Засега добро тече исплатата на покачената минимална плата на 14.500 денари и тоа е поврзано со мерката за субвенционирање на раст на плати. Сигурна сум дека доколку имаме целосен мандат од четири години ќе постигнеме минимална плата од 16.000 денари, порача денеска вицепремиерката за економски прашања Мила Царовска.

Фондот за иновации и технолошки развој (ФИТР) и Македонската банкарска асоцијација потпишаа Меморандум за соработка за олеснување и зголемување на пристапот до финансиски средства за домашните компании и отворање на дополнителни можности за инвестирање во иновации.

Вкупно 101.878 граѓани кои имале трансакциски сметки или штеделе во пропаднатите банки и штедилници сѐ уште не се обештатени. Вкупниот износ на пари кои треба да ги земат овие граѓани изнесува 149,9 милиони денари. Ова го покажува извештајот за деловната активност на Фондот за осигурување на депозитите за првата половина на 2019 година.

Директорката на Управата за јавни приходи, Сања Лукаревска оствари средба со директорката на даночната администрација на Република Албанија, Делина Ибрахимај.

Министерката за финансии Нина Ангеловска најавува дека Владата преку конкретни мерки и политики ќе работи на сузбивaње на сивата економија и на подобрување на наплатата на приходите. Ова таа го истакнала одговарајќи на прашање „како до раст на буџетската приходна страна“, на панел-дискусија на конференцијата на УниКредит - „Emerging Market Winter Conference“, која се одржува денеска во Виена, Австрија.

Во однос на забелешката за зголемувањето на ослободувањето на пратките од плаќање царина до 90 евра, сметаме дека не е исполнет основниот предуслов за системско решение со кое ќе се утврди каде оди робата што се увезува со електронска трговија без царина. Додека се чека воспоставување на таков систем, оштетени од оваа новина ќе бидат малите трговци и увозници кои плаќаат данок и царина, што беше истакнато и на прес конференцијата, велат од Комората на сметководители на Македонија во врска со реакцијата на Министерството за финансии испратена по одржаната прес конференција.

Почна со работа новата надградена верзија на онлајн услугите на ЕВН – evnonline.mk. Овие услуги на корисниците сега ги нуди компанијата „ЕВН Хоме“ која од минатата година е универзален снабдувач за електрична енергија. Со подобрувањата, како што соопшти ЕВН, ќе се пресретнат барањата на корисниците, особено со дигитализацијата на нови опции кои досега не беа достапни онлајн.

Подигнување на прагот на ослободување од царина за пратки од 45 евра на 90 евра, ставање во функција на Регистарот на вистински сопственици како законска обврска, како и новиoт образец за даночен биланс објавен во екот на припрема на завршните пресметки за правните лица, како нова дополнителна обврска на сметководителите, беа во фокус на денешната прес конференција на Комората на сметководители на Македонија.

Комитетот за оперативна монетарна политика на Народната банка оцени дека постои простор за натамошно олабавување на монетарната политика, при што на вчерашната седница одлучени основната каматна стапка да се намали за 0,25 процентни поени, односно од 2,25% на 2,00%.

Поранешниот вицепремиер за економски прашања Кочо Анѓушев од вчера е запишан како нов управител на компанијата „Феро Инвест“ на местото на досегашниот раководител Ратко Ѓорѓиевски. Промената е објавена на интернет страницата на Централен регистар.

Со последните измени опфатот на стечајни работници коишто ќе бидат материјално обезбедени до нивно пензионирање се проширува на уште 1.000 лица, соопштија од владината прес-служба, откако на вчерашната седница Собранието ги изгласа најновите измени и дополнувања на Законот за материјално обезбедување на невработените лица поради приватизација на претпријатијата во доминантна државна сопственост.

Страница 1 од 29