„Фиат“ повлекува повеќе од 800.000 автомобили

Четврток, 14 Март 2019 14:48 Напишано од  Објавено во СВЕТ

Компанијата „Фиат крајлсер аутомобилес“ (ФЦА) повлекува 862.560 автомобили во САД како последица од истрагата за емисија на штетни гасови што ја спроведува американската Агенција за заштита на животната средина (ЕПА).

Агенцијата соопшти дека повлекувањето на возилата ќе се реализира во фази во текот на годинава.

Ќе бидат повлечени моделите Jeep, Dodge, Chrysler и SUV, произведени од 2011 до 2016 година.

ФЦА во јануари се согласи да плати околу 800 милиони долари за казни и трошоци поврзани со спогодби во рамките на тужбата што против компанијата ја поднесоа неколку американски сојузни држави, сопственици на автомобили и американското Министерство за правда, а во која се наведува дека пикапите на „Фиат“, како и моделите СУВ на дизел-погон ги прекршиле правилата за чист воздух.