Македонија може, но недоволно ги користи водените потенцијали за производство на струја. Водата, ветерот и сонцето остануваат речиси неискористени. Додека големите економии ги користат природните потенцијали за производство на струја – Македонија само пишува стратегии кои тешко се реализираат. Според вицепремиерот за економски прашања, ваквата слика полека ќе се менува.

Македонија користи околу 1/3 од хидропотенцијалот. Годишно може да произведува околу 5.500 гигават/часови електрична енергија од вода, речиси колку што е вкупното годишното производство на струја од сите енергетски капацитети во земјава.

Дека земјава заостанува на полето на енергетиката, реагираше и европската заедница, директорот на Секретаријатот на Енергетската заедница Јанез Копач упати низа критики за земјава во извештајот за напредокот во областа на енергетиката.

  • Балансирањето на пазарот на електрична енергија за жал се уште не е регулирано, во законот се предвидени правила до 1 јануари годинава, но тоа не се случи. Регулаторната комиисја за енергетика се уште е во процес на консултации, но битно е овој процес да се финализира до првата половина на годинава. Како што знаеме во Македонија проблем се слабите ресурси во секторот енергетска ефикасност. И во министерството, и во Агенцијата за енергетска ефикасност не поседувате доволно персонал, рече директорот на Секретаријатот на Енергетската заедница, Јанез Копач.

И додека се редат реакции околу законот за енергетска ефикасност, се огласи и министерот за економија. Прашан зошто во извештајот на Енергетската заедница се вели дека се доцни со носењето на енергетските законите, Бектеши рече дека веќе се усвоени уредбите што се во надлежност на Министерството за економија, вклучувајќи ги и одредбите за обновливи извори на енергија.

КРЕШНИК БЕКТЕШИ министер за економија

  • Наведено е дека треба да се донесе нова уредба за нафтените деривати. Како Влада веќе во ноември минатата година му дадовме заклучок и обврска на Министерството за финансии кое е надлежно да ја изработи уредбата и очекуваме за многу краток рок да ја достават до Владата и да ја усвоиме, потенцира министерот за економија, Крешник Бектеши.

Инаку, Законот за енергетска ефикасност цели кон намалувањето на потрошувачката на струја во земјава и од него ќе произлезат обврски кон јавните институции и новите градби. Веќе наредниот месец предлог законот ќе биде усвоен во Владата, а потоа пратен во собраниска процедура.

Работниците прогласени за технолошки вишок од прилепски „Еурокомпозит“ денеска од 11 до 13 часот протестираа на булеварот во центарот на Прилеп, повторувајќи ги своите барања за решавање на нивниот проблем – исплата на отпремнините, на заостанатите плати и придонеси.

Според Пеце Велјаноски од иницијативниот одбор на 154-ицата работници прогласени технолошки вишок, протестите продолжувата се до испонување на нивните барања кои се познатии непроменети – исплата на отпремнините, на заостанатите плати и придонеси. Велјаноски нагласува дека има уште една недела од овој месец, а нема никакви знаци од најавите и ветувањата дека ако нема купувач за фирмата, Владата ќе интервенира со средства да се решат проблемите.

-Протестите продолжуваат, а немаме никакви знаци од Владата дека на повидок има решение. Таква беше најавата од премиерот дека до крајот на овој месец или да се продаде „Еурокомпозит“ или Владата да одвои пари да се исплтат нашите побарувања. Остана уште една недела од месецов, но нема назнаки за решавањето на проблемот. Ние остануваме со протестите сѐ до конечно решавање на нашата голгота, изјави Велјаноски.

Од фирмата, посочи, заминавме на двапати, прво 130, а потоа уште 24 работници. Овие 24-ица имаат земено само  по 5.000 денари од отпремнините, а првиот дел технолошки вишок по 30.000 денари, а сите во просек имаме отпремнини по околу 100.000 денари.

Македонската Влада и Министерството за финансии ќе ги истражат можностите за инкорпорирање на барањата на движењето „Антикоцкање“ во новиот Закон за игри на среќа. Ова денеска го соопшти претседателот на движењетоЏемал Абдиу по денешната средба со премиерот Зоран Заев и со министерот за финансии, Драган Тевдовски, објави Порталб. Едно од барањата на ова оваа организација е обложувалниците и коцкарниците да се одалечат од прометните места и „чувствителни“ објекти како што се училишта и факултети.

"Разговаравме за барањата на движењето „Антикоцкање“ и мислиме дека тие исто така се согласија со злото што ја презеде Македонија, а не само Тетово. Ние поднесовме барања, потполно се сложивме дека се благородни барања, но се разгледува на кој начин да се вклучат во законот што ќе го одобри Министерството за финансии ", рече Абдиу.

Тој додаде дека Владата наскоро ќе го искаже својот став и дека од таму добил уверување деќа ќе се види што може да се вклучи од барањата на организацијата во новото законско решение.

Хидроцентралата „Чебрен“ најверојатно ќе ја види светлоста на денот, но за Галиште изгледите за изградба се намалуваат. Долгонајавуваните енергетски проекти, кои треба да се изградат на Црна Река, се посакуван проект во македонскиот енергетски сектор, но реализацијата никако да започне.
– Проектот за изградба на хидроцентралите Чебрен и Галиште датира од седумдесеттите години на минатиот век, и иако беа објавувани неколку тендери за изградба, истите тие завршија неуспешно. Постоеше размислување во Владата за изградба на ХЕЦ „Чебрен“ од страна на ЕЛЕМ, но висината на инвестицијата за изградба на голема хидроцентрала „Чебрен“ е проценета на 600 до 800 милиони евра. Средствата за реализација, во оваа варијанта, требаше да се обезбедат со државна гаранција што значително ќе влијае на зголемувањето на јавниот долг на државата – вели вицепремиерот за економски прашања, Кочо Анѓушев. 

Но интенцијата на Владата не е да се зголемува јавниот долг за проекти што се исплатливи и за приватни инвеститори, поради што преминале на идејата „Чебрен“ да се реализира преку јавно-приватно партнерство, каде што ЕЛЕМ би бил јавниот партнер, а приватниот би се барал на јавен меѓународен тендер.

– Интерес за реализација на овој проект веќе постои од реномирани енергетски компании, кои гледаат дека регионот се развива во енергетскиот сектор и се интегрира во еден енергетски пазар – истакна Анѓушев.

Според последните пресметки, направени за хидроцентралата „Галиште“, како што објаснува вицепремиерот, проектот е неисплатлив, бидејќи условите за енергетскиот пазар се променети, односно поради доближување на вредноста на скапата и евтината тарифа.

Меѓународната финансиска корпорација (ИФЦ), која е дел од групацијата на Светска банка, била вклучена во процесот на тендерирање и анимација на странски инвеститори во минатото. Поради тоа вицепремиерот Анѓушев имал средба со регионалниот директор на ИФЦ и со дел од тимот, кој бил вклучен во проектот ХЕЦ „Чебрен“, за повторно нивно вклучување во реализацијата на проектот.

– Заклучокот од средбата со ИФЦ е дека донесувањето на новиот закон за енергетика, кој е усогласен со третиот пакет на ЕУ-директивите, како и поради решавањето на проблемот за името и придвижувањето на земјата кон членство во НАТО и во ЕУ, создадена е позитивна клима за учество на реномираните европски енергетски компании во овој проект – појаснуваат од Владата.

Во наредните недели се очекува тим од ИФЦ да ја посети нашата земја за да се утврдат детали за тендерот за јавно-приватно партнерство. Во период од неколку месеци ќе се досредат техничките детали меѓу Владата и ИФЦ за нивен ангажман како финансиски советодавен консултант. ИФЦ ќе изработи нов финансиски модел со новите состојби и цени на пазарот на електрична енергија за да се добие реална слика за инвеститорите во однос на исплатливоста на проектот.

– Нема да се изработуваат нови студии во однос на техничките детали за хидроцентралата „Чебрен“ бидејќи ги има многу. Очекуваме во тендерската постапка да има простор за флексибилност во поглед на техничките карактеристики, односно самите инвеститори да направат оптимизација и да го понудат најповолното решение. Владата во тендерската документација ќе утврди референтни вредности за техничките карактеристики врз основа на претходните студии, за да се испочитуваат и другите аспекти и поволности од овој проект, како што се наводнување, снабдување со вода, заштита од поплави и друго – појаснуваат надлежните.

Производството на електрична енергија зависи од техничките карактеристики на браната како висината, инсталираниот капацитет, режимот на работа, дали ќе биде реверзибилна или не. Се проценува дека производството на електрична енергија од „Чебрен“, би се движело во границите од 870 до 1.140 гигават-часа.

– Изградбата на „Чебрен“, во согласност со претходните студии, се проценува на 7-8 години, а поврат на инвестицијата за период од 25 до 30 години. Во минатото изградбата на оваа електроцентрала се поврзувала со изградбата на нуклеарна централа во Мариово, но во овој момент изградбата на „Чебрен“ е проект што е анализиран сам од себе, односно со оптимизација на работата заедно со постојната ХЕЦ „Тиквеш“ и евентуална изградба во иднина на ХЕЦ „Галиште“, се разбира доколку постои економска исплатливост за истата таа – додаваат од кабинетот на Анѓушев.
Во фаза на изработка е и стратегијата за развој на енергетиката до 2040 година, со техничка помош од Владата на Обединетото Кралство. Таа ќе има насоки во кој правец ќе се движи енергетскиот сектор во иднина имајќи ги предвид обврските од енергетските директиви, кој се однесуваат на климата, заштита на животната средина и кои произлегуваат од договорот за основање на енергетската заедница.

– Изградбата на хидроцентралите „Чебрен“ и „Галиште“ претставува високоинвестициски проект и најголем проблем за реализација на енергетски инфраструктурни објекти е да се обезбедат средствата – вели професорот Антон Чаушевски од Факултетот за електротехника и информациски технологии.
Тој потсетува дека досега за овие објекти имало заинтересирани субјекти како домашни, така и странски.

– Пазарот на електрична енергија е динамичен со крајно ниски цени во пролетните периоди, па економските и финансиските анализи даваат негативни показатели. Ваквите објекти мора да се разгледуваат како стратегиски инфраструктурни национални капацитети со повеќенаменски бенефиции, како наводнување, водоснабдување, туризам, рекреација – додава Чаушевски.

Највредниот старт – ап од САД, Uber минатата година регистрираше загуба од 1,8 милијарди долари, пишува The Drive.

Оваа бројка е мало подобрување споредено со онаа во 2017 година кога загубата изнесуваше 2,2 милијарди долари. Од друга страна, пак, компанијата забележа пораст на продажбата со остварени приходи од три милијарди долари во последните три месеци од 2018 година, што е за 2% зголемување од претходното тримесечје, а 25% повеќе од истиот период пред една година. Лани Uber го продаде својот бизнис во југоисточна Азија на Grab и го спои бизнисот во Русија со Yandex и нивните продажби беа исклучени од финансиските резултати на компанијата.

Не сум влијаел ниту сум вработил некого за да барам некој нешто да направи, изјави денеска министерот за земјоделство Љубчо Николовски во врска со вработувањето на негов братучед во М-нав.

– Не сум вработил член на моето потесно семејство во државни фирми, а не сум влијаел да се вработи и мојот братучед во М-нав. И порано кажав и сега го кажувам истото тука нема судир на интереси. Тој е квалитетен кадар кој се образувал во Јапонија и Словенија и е соодветен за работното место за кое конкурирал, спротивно на она што се случувало во претходниот период таму кога беа вработувани несоодветни кадри– рече Николовски

Тој рече и дека не може да попречи никого да конкурира каде што мисли дека треба и ги повика институциите да реагираат и да ги разјаснат состојбите.

– Со нетрпение ја очекувам одлуката на Антикорупциската комисија за овој случај и за унапредувањето на сопругот на пратеничката Мира Стојчевска во командир на шумската полиција во Делчево– рече Николовски.

Кинескиот гигант во електронската трговија „Alibaba Group Holding“ го зголеми својот удел во најголемата локална инвестициска банка – „China International Capital“. „Alibaba“ купи акции кои се на берзата во Хонг Конг, со што нејзинит уделот достигна 12%, покажуваат документите, пренесува „Ројтерс“.

Интернет компанијата купи 117 милиони акции по просечна цена од 15.50 хонконгшки долари. Тоа е еквивалентно на вкупна инвестиција од 1,18 милијарди хонконгшки долари (230,61 милиони долари), покажуваат пресметките на „Ројтерс“, базирани врз податоците од берзата во Хонг Конг.

Инвестицијата значи дека „Alibaba“ сега е втор по големина акционер во „CICC“, со удел од 11,74%.

Нејзиниот конкурент, „Tencent Holdings“, е најголемиот акционер со 12,01%.

Највлијателните кинески технолошки компании растат агресивно во преживеаниот „бум“ во финтех секторот, партнерството со традиционалните финансиски институции.

Имајќи две од најсилните кинески интернет компании меѓу своите главни инвеститори, „CICC“ им дава поголем пристап до нивните големи количини на информации за потрошувачите и напредна технологија додека бараат нови области за развој.

Во соопштението за „Ројтерс“, „Alibaba“ истакнува дека инвестицијата во „CICC“ ќе го зајакне нивното долгогодишно партнерство.

Од „CICC“ велат дека ги поздравуваат своите долгорочни инвеститори и се нестрпливи да работат со напредна технологија за да ги истражат финтех услугите.

По инвестицијата „Alibaba“ држи удел од 4,84% од вкупните средства на „CICC“.

На берзата во Хонг Конг акциите на банката пораснаа за 2,55%, пред објавувањето на вестите, во услови на општ пад на индексот на пазарот за 0,42%.

Европската унија (ЕУ) и САД би можеле да додаваат во економиите по над 25 милијарди евра (28,3 милијарди долари), ако одлучат да ги укинат царинските давачки за индустриските стоки според анализата на Европската комисија.

Извештајот, претставен од Европскиот парламент и земјите членки на ЕУ, е изготвен откако претседателот на САД Доналд Трамп и претседателот на Европската комисија, Жан-Клод Јункер се заложија да работат за намалување на трансатлантските бариери во трговијата.

Во јануари Комисијата претстави предлог на земјите-членки за преговори за ограничените трговски договор меѓу ЕУ и САД, што може да ги укине оспорените царини кај автомобилите и да ги задржи без промена царините во земјоделството.

Целта е да се развие позитивна трговска агенда која ќе даде опипливи и видливи резултати за двете страни, соопшти Комисијата.

Ако се укинат царинските давачки за индустриските стоки, ЕУ може да го зголеми извозот кон САД со 8%, а американскиот извоз во Унијата да порасне за 9 отсто до 2033-та година, според анализата на Европската комисија.

Ова кореспондира со зголемување на извозот од 27 милијарди евра за ЕУ ​​и 26 милијарди евра за САД.

Анализата која се појави е во позадина на стравот дека Трамп може да ги подигне увозните царини за европските автомобили и покрај договорот од јули со Јункер.

Следејќи ги трендовите на Европска Унија за дигитализација на секој аспект од царинското работење, Царинската управа денес ги промовираше курсевите за електронско учење преведени и прилагодени на македонски јазик.

Програмата за електронско учење предвидува можност за унапредување на обуките на Царинската управа, различно од класичното учење, како и можност за значително зголемен број на слушатели на обуките. Нивната достапност и флексибилност, овозможуваат полесно разбирање на царинското законодавство и се дел од заложбите на Царинска управа за блиска соработка, како со економските оператори, така и со сите засегнати од царинските постапки.

За следење на овие електронските курсеви, потребен е само пристап до интернет и на едноставен начин преку веб страната на Царинската управа, секој заинтересиран може да се стекне со основно или напредно знаење за сите теми од царинското работење. Исто така, е-курсевите се од големо значење и за подобрување на институционалниот капацитет на Царинската управа, бидејќи сега секој царински службеник, преку трите модули на курсевите, може на лесен начин и во секое време прогресивно да напредува и да достигне експертско познавање за царинските процедури.

Сите курсеви може да ги посетите на следниот ЛИНК.

Министерот за информатичко општество и администрација, Дамјан Манчевски и министерот за дигитални политики, телекомуникации и медиуми на Грција, Никос Папас потпишаа Меморандум за разбирање за намалување на цените во роаминг. Тоа значи  дека максималните цени на роаминг услугите треба да се намалат до нивото на оние цени што се применуваат во Европската унија.

Како што истакна Манчевски, целта е до почетокот на летната сезона, граѓаните на двете држави да ги почувствуваат првите намалувања на цените, а следниот чекор е целосно укинување на роамингот.

Манчевски рече дека Договорот од Преспа не значи само решавање на политички проблем, туку со него се отвораат многу перспективи за граѓаните и бизнисите од двете земји.

„Утрово имавме работен состанок со министерот Папас, директорот на АЕК, Сашо Димитријоски и заменик директорот на Грчката комисија за телекомуникации и пошти, Спирос Пантелис. На состанокот заклучивме дека се отстранети сите пречки и дека постои политичка волја од двете страни за продлабочување на соработката“, информираше министерот Манчевски.

 

Министерот за информатичко општество и администрација, Дамјан Манчевски и министерот за дигитални политики, телекомуникации и медиуми на Грција, Никос Папас потпишаа Меморандум за разбирање за намалување на цените во роаминг. Тоа значи  дека максималните цени на роаминг услугите треба да се намалат до нивото на оние цени што се применуваат во Европската унија.

Како што истакна Манчевски, целта е до почетокот на летната сезона, граѓаните на двете држави да ги почувствуваат првите намалувања на цените, а следниот чекор е целосно укинување на роамингот.

Манчевски рече дека Договорот од Преспа не значи само решавање на политички проблем, туку со него се отвораат многу перспективи за граѓаните и бизнисите од двете земји.

„Утрово имавме работен состанок со министерот Папас, директорот на АЕК, Сашо Димитријоски и заменик директорот на Грчката комисија за телекомуникации и пошти, Спирос Пантелис. На состанокот заклучивме дека се отстранети сите пречки и дека постои политичка волја од двете страни за продлабочување на соработката“, информираше министерот Манчевски.

Министерот Папас рече дека имале одлично гостопримство, што докажува дека сме стратешки партнери.

„Работа на владите е да го направат Договорот од Преспа договор за луѓето, договор кој произведува резултати којшто го подобруваат животот на луѓето и од двете страни. Договор којшто ги подобрува можностите за комуникација, за транспорт, економските можности. Драгиот пријател Дамјан кажа конкретни работи за Меморандумот којшто го потпишуваме денеска, сакам и јас да потврдам во име на Република Грција дека сме спремни да ги преземеме сите легални мерки, сите правни мерки и сите алатки, со цел граѓаните на двете земји многу брзо и пред туристичкиот период, да видат намалување во сметките за телекомуникација. Би сакал исто така да кажам дека е очигледно дека регулаторните органи од двете страни се спремни да ги стават во сила, да ги употребат законите, како што се изработени или доколку е потребно да се прилагодат за да се оствари овој Договор. Оваа посета беше многу корисна и имавме можност да разговараме и за многу други теми”, потенцираше

Компанијата оператор на проектот за гасоводот „Северен поток 2“, „Nord Stream 2“ изградила околу 700 километри од проектот од 1.224 километри, соопшти рускиот министер за енергетика Александар Новак, цитиран од ТАСС, која се повикува на соопштение на енергетскиот завод.

Министерот го кажал тоа по телефонскиот разговор со својот германски колега Петер Алтмајер, а исто така истакнал дека проектот напредува според планираното.

Двајцата министри разговарале и за последните измени во Гасната директива на ЕУ и текот на изградбата на „Северен поток 2“, како и резултатите од трилатералните состаноци Русија-ЕУ-Украина во Брисел на 21-ви јануари за идниот транзит на гас преку Украина.

Според експерти руската гасна компанија „Газпром“ ќе добие можност да го користи „Северен поток 2“ во целост, бидејќи амандманите на Гасната директива на ЕУ едвај ќе влијаат на пренесувањето на гас по него.

Претходно шефот на гасниот гигант Алексеј Милер посочи дека исполнувањето на проектот по изградбата на „Северен поток 2“ ќе овозможи евентуално испораките на гас за него да почнат од 1-ви јануари 2020-та година.

Проектот „Северен поток 2“ предвидува да се изградат две линии од гасоводот со вкупен волумен од 55 милијарди кубни метри годишно од крајбрежјето на Русија во Балтичкото Море до Германија. Објектот ќе ги заобиколи транзитните земји Украина, Белорусија, Полска и другите источноевропски и балтички земји во ексклузивните економски зони и територијални води на пет држави – Русија, Финска, Шведска, Данска и Германија.

Вкупните трошоци на проектот се проценуваат на 9,5 милијарди евра. Единствен акционер во операторот на проектот „Nord Stream 2“ е рускиот гасен холдинг „Газпром“. Партнери во него се француската „Engie“, австриската „OMV“, англиско-холандската „Shell“, германските „Uniper“ и „Wintershall“, кои ќе обезбедат 50 проценти од финансиите.

Критичарите тврдат дека со „Северен поток 2“ ќе се зголеми зависноста на Европа од Русија. Заштитници на гасоводот сепак ја нагласуваат потребата од сигурни енергетски резерви во позадина на намалениот принос на гас во ЕУ.

Страница 1 од 140