Кинескиот суфицит во трговијата со САД скокна и покрај трговската војна

Понеделник, 10 Јуни 2019 12:30 Напишано од  Објавено во СВЕТ

Кинескиот надворешен трговски суфицит скокнал во мај на месечно ниво за 79 проценти на 41,7 милијарди долари, објави кинеската управна царина.

Извозот во мај се зголемил за 1,1 проценти на 213,8 милијарди долари, додека увозот паднал за 8,5 проценти на 172,2 милијарди долари, пренесува агенцијата AP.

Падот на увозот е одраз на слабата домашна побарувачка, велат аналитичарите, додека истовремено растот на извозот сите ги изненадил со оглед на влошувањето на трговскиот спор со Соединетите Држави во кои двете земји ги зголемиле царините на заедничкиот увоз на производи.

Кина во мај, исто така, забележа суфицит во трговската размена со САД од 26,89 милијарди долари во однос на априлското ниво од 21,01 милијарди долари, покажуваат царинските податоци.

Во набљудуваниот месец, на американскиот пазар е извезена кинеска стокa во вредност од 37,7 милијарди долари, а увезени од САД за 10,8 милијарди долари.