отворија угостителските објекти може да се види дека протоколот тешко се применува и од страна на угостителите и од страна на гостите. Секако ќе бараме од Комисијата за заразни болести да ги преиспита овие одредби во протоколот за да нема заблуди и кај граѓаните и кај угостителите, кажа Бектеши.

Во однос на инспекциските контроли министерот уште еднаш поптенцираше дека инспекторите во првите десет дена од стапување на сила на новите протоколи ќе имаат едукативна задача, односно ќе ги едуцираат угостителите како да се придржуваат до мерките за заштита и нема да казнуваат.

“Во моментот кога се држи физичка дистанца слободно може да седат и четворица на една маса, ова беше забелешка на Министерството за економија кога се подготвуваа протоколите, а тоа го предложивме како барање на коморите. Но, тоа е одлука на Комисијата за заразни болести, а јас како министер за економија и како член на Владата секогаш ќе давам наши препораки идеи и коментари како надлежно министерство во делот на угостителството, но ќе ја почитуваме финанлната ослука од страна на Комисијата за заразни болести за почитување на сите протоколи на кои тие се повикуваат бидејќи се најнадлежни за заштита на здравјето на граѓаните“, потенцираше министерот.

Последен пат изменето на Четврток, 28 Мај 2020 17:32