На крајот на првиот квартал од 2019 година јавниот долг достигнал 85,9 отсто од бруто-домашниот производ (БДП) кај 19-те земји-членки на еврозоната. Истиот тој се зголемил во споредба со четвртиот квартал од 2018 година, кога долгот изнесувал 85,1 од БДП. Од друга страна, во ЕУ-28, долгот се зголеми од 80 на 80,7 отсто. Сепак, во споредба со првиот квартал од 2018 година, јавниот долг е помал и во двете групи. Во еврозоната од 87,1 отсто од БДП е симнат на 85,9 проценти. Додека, пак, во ЕУ-28 долгот од 81,6 се намалил на 80,7 отсто од БДП.

На крајот на првиот квартал од 2019 година, долгот од хартиите од вредност на 19-те земји-членки на еврозоната изнесуваа 81,1 отсто, додека, пак, во долгот на ЕУ-28 е 81,9 процент. Заемите сочинуваа 15,8 отсто и 13,9 проценти од долгот на ЕУ 19 и ЕУ-28. Додека, пак, девизите и депозитите опфаќаа 3,1 и 4,2 отсто од јавниот долг во еврозоната и во ЕУ-28. Поради вклучување на владите на земјите-членки на ЕУ во финансиска помош на одредени земји-членки, беа објавени и квартални податоци за меѓувладините заеми (ИГЛ). Уделот на ИГЛ во БДП на крајот на првиот квартал од 2019 година изнесува 2 во еврозоната и до 1,5 отсто во ЕУ-28.

Највисоките стапки на јавен долг од БДП на крајот на првиот квартал од 2019 година биле регистрирани во Грција (181,9 процент), потоа Италија (134 проценти), Португалија (123 проценти), Белгија (105,1 проценти) и Кипар (105 проценти). Додека, пак, најниската задолженост е забележана во Естонија (8,1 проценти), Бугарија (21,2 процент) и во Луксембург (21,3 процент).

Во споредба со четвртиот квартал од 2018 година, дванаесет земји-членки забележаа зголемување на нивниот долг на крајот на првиот квартал од 2019 година, додека 13 земји регистрираа намалување. Задолжувањето останало исто само во Германија, Литванија и Словачка. Најголем пораст на долгот имало во Белгија, Кипар, Ирска и во Италија. Додека, пак, најголемо намалување во Шведска, Словенија, Холандија, Обединетото Кралство и во Бугарија. Споредено, пак, со првиот квартал од 2018 година, пет земји-членки имаат пораст на нивниот долг во однос на БДП на крајот на првиот квартал од 2019 година, додека пак 21 земја има намалување, а Шпанија и Обединетото Кралство немаат промена. Притоа, најголемо зголемување има во Кипар, Грција, Летонија, Италија и во Франција, додека најголемо намалување е забележано во Словенија, Австрија и во Холандија.

Во Македонија состојбата со задолжувањата на државата ја објавува Министерството за финансии на секои три месеци. За првото тримесечје, како што објави Министерството, државниот долг изнесуваше 38,3 отсто од бруто-домашниот производ (БДП), додека јавниот долг изнесува 46,2 проценти од БДП.
Споредено со крајот од 2018 година, во првиот квартал од 2019 година државниот долг е понизок за 2,2 процентни поени, додека јавниот долг е понизок за 2,3 процентни поени.

Бугарските власти открија уште еден случај на африканска свинска чума на фарма во близина на источниот град Русе, откако на почетокот на месецов смртоносниот вирус се појави на други места.

Во Бугарија досега се откриени 19 случаи на свинска чума на фармите.
„Уште еден случај беше откриен на голема индустриска фарма во селото Брашлен со повеќе од 40.000 свињи“, изјави Александра Митева од бугарската Агенција за храна. Таа рече дека сите свињи на фармата ќе бидат заклани.
Во саботата беше откриен случај на уште една фарма, исто така во близина на Русе, и сите свињи биле заклани. Властите веќе прогласија вонредна состојба во Русе и во уште една област во близина на Плевен, во северна Бугарија.
Вирусот зафатил и диви свињи во неколку региони во земјата.

Експертите велат дека поради епидемијата на високо заразната болест би можеле да настрадаат околу 500.000 свињи. Сепак, болеста не е заразна за луѓето.
Војската и полицијата се мобилизирани во битката против вирусот и во заштитата на други фарми. Се врши дезинфекција на фармите, ограничена е продажбата на свинско месо, а се контролираат и граничните премини.

Љубителите на обложувањето во Македонија ќе можат да се обложуваат во еден од најголемите обложувачки брендови на Балканот, обложувачницата „Меридијан“.

Наспроти Соборниот Храм во Скопје е спремна локацијата за отварање на една обложувачки пункт на „Меридијан“, кој би требало да биде отворен за исклучително краток период.

Меридиан се ланец на спортски обложувалници кои функционираат на Балканот, а и пошироко. Најголема популарност имаат во соседна Србија и Босна и Херцеговина, а нешто послабо познати се и во Црна Гора.

Благодарение на високите коефициенти, тие се наоѓаат можеби во топ 3 обложувалници на нашите простори. Втора важна работа што треба да се нагласи е тоа дека имаат навистина спектакуларна понуда која ги опфаќа буквално сите спортови, а неретко сме сведоци и на понуда за обложување на настани.

Како дел од тие специјали се името на следниот Џејмс Бонд, името на следниот Папа и слично.

Кога станува збор за фудбалот, во Меридиан може да се обложувате на околу 600 и повеќе игри за тој настан, а тоа да бидеме реални е навистина нешто што ќе го импресионира секој играч.

„Меридијан“ имаат исклучително добра понуда и за онлајн обложување, а повеќе за оваа обложувачница може да го прочитате во форма на рецензија за Меридиан обложувалница.

Во вториот квартал  Дојче банкa оствари загуба од 3,15 милијарди евра.

Според германски „Билд”, причина за загубата е радикалното преструктурирање на банката, претходно објавено од страна на извршниот директор на банката, Кристијан Севинг.

Ова преструктурирање го оптовари билансот на банката за 3,4 милијарди евра, рече тој.

„Без овој товар, Дојче банкa ќе оствареше профит”, објаснува Севинг.

Приходите на банката се намалија за шест проценти, а загубата беше поголема отколку што беше најавено на почетокот на јули, кога беше проценето дека ќе изнесува околу 2,8 милијарди евра, потсетуваат медиумите.

Повеќе од 900 вработени во Дојче банка добија известување изминативе денови дека нивниот работен договор е прекинат или дека им се укинува работното место.

Кинеската компанија за онлајн трговија Alibaba ја отвори својата врата за американските продавачи на својата најстара платформа Alibaba.com, објави BBC.

Компанијата од сега нуди алатки за американските компании на кои им овозможува таканаречени “business to business” продажби преку платформата, во САД и на глобално ниво.

Компанијата Alibaba, која традиционално е фокусирана на Кина, се пофали дека има 10 милиони активни клиенти во повеќе од 190 земји и региони. Новиот бизнис потег ќе им овозможи да се натпреваруваат со глобалните гиганти на онлајн продавници како Amazon.

Од Alibaba изјавија дека американската компанија Robinson Fresh на 23-ти јули ќе се приклучи на платформата. Соработката на бизнис план следи откако во март е потпишана “стратешка соработка” помеѓу Alibaba и американската канцеларијата за испорака на канцелариски услуги.

Новиот бизнис потег доаѓа во време на напнати односи помеѓу Соединетите Американски Држави и Кина, кои практично се во комерцијална војна од минатата година.

Во Европа најмногу милијардери има во Германија - 114, со вкупно богатство од 500 милијарди долари.

Најмногу милијардери во светот живеат во САД, дури 607, со срдства во вредност од 3.111 милијарди долари, според податоците на американскиот магазин „Forbes“.

Следи Кина со 324 милијардери кои вкупно „тежат“ 980 милијарди долари.

Во Европа најмногу милијардери има во Германија – 114, со вкупно богатство од 500 милијарди долари.

Германија воедно е и трета во светот според ова рангирање.

Русија има 98 милијардери со средства во износ од 421 милијарда долари.

Обединетото Кралство има 54 милијардери со вкупно богатство од 182 милијарди долари. Во Франција има 41 милијардер, а нивното богатство се проценува на околу 330 милијарди долари.

Во Италија има 35 милијардери, а Швајцарија и Шведска по 33, додека во Шпанија има 29.

Во Турција има 25 милијадери. Норвешка има 15, Холандија и Данска по 10, Ирска и Австрија по 9, а нешто помалку имаат останатите европски држави.

Forbes се уште не следни ниту еден богаташ од земјите од поранешна Југославија.

Инаку, Индија има 106 милијардери кои имаат богатство од 405 милијарди долари.

Хонг Конг има 71, Јужна Кореја и Тајван по 40, Јапонија 32 милијардери, Тајланд 31, Сингапур 22…

Австралија има 36 милијардери, Канада 45, Мексико 17…

Во Јужна Америка најмногу милијардери има во Бразил, дури 58.

Компаниите можат да поднесувaaт барања за користење финансиска поддршка согласно Законот и да ги искористат можностите за зголемување на нивната конкурентност, а со тоа и на севкупниот економски раст во земјата, беше истакнато на денешната прес конференција во Сојузот на стопански комори на Македонија (ССК). Стопанствениците од Сојузот имаа можност од прва рака детално да се запознаат со измените на Законот за финансиска поддршка на инвестициите кој  на барање на деловната заедница е со зголемен опфат на бројот на сектори, со поедноставени критериуми особено за одредени индустрии како текстилна, кожарска, како и со  поедноставена постапка за аплицирање.

Претседателот на Сојузот, Данела Арсовска, истакна дека зајакнување на јавно – приватниот дијалог и преточување на потребите на компаниите во квалитетни законски решенија кои ќе бидат имплементирани води кон подобарување на деловниот амбиент.

„Имплементацијата на голем дел од барањата на деловната заедница во измените на Законот е од суштинска важност за искористување на средствата за финансиска поддршка на што поголем број компании. Зголемување на нивната конкурентност и инвестициска активност е од витално значење за економски развој, што е и една од целите на Законот. Реалноста е дека производите на малите и средни компании кои се најбројни во македонското стопанство,  тешко се пласираат и пробиваат на странските пазари. Токму затоа, преку јакнење на дијалогот и имплементирање на предлог мерките може да очекуваме развој на приватниот сектор како носител на економскиот раст, истакна Арсовска и додаде дека резултатите од имплементацијата на законското решение треба да бидат позитивни, но посочи дека она што е од голема важност за раст на инвестициите  е  предвидлив деловен амбиент и демонстрирање на јасна волја за владеење на правото.

Претставувајќи ги измените на Законот за финансиска поддршка на инвестициите министерот за странски инвестиции, Зорица Апостолска во Сојузот, истакна дека Владата води отворен дијалог со деловната заедницата во моделирањето на економските политики и со крајна цел обезбедување на повисок и поквалитетен животен стандард на граѓаните.

„Со измените на Законот го унапредуваме системот на поддршка на стопанството преку зголемување на опфатот на компаниите кои може да аплицираат за финансиска поддршка на инвеситиции и се поедноставуваат административните процедури за аплицирање на овие мерки. Намерата е да  го ослободиме потенцијалот за сериозен раст кој е акумулиран во ИТ секторот, секундарното земјоделско производство, како и кај компаниите кои се занимаваат со трговија а имаат отпочнато продуктивна инвестиција во 2018 година. Се опфаќаат и градежните компании кои имаат производствена компонента во своето работење, односно ќе бидат поддржани за набавка на машини и опрема. Дополнителна мотивација кај компаниите правиме и со олабавувањето на условите за аплицирање“, рече министерката Апостолска.

Повикувајќи ги компаниите од Сојузот да аплицираат за финансиска поддршка согласно Законот и неговите измени, министерката Апостолска истакна дека Владата дава правна сигурност на компаниите за нивните вложувања и им овозможува финансиска поддршка преку транспарентни и отворени постапки.

Според најновите податоци на Евростат најскапата зема во Европа е Исланд, додека Македонија се наоѓа на 36то место.

Цените во Исланд минатата година биле дури 56 отсто повисоки од просекот. Втора на листата е Швајцарија, а трета Норвешка.

Само за споредба, пица во исландски ресторан чини околу 17 евра, чаша вино околу 10 евра, а пивото се продава по цена од 7 евра.

Вечера за двајца е околу 85 евра, шише вино во продавница се продава за 17 евра, а пакет јајца за пет евра.

Сепак, просечната бруто плата на постојано вработени во Исланд изнесува околу 4.500 евра. Киријата минаиот месец во Рејкјавик изнесувала околу 1.300 евра месечно.

Кога е во прашњае регионот, најскапа е Хрватска со околу 2,5 евра.

Словенија ена 19 место, а Црна Гора на 30 место, следува Србија која е на 31 место, додека Босна и Хецеговина е на 34. Македонија е 36та на листата.

Ова е листата на земји од најкспа кон најевтина:

  1. Исланд
  2. Швајцарија
  3. Норвешка
  4. Данска
  5. Ирска
  6. Луксембург
  7. Финска
  8. Шведска
  9. Велика Британија
  10. Холандија
  11. Белгија
  12. Франција
  13. Австрија
  14. Германија
  15. Италија
  16. Шпанија
  17. Кипар
  18. Португалија
  19. Словенија
  20. Грција
  21. Малта
  22. Естонија
  23. Летонија
  24. Чешка
  25. Словачка
  26. Хрватска
  27. Литванија
  28. Унгарија
  29. Полска
  30. Црна Гора
  31. Србија
  32. Албанија
  33. Романија
  34. Босна и Херцеговина
  35. Бугарија
  36. Македонија
  37. Турција

Интензивно се работи на реконструкција на патотот од Тетово – Попова Шапка, а се очекува до крајот на септември оваа делница долга 18,2 километри да биде целосно реконструирана, изјави министерот за економија, Крешник Бектеши, кој заедно со министерот за транспорт и врски, Горан Сугарески, директорот на Јавното претпријатие за државни патишта, Зоран Китанов, и градоначалничката на општина Тетово, Теута Арифи, денеска направија увид во изградбата на овој пат кој води до зимскиот центар Попова Шапка.

Како што истакна министерот Бектеши, овој патен правец е исклучително важен, не само за локалното население во Тетово туку и за сите туристи коишто ќе сакаат да ја посетат Попова Шапка. Бектеши информираше дека Владата е во тесна соработка со локалните власти за да се изнајде решение и за внатрешната инфраструктура на ски-центарот Попова Шапка.

„По завршувањето на реконструкцијата на главниот пат кој го поврзува Тетово со Попова Шапка во директна соработка со Општина Тетово ќе започнеме со реконструкција и на локалните улици во Попова Шапка“, истакна Бектеши.

Министерот информираше дека Владата е посветена да се врати сјајот на Попова Шапка како туристичка дестинација, а активностите за тоа веќе се започнати.

„Жичницата на Попова Шапка е во завршна фаза и во моментов вработени ЕЛЕМ Турс се обучуваат за да се стави во функција. На сите посетители на Попова Шапка ќе им обезбедиме дополнителна можност за да ја користат жичницата, која ги исполнува сите меѓународни критериуми, не само во текот на зимската сезона за скијање, туку ја разгледуваме можноста жичницата да работи и во други сезони земајќи го предвид растечкиот тренд на планинскиот туризам“, кажа Бектеши.

Во однос на иднината на зимскиот центар Попова Шапка, во чии рамки е ски-центарот Попова Шапка, како и хотелите  „Славија” и „Попова Шапка“, министерот информираше дека во моментов се изготвуваат длабинска анализа и физибилити-студија од страна на компанијата „Прајсвотерхаус Куперс“ кои треба да покажат која е економската оправданост за инвестиции во иднина.

„До 20 октомври ЕЛЕМ Турс треба да ја добие анализата на ‘Прајсвотерхаус Куперс’ која се однесува на моделот на трансформација и ние како Влада ќе одлучиме на кој начин во иднина ќе ја развиваме Попова Шапка. Може да се даде под концесија, може да се даде на јавно-приватно партнерство, но ние не можеме да донесеме одлука пред да имаме готова анализа за економската оправданост“, потенцираше министерот Бектеши.

Министерот за транспорт и врски, Горан Сугарески, истакна дека ова е многу значаен пат кој не само ќе придонесе за унапредување на туризмот туку ќе даде и дополнителен стимул во развојот на Попова Шапка и за Тетовскиот Регион.

Собранието на Република Северна Македонија денеска во рамки на 106. седница ја почна расправата по Завршната сметка на Буџетот за 2018 година.

Во претпладневниот дел, расправата помина со низа реплики и контрареплики меѓу опозицијата и парламентарното мнозинство околу тоа колку фискалните политики во изминатата година се исправни.

Опозицијата обвини дека економијата е во слободен пат и се повеќе тоне и оти власта предводена од СДСМ е далеку од реализација на проекти кои се во насока на подобар животен стандард. Според опозицијата, нема реализација кај големите инфраструктурни проекти, проектот за минимална плата е промашен, а намалени се и капиталните инвестиции.

За парламентарното мнозинство, економијата се движи во вистинска насока. Има зголемување кај странските инвестиции и кај извозот, а минатата година зголемени се платите за пет проценти во четири области, а зголемување има и кај пензиите.

Според заменик-министерката за финансии Ширет Елези, фискалната политика во 2018 година се реализирала во рамки на планираните износи со Буџетот, односно реализацијата на приходите била во согласност со очекувањата, додека расходите се извршувале редовно и навремено. Вкупните приходи на Буџетот се реализирале на ниво од 97,9 проценти во однос на планираните, додека вкупните расходи се реализирале на ниво од 96,7 проценти од планираните.

Расправата по оваа точка од дневниот ред продолжува по редовната едночасовна пауза, а за дискусија се пријавени уште осум пратеници.

На почетокот на седницата беше верификуван мандатот на Арта Точи од Алијанса на Албанците која доаѓа на местото на пратеникот Весел Мемеди.

Пратениците одлучија по скратена постапка да се донесат седум законски решенија меѓу кои Предлог-измените на Законот за земјоделство и рурален развој, како и Предлог-измените на Деловникот за работа на Собранието согласно кои треба да се изврши усогласување на Деловникот за работа со Законот за употреба на јазиците. 

Според најновиот извештај на ДЗС во компјутерското програмирање, консултантските и сродните дејности во мај е исплатена просечна нето-плата во висина од 59.387 денари, додека вработените во заштитните и истражните дејности се најслабо платени во државата со просечна плата од 13.904 денари, која е за малку поголема од загарантираната минимална

Компјутерските програмери и во мај годинава ги земаа најголемите плати. Нивната професија дефинитивно стана најплатена во нашата држава. Според најновиот извештај на Државниот завод за статистика во компјутерското програмирање, консултантските и сродните дејности во мај е исплатена просечна нето-плата во висина од 59.387 денари. Просечната плата во овие дејности од почетокот на годинава е зголемена за околу 1.500 денари, но е намалена во однос на април годинава кога изнесуваше близу 61.000 денари.

Од друга страна, најмала плата во мај земале вработените во заштитните и истражните дејности. Нивниот просек за малку ја надминува загарантираната минимална плата во државата и изнесува 13.904 денари, а покачувањето од почетокот на годинава кај нив е само 120 денари. Со тоа разликата меѓу највисоката и најниската плата во државата се задржува на 4 : 1.

Листата на петте топ професии според платата, на чиј врв се компјутерските програмери во мај ја заокружуваат банкарите со просечна плата од 51.429 денари, воздухопловците со 47.935 денари, потоа фармацевтите, кај кои просекот е 45.514 денари и вработените во складирањето и помошните дејности со 41.372 денара. Со просечни плати помали од 40.000 денари надвор од петорката останаа вработените во енергетскиот сектор и во телекомуникациите, кои до пред некоја година беа во битката за најплатена професија во државата.

Листата на петте најслабо платени дејности продолжува со рибарството и аквакултурата со 15.071 денар просечна плата, кои инаку со години редовно беа на врвот на оваа неславна листа. Третото место го зазема производството на кожа со 15.336 денари, потоа доаѓа одржувањето на згради со 15.541 денар, а најслабо платената петорка ја заокружуваат дејностите за производство и служење храна со 16.129 денари, на кои зад петици со околу 100 денари повеќе им се производителите на облека.

Најновата статистика за платите покажува дека здравствената дејност не е многу ценета, зашто таму просечната исплатена нето-плата во мај е малку над 32.000 денари, а сосема неисплатливо е да се работи во ветеринарната дејност, зашто таму во просек се земаат помалку од 19.000 денари.

Според податоците на Државниот завод за статистика, просечната месечна исплатена нето-плата по вработен, во мај годинава е за 3,1 процент поголема отколку во истиот месец лани и изнесува 25.270 денари.

-Ваквото зголемување се должи, пред сè, на зголемувањето на просечната месечна исплатена нето-плата по вработен во секторите: Транспорт и складирање (10,0 %), Градежништво (7,4 %) и Дејности на здравствена и социјална заштита

(7,2 %). Зголемување на просечната месечна исплатена нето-плата по вработен, во однос на претходниот месец, е забележано во секторите: Финансиски дејности и дејности на осигурување (16,5 %), Градежништво (3,9 %) и Јавна управа и одбрана; задолжително социјално осигурување (3,6 %), наведува ДЗС во извештајот за просечната нето-плата во мај годинава.

Страница 10 од 99