Рафајловски: Државата да ја остави бизнис заедницата на мир

Вторник, 14 Јануари 2020 13:05 Напишано од  Објавено во НОВИНИ

Горан Рафајловски, консултант, стопанственик и повеќе години на раководни коморски функции, за Утрински брифинг на „Слободен печат“ вели дека овие избори ќе го чинат бизнисот многу.

- Морам да ви кажам дека за жал во Македонија има многу малку бизнис, а многу политика. Уште пред 12 години барав државата да се занимава исклучиво со она што треба, инфраструктура, земјоделие и образование и да ја остави бизнис заедницата на мир. Имаме смешно-страшна ситуација, подигнуваме фирми на неверојатно ниво и после ги уништуваме. Ниту една наредна бизнис консталација поддржана од политичка партија не собрала до сега храброст да му каже на постоечкиот бизнис кој е силен дека ќе му го купи бизнисот и ќе продолжи да работи – напротив ќе го уништи до крај, вели Рафајловски.