Во согласност со моменталната ситуација на ширење на Корона вирусот, а со цел заштита на клиентите и вработените, НЛБ Банка изврши промена на работното време на своите експозитури почнувајќи од понеделник 06.04.2020 година.

• Сите експозитури на НЛБ Банка од понеделник до петок ќе работат во период од 08:30 до 15:00 часот, освен Eкспозитура Дирекција која ќе работи од 08:30 до 16:00 часот.

• Експозитурите на Банката во сабота нема да работат.

Експозитурите на Банката продолжуваат со работа за клиентите со извршување на сите банкарски трансакции.

Работното време на експозитурите ќе се менува тековно согласно расположливите капацитети, актуелни мерки и состојби и истото редовно ќе се ажурира на веб страницата на Банката на следниот линк.

“За Ваша заштита и заштита на Вашите блиски, Банката уште еднаш апелира да останете дома, да ги минимизирате посетите на експозитурите доколку не се неопходни и да ги извршувате сите банкарски трансакции преку мобилното и електронското банкарство без провизии до 15.04.2020 година. Ние сме заедно со Вас за сè што следи и сме достапни на социјалните мрежи, на веб страницата и на телефонскиот број 02/15-600.” – велат од Банката.

Централниот регистар информира дека од понедленик Регионална Регистрациона Канцеларија Куманово ќе работи со скратено работно време.

Финансиските регулатори склучија Меморандум за меѓуинституционална соработка со кој што ја зајакнуваат соработката во следењето на состојбите во финансискиот систем.

Владата донесе Уредба со законска сила за примена на Законот за лизинг за време на вонредна состојба и Уредба за примена на Законот за финансиските друштва.

Алкалоид АД Скопје преку Макеоднската берза информира дека во понеденик ќе се одржи годишно собрание на акционери.

Комерцијана банка согласно новата Уредба за примена на Законот за трговските друштва на 02.04.2020 година го одржа своето редовно Годишно собрание на кое акционерите учествуваа и гласаа преку писмена кореспонденција.

Најбргу ќе стигнат средствата од Меѓународниот монетарен фонд од странските ликвидносни инјекции, кои се очекува најверојатно да дојдат во текот на месецов, изјави министерката за финансии Нина Ангеловска во интервју за „Утрински брифинг“.

А1 Македонија информира дека месечните сметки отсега ќе бидат доставувани по електронски пат. 

Очекуваме да дојде до олеснување на финансиските услови и за граѓаните и за корпоративниот сектор. Токму тоа и беше цел на измените на регулативата за работењето на банките, коишто ги донесовме.Очекуваме банките активно да ги имплементираат можностите од регулаторните измени. Ова го истакна гувернерката Анита Ангеловска-Бежоска во вчерашното издание на емисијата „Клик плус“ на ТВ 21.  

Централниот регистар на Република Северна Македонија, согласно член 552-а од Законот за трговските друштва објавува список на трговци поединци и трговски друштва над кои Централниот регистар на Република Северна Македонија спроведува постапка за бришење согласно член 477 и 552а од истиот Закон, од причина што Управата за јавни приходи со Решение утврдила статус неактивен три години по ред.

Владата донесена Уредбата со законска сила за примена на Законот за превоз на опасни материи во патниот и железничкиот сообраќај, со која полагањето на испитот за советник за безбедност при превоз на опасните материи и на испитот за стручна оспособеност на возачите на моторни возила за превоз на опасни материи се одложува за време на траењето на вонредната состојба.

Страница 1 од 43