Понеделник, 05 Август 2019 13:57

Откажан штрајкот на аеродромот Хитроу

Иако пред еколку дена се највуваше денешниот штрајк на лондонскиот аеродром Хитроу, сепак тој денес е откажан. Разговорите ќе продолжеле утре.

Околу 2.500 аеродромски работници го објавија штрајкот, откако најголемиот британски синдикат Јунајтед ја отфрли понудата на менаџментот на аеродромите.

Поради најавениот штрајк  177 летови беа откажани, пренесоа  медиумите од регионот.

Утре ќе продолжат и разговористе за надминување на спорот околу платите.

Кина, која преговара за трговски договор со САД, се обрзала дека ќе купи повеќе американски земјоделски производи, објави Белата куќа.

Официјален Вашингтон тоа го објави по дводневните билатерални разговори одржани во Шангај.

”Кинеската страна ја потврди својата заложба да го зголеми купувањето на земјоделски производи од САД“, се вели во соопштението и додавајќи дека дводневните разговори биле ”конструктивни“.

Преговарачите разговараа за чувствителните прашања како што е присилниот трансфер на технологија, правата на интелектуална сопственост и нетарифните бариери, додаде Белата куќа наведувајќи дека новата рунда преговори би требало да биде одржана во септември во Вашингтон.

Со доаѓањето на Тојо Тајер, Србија ќе стане најмоќниот производител на гуми во светот, изјави денеска српскиот претседател Александар Вучиќ, посочувајќи дека јапонската компанија планира дополнителни инвестиции.

Вучиќ рече дека целата Инџија со нетрпение ја очекува инвестицијата на јапонскиот гигант, кој ќе инвестира само 400 милиони евра во првата фаза и ќе вработи 523 луѓе.

Тој посочи дека Тојо планира уште две фази на инвестирање, но дека не може да зборува за тоа, бидејќи компанијата треба да го објави.

„Тие се премиум гуми што ги користат сите во светот. Веќе имаме големи производители на гуми во Србија, како што се Мишелин и Линглонг, така ќе станеме најмоќниот производител на гуми во светот“, рече Вучиќ.

Тојо ќе ја отвори првата фабрика во Европа во Инџија, рече српскиот претседател, посочувајќи дека е многу среќен за таа инвестиција, откако разговарал со јапонскиот инвеститор веќе три години, и дека тие 29 пати доаѓаат во Инџија. Затоа, оваа општина ќе има повеќе приходи за патишта, канализација и други инфраструктурни проекти. Претседателот исто така изјави дека платите во Тојо ќе бидат за 60 проценти повисоки од просекот во Србија.

Една недела откако колабираше системот на Комерцијална банка, од банката денеска повторно информираат дека во следните неколку дена повторно може да дојде до недостапност на некои од сервисите. 

„Поради надградба на системите на банката, во следните неколку дена можно е да дојде до краткотрајна недостапност на дел од сервисите за клиентите. Активностите се вршат со цел да обезбедиме бескомпромисна услуга во сите делови на работењето и се планирани да завршат во најкус можен рок, стои во соопштението од Комерцијална банка. 

Минатата недела два дена банката се обдуваше да ги стави во функција сите сервиси откако се случи колапс на системот со платежните картички и терминалите. 

Граѓаните загрижени реагираа дека не можат да си ги извршат секојдневните обврски, односно да подигнат плата или да платат сметка. Клиентите најмногу реагираа на нефункционирањето на електронското банкарство и увидот на сметките, штедни влогови или картичките преку мобилната апликација. Имаше и реакции на загрижени граѓани за безбедноста на сметките. 

Од Народна банка, која го контролира работењето на приватните кредитори, и покрај тоа што поставивме прашање тогаш не одговорија како може ова да и се случи  на една голема банка, зошто банката нема ефикасен систем на заштита и брзо кревање на системот, но и кои се ризиците од ова. 

Без конкретни детали за условите, власта вчера ја најави мерката за субвенционирање, купување и вградување плински уреди во автомобилите која предизвика голем интерес во јавноста.

Државата ќе покрива 50% од трошоците за вградување на плин, но не повеќе од 300 евра.

Кои ќе бидат условите да се добијат државни пари, се уште не е дефинирано. Најверојатно еден од критериумите ќе бидат приходите во семејството.

Стартот на мерката од новиот закон за возила, ќе зависи од ребалансот.

„Очекувањата се првенствено опфатени да бидат 1 200 автомобили, но неизвесно е  дали ќе бидат опфатени и оние кои оваа година вградиле плин во својот автомобил.

Трошокот за вградување на плински уред се движи од 300 до илјада евра, во зависност од видот на возилото.“

Интересот кај граѓаните за плински уреди е голем поради економската исплатливост на енергенсот. Пресметките покажуваат дека со 500 денари плин ќе поминете околу 150 км, додека за истата сума на пари, возилото на бензин ќе извози половина од таа километража.

Целта на субвенциите е да се стимулираат возачите повеќе да возат на плин, бидејќи за разлика од дизел моторите,  моторот на автомобилот кој е на плин испушта за 90% помалку отровни честички во воздухот.

Се предвидуваат и субвенции до 3 илјади евра за купување ново возило, на принципот „старо за ново“, бидејќи Македонија важи за земја во која најголем дел од возилата што се купуваат се на старо. Последните податоци на Царинската управа покажуваат дека оваа година до јуни во земјава влегле 21 239 половни возила.

Во 2018та регистрирани вкупно 477 350 возила, од кои околу 60% се дизел автомобили.

Среда, 31 Јули 2019 13:12

Поевтинува парното греење

Според новиот ценовник на РКЕ за приклучените на БЕГ намалувањето е за 6 процени.

За домаќинствата на ЕЛЕМ енергетика намалувањето е 13 отсо, а за приклучените на Скопје Север 12 проценти. Новите цени важат од први август.

Градско парно користат 53.000 домаќинства.

Љупчо Николовски, поранешниот министер за земјоделство, на својот профил на Фејсбук објави дека од денес земјоделците ќе може да точат зелена нафта со платежните картички со што истата ќе им биде 30 отсто поевтина.

„Од денес на зелена нафта за механизација..ЗборотВажи“, напиша актуелниот генерален секретар на СДСМ со што започна практичната реализација на најавата дека до крајот на месецот ќе влезе примената на предизборниот владин проект.

Тече и рокот од 60 дена според кој компанијата која го доби тендерот треба да ги изработи сите платежни картички кои ќе бидат персонализирани, а земјоделците ќе можат да купуваат исклучиво Еуродизел. Картичките се доставуваат на земјоделците преку подрачните единици на Министерството за земјоделство.

Количината на субвенционирана нафта ќе зависи од големината на земјоделските стопанства со што според надлежните ќе се спречат можни злоупотреби. Со мерката ќе бидат опфатени 55 илјади земјоделски стопанства.

Управата за јавни приходи информираше дека апликацијата „МојДДВ“ е ажурирана и има подобрена верзија.

„Земајќи ги предвид сугестиите на корисниците, во новата верзија има технички унапредувања во однос на скенирањето на фискалните сметки. Притоа, системот „МојДДВ“ непречено функционира и ажурирањето на апликацијата не влијае на фискалните сметки кои што граѓаните досега ги скенирале“, информираат од УЈП.

Заклучно со 30 јули, преку апликацијата „МојДДВ“ скенирани се 6.949.294 фискални сметки, остварен е промет од 3.529.985. 093 денари со пресметан ДДВ во износ од 381.833.364 додека повратот од 15 проценти изнесува 57.275.005 денари.

Компаниите „Кока-Кола“ и „Пепси“, двата најголеми продавача на пластични шишиња со пијалак, решија да го напуштат лобито на производители на пластика, објави Си-ен-ен.

И двете компании за безалкохолни пијалаци работат на зголемување на употребата на еколошки прифатлива пластика, односно сакаат да ја подобрат својата инфраструктура за рециклирање и да се осигурат дека користат производи што може да се рециклираат.

Всушност, производителите не се согласуваат со кампањата на Здружението од индустријата за пластика поради што во Соединетите Држави забраната на пластика е прогласена за незаконска.

Здружението зазема ставови што не се во целост во согласност со нашите обврски и цели, објави минатата недела „Кока-Кола“ истакнувајќи дека компанијата се повлекла од групата порано годинава. „Пепси“ коментира дека му се приклучиле во Здружението за да научат за иновациите во однос на кружната економија на пластиката, но тоа не било случај.

„Прекинувањето на соработката со Здружението од индустријата за пластика е знак дека компаниите сфаќаат оти не може јавно да промовираат свест за животната средина додека финансиски поддржуваат здружение што лобира за континуирана примена на пластика за еднократна употреба“, изјави Џон Хочевар, директор на „Гринпис САД-океани“.

Германсккото обвинителство покрена обвинение против шефот на Ауди, луксузниот оддел на Волксваген, заради мамење во врска со софтверите на дизел автомобилите кои прикажувале лажни податоци на тестовите за емисија на штетните гасови.

Обвинителите во Минхен го обвинија Руперт Штадлер и уште три лица чии имиња не се објавуваат. Тие три лица се обвинети дека за Ауди, Воклсваген и Порше моделите развиле мотори со софтвери кои на комисиите за емисија испуштале помалку штетни гасови, отколку при вистинско возење.

Штадлер е обвинет дека знаел за манипулацијата со автомобилите и покрај тоа продолжил да ги продава тие модели.

Германското обвинителство во мај парично ја казни компанијата „Роберт Бош“ која е обвинета дака испорачала милиони системи за контрола на моторите кои се инсталирани на автомобили од различни произведувачи, некои уште во 2008 година.

Според кажувањето на обвинителите софтверот на тие мотори „содржел дел од забранета стратегија“, што довело до тоа автомобилите да емитуваат повеќе азот оксид, атмосферски загадувач, отколку што е дозволено.

Скандалот со емисија на штетни гасови од дизел моторите го чинеше Фолксваген милјарди евра.

Според податоците на Евростат, 61,2 отсто од граѓаните на Северна Македонија не можат да си дозволат седумдневен одмор во некое одморалиште во текот на годината.

Сепак, бројот на оние кои не можат да одат на одмор бележи пад во однос на 2010 година од кога се води статистичка евиденција за земјава, кога тој процент бил 74,2.

Во Европската Унија, пак, на еднонеделен годишен одмор не можат да одат 28,3 отсто од граѓаните од државите членки на Унијата постари од 16 години.

Годишен одмор не можат да си дозволат 58,9 отсто од Романците, 51,3 отсто од Хрватите и 51 отсто од Грците.

Наспроти нив еднонеделен одмор надвор од своите домови не можат да си дозволат само 10,9 отсто од граѓаните на Луксембург и 9,7 отсто од Швеѓаните.

Од државите кандидати за членство во ЕУ, на седумдневен годишен одмор не можат да одат 56,9 отсто од граѓаните на Србија и 60,8 отсто од Турците.

Страница 6 од 77