Германсккото обвинителство покрена обвинение против шефот на Ауди, луксузниот оддел на Волксваген, заради мамење во врска со софтверите на дизел автомобилите кои прикажувале лажни податоци на тестовите за емисија на штетните гасови.

Обвинителите во Минхен го обвинија Руперт Штадлер и уште три лица чии имиња не се објавуваат. Тие три лица се обвинети дека за Ауди, Воклсваген и Порше моделите развиле мотори со софтвери кои на комисиите за емисија испуштале помалку штетни гасови, отколку при вистинско возење.

Штадлер е обвинет дека знаел за манипулацијата со автомобилите и покрај тоа продолжил да ги продава тие модели.

Германското обвинителство во мај парично ја казни компанијата „Роберт Бош“ која е обвинета дака испорачала милиони системи за контрола на моторите кои се инсталирани на автомобили од различни произведувачи, некои уште во 2008 година.

Според кажувањето на обвинителите софтверот на тие мотори „содржел дел од забранета стратегија“, што довело до тоа автомобилите да емитуваат повеќе азот оксид, атмосферски загадувач, отколку што е дозволено.

Скандалот со емисија на штетни гасови од дизел моторите го чинеше Фолксваген милјарди евра.

Според податоците на Евростат, 61,2 отсто од граѓаните на Северна Македонија не можат да си дозволат седумдневен одмор во некое одморалиште во текот на годината.

Сепак, бројот на оние кои не можат да одат на одмор бележи пад во однос на 2010 година од кога се води статистичка евиденција за земјава, кога тој процент бил 74,2.

Во Европската Унија, пак, на еднонеделен годишен одмор не можат да одат 28,3 отсто од граѓаните од државите членки на Унијата постари од 16 години.

Годишен одмор не можат да си дозволат 58,9 отсто од Романците, 51,3 отсто од Хрватите и 51 отсто од Грците.

Наспроти нив еднонеделен одмор надвор од своите домови не можат да си дозволат само 10,9 отсто од граѓаните на Луксембург и 9,7 отсто од Швеѓаните.

Од државите кандидати за членство во ЕУ, на седумдневен годишен одмор не можат да одат 56,9 отсто од граѓаните на Србија и 60,8 отсто од Турците.

Дека македонските бизнисмени се заинтересирани за надградување на своите познавања од областа на електронската трговија, говори фактот дека првите карти за Втората конференција за е-трговија во организација на Асоцијацијата за е-трговија на Македонија, пуштени во продажба по Super Early Bird цена, беа распродадени уште во првите 10 дена. Во моментов во продажба се пуштени Early Bird картите, кои исто така се во ограничени количини и со промотивна цена од 79 евра (+ДДВ).

Во фокусот на Втората годишна конференција за е-трговија на тема „Бизнис раст со е-трговија“, која ќе се одржи на 25 октомври во DoubleTree by Hilton, Скопје, ќе бидат актуелните маркетинг алатки за успешно водење на електронските продавници и техниките за стигнување до „новите потрошувачи“.

На конференцијата свои воведни обраќања во контекст на развојот на е-трговијата во земјата ќе имаат Дамјан Манчевски, министер за информатичко општество и администрација, Јован Деспотовски, директор на Фондот за иновации и технолошки развој и Ѓоко Танасoски, директор на Царинската управа.

Покрај висококвалитетната програма на конференцијата, дополнителен интерес поттикнуваат атрактивните говорници кои веќе го потврдија своето учество. Една од нив е Кендис Нот Бисек, која моментално работи во UNCAD при Обединетите Нации, водејќи ја иницијатива наречена „eTrade for Women“, која има за цел да го поттикне учеството на жените во дигиталното претприемништво во земјите во развој.

Маркетинг консултантот, Петер Месарек, кој има повеќе од 15 години искуство во онлајн маркетингот, со специфичен фокус на SEO и има неколку признанија за најдобар конференциски говорник, е уште еден од учесниците на настанот.

Причина плус зошто треба да се присуствува на конференцијата за е-трговија е и Рок Храстник, меѓународен e-Commerce Growth лидер со богата историја на развивање на бизниси за е-трговија во Европа, вклучувајќи ја Studio Moderna чиј бизнис за е-трговија е присутен на 22 пазари низ Централна и Источна Европа.

Oд домашните искусни говорници Огнен Огненовски, кој е еден од основачите на Таргет Груп – првата бонитетна куќа во државата со најголема приватна база на податоци и Сергеј Зафировски, основач и извршен менаџер на Инсајдер ИД – агенција за квантитативни бизнис истражувања и напредна бизнис аналитика, ќе имаме прилика да ја слушнеме ексклузивната анализа на тема „Колку тежи е-трговијата во Северна Македонија“.

Дополнително, Горјан Јовановски, кој е кај нас е познат како активист за чист воздух и креатор на апликацијата „МојВоздух“, ќе зборува за тоа како компаниите можат да ја зголемат е-продажбата со употреба на А/Б тестирање и ќе го сподели своето искуство од Booking.com каде работи како софтверски инженер и тим лидер.

Од Асоцијацијата за е-трговија на Македонија ветуваат уште побогата програма со говорници кои дополнително ќе бидат најавени во месецот кој следи, а велат дека целата идеја за конференцијата е поттикната од потребата за раст на пазарот на е-трговија во земјата заснован на квалитет наспроти квантитет. Имено, според Народната Банка на Република Северна Македонија, во 2018-та година биле отворени 100 е-продавници, додека до крајот на оваа година се очекува да бидат отворени уште 150 нови. Дополнително, податоците говорат дека во текот на минатата година Македонците потрошиле 134 милиони евра за онлајн плаќања со платежни картички.

Конференцијата е поддржана од Mastercard како генерален партнер, Vip, Haselt и Halk Bank како златни спонзори, Sport M како сребрен спонзор и многу други партнери и поддржувачи.

Потпретседателите на Сојузот на стопански комори,  Драган Митковски  и Александар Милошевски, остварија средба со претседателот на Владата, Зоран Заев.

На средбата се разговараше за предвидените измени на Законот за вршење сметководствени работи, со цел поефикасно регулирање на сметководствената дејност и подигнување на кредибилитетот на Институтот за сметководители и овластени сметководители.

Изразена е заедничка определба за решавање на прашањата од интерес на сметководителите и овозможување транспарентно и одговорно работење. 

Потребни се низа мерки од страна на надлежните институции за подобрување на состојбите во фелата. Во пракса постои една крајна неизбалансираност измеѓу наметнатите обврски на професијата кои делумно потекнуваат директно од одредени законски решенија, а делумно од практичната примена на законски одредби и правата кои професијата ги има и заштитата која ја добива од оние кои се најголеми корисници на податоците од сметководствените извештаи.  Потребно е да се постигне баланс меѓу правата и обврските на сметководителите. Сите институции кои се крајни корисници на извештаи кои очекуваат да ги добијат од сметководителите мора да ја препознаат важноста на професијата и заедно да работат на нејзина заштита и издигнување.

Електричните тротинети стануваат сè попопуларни во Бугарија, а наскоро ќе биде отворена и првата агенција за изнајмување на овие превозни средства во главниот град на земјата. Државната агенција за безбедност во сообраќајот на патиштата во Бугарија предложи да се донесе регулатива за користење електрични тротинети, која би била вклучена во Законот за патен сообраќај и Законот за патишта. Од агенцијата го разгледуваа европското искуство и утврдија дека во земјите-членки постои поинаков пристап, како во однос на тоа каде можат да се движат и за максималната дозволена брзина за електричните тротинети.

 

Од државната агенција за безбедност на патиштата планираат да организираат серија стручни разговори со претставниците на локалната власт и другите надлежни институции. Намерата е да се определат правила за користење на електричните тротинети и за примена на задолжителни заштитни мерки за лицата што ги управуваат. Појдовните предлози се ограничување на максималната брзина до 20 км/ч, а возачите мора да бидат постари од 14 години. Исто така, за електричните тротинети се предлага дозволената брзина за лица под 16 години да биде 12 км/ч. Предмет на дискусија ќе биде дали е неопходно да се воведе задолжителна регистрација на овие возила. Од мерките за лична безбедност се предвидува задолжително носење на заштитни шлемови, светлечки ленти или заштитници за рацете и нозете.

Медиумите во Бугарија пренесуваат информации за начинот на регулирање на оваа област. Во Белгија максималната брзина е ограничена на 18 километри на час, а во Германија и во Франција е дозволено да се движат до 20 километри на час. Во некои земји електричните тротинети можат да се користат на тротоари и на велосипедски патеки, додека во други тие можат да се движат на сообраќајниците што се предвидени и за другите превозни средства.

Слободниот пазар на струја целосно ќе профункционира дури кога ќе се преполови цената на регионалниот пазар. Дури тогаш на граѓаните ќе им се исплати да излезат на либерализираниот пазар и самите да купуваат струја, а не да чекаат на универзалниот снабдувач. Од регулаторната комисија за енергетика не наведуваат дали или кога тоа ќе се случи. Дури кога ќе се создадат услови, снабдувачите ќе почнеле да им нудат поволни пакети на домаќинствата. Цената во моментов изнесува 65 евра за мегават час или околу 4 денари за киловат час.

„Кога на цената од четири денари за киловат час ќе се додаде трошокот за мрежарина, дистрибуција и пренос, кој е фиксен и изнесува околу два денара, вкупниот трошок би бил приближно шест денари за киловат час. Во овој момент цената која ја плаќаат домаќинствата на регулираниот пазар е 4,5 до 4,6 денари за киловат час, а за да им биде исплатливо да излезат на слободниот пазар цената на регионалниот пазар треба да биде околу 2,5 денари за киловат час“ – рече Марко Бислимоски, претседател на РКЕ.

Засега, излезот на слободниот пазар е исплатлив за големите и се повеќе за малите фирми. Вкупните трошоци на помалите потрошувачи сега се пониски за над 30%. Регулаторната комисија за енергетика ја намали цената за приклучок на струја на објектите на домаќинствата изградени на локации за кои нема детални урбанистички планови од над 3 илјади евра на 400 евра. Комисијата апелира до општините да бидат поажурни и да донесат ДУП-ови. Најголеми вакви проблеми има во западниот дел од земјава.

„Тоа значи дека и во оние општини каде од разни причини советите не донеле соодветна планска документација, што беше предуслов за да се стекне некој со правото за „стандарден приклучок“, ќе може да се стекнат со таков статус новите корисници кои ќе се приклучуваат на мрежата доколку се утврди дека има изградено повеќе куќи и има повеќе потенцијални баратели. Со тоа нема повеќе да влегуваат во категоријата „нестандардни приклучоци“ и да добиваат трошок за приклучување од три, четири, пет, па и шест илјади евра во зависност од побараната едновремена моќност, оддалеченоста од мрежата и од реалните трошоци на операторот на дистрибутивниот систем, туку ќе плаќаат 400 евра за приклучок на мрежата. Има општини што немаат донесено соодветна планска документација и детални урбанистички планови, а од увидот што го вршиме на терен, кога добиваме жалби, гледаме дека веќе се изградени куќи. Сметаме дека таму нема проблем операторот на дистрибутивниот систем да си ја планира својата мрежа, бидејќи ги гледа новите потрошувачи. Нема потреба да бидат оштетени овие категории на граѓани и да плаќаат високи трошоци за нестандардни приклучоци, туку треба да влезат во категоријата стандарден приклучок“ – рече Марко Бислимоски, претседател на РКЕ.

Инаку, пред еден месец, РКЕ донесе одлука цената на струјата која граѓаните од јули и ја плаќаат на новата компанија ЕВН Хоум да не се менува. Државните електрани понудија целосно да ги задоволат потребите на домаќинствата по цена од 34 евра за мегаватчас, што е за 15% поевтино од лани.

Најновата ревизија на Светската трговска организација покажува дека нашата економија е на добар пат, а владините политики даваат резултат, изјави денеска премиерот Зоран Заев на прес-конференција со министерот за економија Крешник Бектеши и додаде дека БДП е зголемен за над 40 отсто, има позитивен раст на платите, намалена невработеност, вратена доверба кај инвеститорите и зголемени вложувања.

Премиерот најави и нов инвестициски циклус од пет милијарди евра.

„Создадовме реална, силна економија. Направивме се за да ја оттргнеме економијата од бизнисот. Ревизијата на СТО е уште еден доказ дека економските политики на Владата даваат резултат. Оваа, 2019, навистина ќе биде година на економијата“, рече Заев.

Нови четири авиодестинации се достапни за граѓаните од земјава од аеродромите во Скопје и Охрид, а кои ќе бидат оперирани од нискобуџетната компанија „Визер“.

Од 1 август се воведуваат летови од Скопје до Турку, Финска и Ларнака, Кипар, а од Охрид до Меминген и Дортмунд во Германија.

Покрај новите четири дестинации на 1 август ќе биде промовирано и поставувањето на петтиот воздухоплов на базата на „Визер“ во Скопје.

„Визер“ од двата аеродрома во земјава опслужува околу 40 дестинации.

Швајцарија е најиновативна земја. Ова станува јасно од најновиот извештај на Индексот на глобалните иновации. Во конкуренција на 129 земја Швајцарија го зема тронот и се позиционираше на врвот на листата.

Од регионот според глобалниот индекс на иновации, најдобра е Хрватска која се наоѓа на 44 место во светот, по што следуваат Црна Гора, веднаш зад неа на 45 место, Србија за десет места подолу и се наоѓа на 55 место, додека нашата земја според Индексот на глобалните иновации се наоѓа на 59 место а БиХ се наоѓа на 76 место.

По Швајцарија, се Шведска, па САД.

Општите заклучоци на извештајот се дека светот е под влијание на економското забавување на средниот интензитет како резултат на ослабениот економски раст, рекордно низок раст на продуктивноста и економска несигурност.

Од друга страна, светлата страна, светот изобилува со иновации, и во развиените и во земјите во развој.

Понеделник, 29 Јули 2019 12:13

AT&T е гигантот со најголем долг

Во првите три месеци од 2019 година вкупно јавниот долг на САД достигна рекордни 70 илјади милијарди. Од нив, сума од 9 илјади милијарди се вкупните долгови на нефинансиски компании.

Од онлајн платформата HowMuch објавија кои корпорации во економијата број еден во светот имаат најголеми долгови.

Според податоци на 27/7Wall Street три од петте компании во тој список се со долгови над 100 милијарди долари, и се во сферата на телекомукациите.

На прво место со најдолгорочен долг е гигантот АТ&Т кои лани го купија Тајм Ворнер. Нивните долгови се 166,3 милијарди долари.

На второ место се телекомуникациските компании Комкаст и Верајзон со 107,3 и 105,9 милијарди долари. Во првите пет се автомобилски производител и индустриски лидер. Станува збор за Форд Мотор и Џенерал електрик кои имаат долгови соодветно – 100,7 и 95,2 милијарди долари. Најголеми должници во технолошкиот сектор се Епл, Мајкрософт и Оракл со 93,7, 72,2 милијарди долари и 51,7 милијарди долари.

„Алкалоид“ книжи одлични резултати во првото полугодие. Има раст на добивката, инвестициите и вработувањата.

Добвиката која ја прокнижи најголемата македонска фармацевтска комапнија во државата од јануари – јуни добивката  пред финансиски трошоци, даноци и амортизација (ЕБИТДА), која изнесува 846.016.625 денари и таа бележи раст од 21 отсто, додека единечната нето добивка изнесува 476.943.692 денари и истата е зголемена за 19%.

Страница 7 од 99