Народната банка, уште еднаш појасни дека одземањето на дозволата за работа на Еуростандард банка е законска и затоа што банката не ги исполнила минималните услови за работа.

Новата иницијатива имплементирана од ЛинкАкрос и кофинансирана од УСАИД, регионалниот проект за економски развој, управување и развој на претпријатија е фокусирана на поттик на економскиот раст во Северна Македонија и Албанија. Оваа иницијатива, наречена ГроуБиз (GrowBiz) е намената за намалување на несаканите ефекти прв економијата од КОВИД-19 пандемијата. ГроуБиз има за цел да помогне во растот и зглемената продажба во областите туризам, земјоделие и производство.

Иницијативниот одбор на Здружението на оштетени штедачи од Еуростандард Банка соопшти дека одржале состаноци со сите пратенички групи во Собранието со цел барање на поддршка во изнаоѓање на итно, изводливо и ефикасно решение за оштетените штедачи од Еуростандард Банка – физички и правни лица.

Државата ќе гарантира за фирмите полесно да можат да земат комерцијални кредити во банките. Државната гарантна шема треба да започне до крајот на годината, најави министерот за финансии Фатмир Бесими.

По повод одбележувањето 25 години од основачкото собрание на Македонска берза АД Скопје, денеска на Берзата ќе се одржи Инвеститорски ден, во рамки на кој сите домашни физички лица ќе тргуваат со акции на сите пазарни сегменти без трансакциски трошоци што ги наплатуваат овластените пазарни институции и учесници.

Сите млади кои имаат идеја или иновативно решение за нов и подобар пристап кон природата, образованието, зајакнување на жените, културата, руралниот развој, здравството или вработувањето имаат уште десет дена – до 27-ми септември, да аплицираат за програмата Регионален инкубатор за социјални претприемачи – РИСЕ и да добијат поддршка за развој на своите идеи од нула.

„Мермерен комбинат" од Прилеп ќе распредели над 8.03 милиони евра (494.456.253 денари) за дивиденда за 2019 година.

Министерот за транспорт и врски Благој Бочварски денеска го потпишал Правилникот за урбанистичко планирање, со што се овозможува примена на новиот Закон за урбанистичко планирање.

Новиот министер за транспорт и врски Благој Бочварски денеска упати повик за вклучување на градежни и сообраќајни инженери, правници и архитекти, професори и експерти од секоја област во поставување систем кој, како што рече на прес-конференција, ќе биде мозокот и вистински координатор на оперативата за силни капитални инвестиции.

Регулаторната комисија за енергетика и водни услуги (РКЕ) е ставена на располагање со сиот свој капацитет да биде логистика во процесот на разговори кои синдикатите ќе ги водат со Владата и со соодветни анализи и практики да го аргументира барањето за помош кон најранливите категории граѓани.

Осум милиони евра преку две кредитни линии ќе бидат вложени за поттикнување инвестиции кај домаќинствата за енергетска ефикасност и за подобрување на конкурентноста на домашните мали и средни претпријатија.

Страница 1 од 70