Санкциите на САД против Иран и трговскиот фронт со Кина ги зголемија цените на нафтата

Среда, 08 Мај 2019 11:51 Напишано од  Објавено во СВЕТ

Цените на нафтата се зголемија во вчера во Азија, бидејќи и трговците се под влијание на санкциите на САД против Иран и развојот на настаните околу за трговскиот фронт Кина-САД.

Во САД фјучерсите за суровата нафта WTI се зголемија за 0,8% до 61,88 $. Меѓународните фјучерски за нафта тип Brent се зголемија за 0,6% до 70,26 $.

Трговците внимателно ја следат ситуацијата во Иран оваа недела, откако САД ги заострија санкциите за извозот на нафта од земјата, и фактот дека во понеделникот го зајакнаа своето воено присуство на Блискиот Исток.

Иран се закани со “реципрочни акции”, што би можело да значи рестартирање на некои од неговите нуклеарни програми.

САД повторно воведоа санкции против Иран во ноември во 2018 година, барајќи од сите земји да престанат да увезуваат нафта од земјата.

Санкциите веќе го преполовија иранскиот извоз на сурова нафта во текот на изминатата година на помалку од еден милион барели дневно, а пратките на потрошувачите може да паднат до 500.000 барели дневно во мај, додека санкциите ќе заоструваат, велат аналитичарите.

И покрај растот денес, цените на нафтата беа под притисок претходно оваа недела, поради стравувањата дека трговските преговори меѓу Кина и САД би можеле да се прекинат откако американскиот претседател Доналд Трамп ги објави плановите за зголемување на тарифите што веќе се на располагање на 200 милијарди американски долари од кинескиот увоз.

Кинескиот вицепремиер Лиу Хи во четвртокот и петокот ќе отпатува за Вашингтон за да ги продолжи трговските преговори со САД, стои во соопштението на веб-страницата на кинеското Министерство за трговија. На разговорите ќе присуствуваат американскиот трговски претставник Роберт Лајтзер и секретарот за финансии Стивен Мнучин.

Аналитичарите велат дека шансите за трговски договор што треба да се постигне оваа недела се многу мали, главно поради фактот за најавата на САД дека ги зголемува царините за кинескиот увоз, и овој развој најверојатно ќе го продолжи времето потребно за двете страни да постигнат консензус.