Голем број граѓани ова лето се пожалиле во Организацијата на потрошувачи дека туристичките агенции не им ги враќаат парите за неискористениот дел од одморот во Грција поради невремето што се случи минатиот месец.

– Граѓаните велат дека немале услови да останат понатаму на одмор затоа што немало струја во сместувањето што го уплатиле преку туристичка агенција и затоа бараат поврат на парите за неискористените денови. Но туристичките агенции велат дека невремето е виша сила, тие не можат да предвидат дека нема да има струја и затоа ги одбиваат поплаките на туристите – објаснува Бранко Костовски, правен експерт во Организацијата на потрошувачи.

Костовски вели дека досегашната практика покажува оти околу 90 отсто од поплаките на туристите не се прифатени од туристичките агенции.

Следните 40 години веројатно ќе бидат едни од најважните со кои некогаш ќе се соочи Европа.

Промената на политичката агенда и претстојното заминување на Велика Британија од ЕУ ги тера многу економисти да се прашуваат како различните економии ќе се справат со промената, пишува „Претприемник“.

Во 2010 година, само две години по финансиската криза, економијата на Луксембург стана најбогата во Европа, регистрирајќи драматично зголемување во периодот пред рецесија.

Богатството на економиите често се мери со БДП. Теоретски, колку подобро работи локалната економија, толку повеќе се создаваат можности (работни места, бизниси и инвестиции), што значи дека луѓето сега следат повеќе на БДП за да утврдат каде се базираат најдобрите места за инвестиции и работа .

Новиот извештај од Гросвор открива како тие мислат дека БДП по глава на жител за секој европски регион ќе се менува секоја година во текот на следните 40 години. Подолу ќе видите каде се најбогатите области во Европа сега и во наредните 20 и 40 години соодветно .

Најбогатите градови во Европа во моментов:

Луксембург
Гронинген
Инголштат
Дизелдорф
Братислава
Париз
Хајлброн
Минхен
Букурешт
Регенсбург

Во моментов, Луксембург е домаќин на најпросперитетната економија, мерена според БДП по глава на жител. Главниот град со исто име, познат по средновековниот дух, нуди не само привлечна историска архитектура, туку и одлични можности за работа.

Еве ги најбогатите градови во Европа до 2040 година:

Луксембург
Гронинген
Букурешт
Инголштат
Париз
Братислава
Дизелдорф
Даблин
Хајлброн
Виторија-Гастииз

До 2060 година, истражувањето покажува дека пет градови со седиште во Германија ќе бидат во првите 10 од најбогатите региони во Европа, вклучително и Горлиц, Ашафенбург, Дизелдорф, Швајнфурт, Нојбранденбург.

Гледајќи кои европски региони најмногу растат, германскиот град, Нојбранденбург скокнува со 168 места – најмногу од кој било град вклучен во истражувањето.

Првото место ќе го заземе главниот град на Романија Букурешт. Со плати пониски од просекот на ЕУ, тој привлекува многу странски компании.

10-те најбогати градови во Европа во 2060 година:

Букурешт
Луксембург
Гронинген
Париз
Горлиц
Ашафенбург
Даблин
Дизелдорф
Швајнфурт
Нејранденбург

Најголемата кинеска нафтена компанија ЦНПЦ, одлучи да престане да ја купува венецуелската нафта. Ова се должи на заострувањето на санкциите на САД против Венецуела, објави Блумберг, повикувајќи се на неименувани извори.

Според агенцијата, кинеската ЦНПЦ се откажала од набавка на пет милиони барели нафта, како и од планираниот натоварување на суровини за овој месец.Ова е прв пат во последните десет години официјален Пекинг да престане да ја купува венецуелската нафта. Кина досега увезувала 339.000 барели нафта на ден од Венецуела.
        
Сепак, овој случај не значи дека Кина и Венецуела целосно ги раскинале договорите за снабдување на енергенси.На 5 август американскиот претседател Доналд Трамп потпиша указ за блокирање на имотот на венецуелските власти под јурисдикција на САД, на тој начин ставајќи ја на списокот и централната банка и државната нафтена компанија ПДВСА. Кон крајот на мај беше објавено дека Кина, по стапувањето на сила на санкциите на САД, ставила крај на набавката на нафта од Иран.

Германија, најголемата европска економија, би можела да лизне кон рецесија, што би можело негативно да влијае врз останатите рвопски земји. За економската сила на Германија сведочи тоа што нејзините 84 милиони жители, односно 16 отсто од населението на ЕУ, создаваат околу 21 отсто од БДП, а нејзиниот извоз сочинува 24 отсто од извозот на сите членки на ЕУ.

Активностите во германската економија паднаа во второто тримесечје во атмосферата на трговската војна на САД и Кина и заканите за излегување на Британија од Европската Унија без договор, покажуваат официјалните податоци објавени денес.

Во периодот од април до јуи германскиот бруто домашен производ (БДП) лизна 0,1 отсто во однос на претходните три месеци кога порасна 0,4 отсто, соопшти државната статистичка канцеларија Дестатис.

Тоа е втор пат во изминатите 12 месеци економијата да забележи пад – активностите се намалија и во третиот минатогодишен квартал, но Германија сепак избегна рецесија бидејќи активностите во последните три месеци во 2018 стагнираа.

Според техничките дефиниции, рецесија настапува кога активностите паѓаат на тримесечно ниво две тромесечја по ред.

Тегот за водечката европска економија се трговските тензии меѓу САД и Кина, кои негативно влијаат врз извозно ориентираната индустрија, и отвореното прашање на британско-европските односи по излегувањето на Британија од ЕУ.

Во таква атмосфера надворешнотрговската размена негативно влијаела врз економскиот раст, бидејќи извозот паднал позилно од увозот.

Негативното влијание на надворешните фактори го ублажува солидната домашна побарувачка, поддржана од силниот пазар на труд и растот на платите, но и засиленото државно трошење.

Така личната потрошувачка во Германија во второто тромесечје порасна посилно од почетокот на годината, а засилени се и бизнис инвестирањата, открива извештајот на Дестатис.

Намалени се пак вложувањата во градежништвото, истакнува статистичката канцеларија.

Германија со падот на активностите во второто тромесечје ѝ се придружи на Британија чија економија во истиот период падна за 0,2 отсто.

Нов Зеланд станува првата земја која го легализира исплаќањето на заработка во криптовалути, објавил неодамна "Financial Times".

Даночната служба на земјата донела одлука дека платите може да се исплаќаат во криптовалути доколку таа виртуелна валута се врзува со најмалку една стандардна валута. 

Властите на Нов Зеланд исто така бараат избраната криптовалута да може да биде директно конвертабилна во некој стандарден облик на плаќање.

Како што пишува "Business Insider", тоа овозможува биткоинот, најголемата светска криптовалута според пазарната вредност, да служи како облик за плаќање на новозеландските работници кога тој нов закон ќе стапи на сила од 1-ви септември.

Предлог законот службено е поднесен на 7-ми август, а во него исто така се вели дека Нов Зеланд ќе овозможи и исплата на бонуси во криптовалути.

Варијантата за исплата на плати во криптовалути подлежи на националниот систем на плаќање на данок на заработка, а според новиот закон изземени се самовработените работници кои не можат својата заработувачка да ја префрлат во виртуелна валута.

Овој потег претставува чекор напред во воведувањето на контроверзните дигитални валути во системот на секојдневни начини на плаќање.

Криптовалутите се релативно слободни од прописи, а тоа што нивните токови не може да се следат на стандардни начини ги направило популарни кај анонимните он-лајн купувања.

Овој потег служи како уште еден чекор кон тоа властите да сфатат дека луѓето навистина сакаат да бидат исплатени во криптовалути, рекол Томас Хулме, адвокат од правничката куќа Маркел Тарнер Герет од Лондон.

Планот на АД „Електрани на Северна Македонија“ (ЕСМ) е РЕК „Осломеј“ во иднина да работи со поголем интензитет од претходно. Ова денеска го најави генералниот директор и претседател на Управниот одбор на АД ЕСМ, Васко Ковачевски, кој престојуваше во работна посета на РЕК „Осломеј“ – Кичево.

– Ќе се работи скромно, со постоечките ресурси и без непотребни трошоци, но ќе се спроведат сите набавки кои се неоходни за работниот и производниот процес за да нема никаков застој, им порача генералниот директор Ковачевски на директорите и раководителите во комбинатот.

При средбата, како што соопшти АД „Електрани на Северна Македонија“, беа утврдени чекори за забрзување на сите постапки што се неопходни за нови ископи на јаглен во рамки на рудникот на РЕК „Осломеј“. Ковачевски упати на поголема соработка меѓу РЕК „Осломеј“ и РЕК „Битола“ и на заемно искористување на заедничките капацитети на знаење и техничка логистика во рамките на АД ЕСМ.

Ковачевски со раководството на термоелектраната разговарал и за подготвеноста на капацитетот да се вклучи во производството на електрична енергија во претстојната грејна сезона, кога потребата од електрична енергија се зголемува.

– Генералниот директор се сретна и со претседателот на синдикатот на РЕК „Осломеј“, кој на раководството на компанијата му презентираше дел од активности, кои се реализираат преку членарина, но исто така и преку средствата кои АД ЕСМ, согласно законот, годишно и ги префрла на синдикалната организација, за синдикални активности за вработените во компанијата, но и за општествено-одговорни проекти и помагање на локалната заедница, се вели во соопштението од АД ЕСМ.

Уште една новина во сообраќајот доаѓа кај нашиот северен сосед. Како што пренесува Energetski portal, од 2021 година сите возила во Србија ќе мора да имаат катализатори. Целта на овој новитет е намалување на штетните издувни гасови, а со тоа и придонесување кон заштитата на воздухот и природата.

Добро е познато дека катализаторите придонесуваат за намалување на присуството на јаглерод диоксид, јаглерод моноксид како и други несогорливи честички. Со ова, Владата на Србија планира значително да го намали смогот, особено во зимскиот период и со тоа да се избори кон почист воздух, нешто со што со години наназад бројни градови и општини во Србија имаат проблем.

Европската унија (ЕУ) во својата нова стратегија за односи со земјите од Централна Азија ја разгледува можноста за набавка на туркменикански гас со цел диверзификација на снабдувањето, вклучително и можна изградба на Транс-каспискиот гасовод.

Ова го соопшти претставникот на ЕУ за Централна Азија, Питер Бурјан на првиот касписки економски форум што се одржи во Туркменистан, јавува руската новинска агенција „ТАСС“.

– Задоволство ми е што можам да кажам дека оваа година ги интензивиравме дискусии со Туркменистан за енергетска соработка, вклучително и изградба на Транс-каспискиот гасовод – рече тој.

Буријан истакна дека ЕУ не само што го гледа Туркменистан како извор на енергија, туку бара „други форми на енергетска соработка“ во својата нова стратегија за земјите од регионот.

Актуелната состојба со африканската свинска чума во регионот, ќе биде една од темите на денешниот состанок на Ловечката федерација во Велес, на кој ќе учествува и директорот на Агенција за храна и ветеринарство (АХВ), Зоран Атанасов.
Состанок на Ловечката федерација за африканската свинска чума | opserver.mk

На состанокот ќе бидат презентирани и мерките за намалување на популацијата диви свињи во земјава како една од превентивните мерки за сведување на минимум на опасноста од евентуално пренесување на вирусот на африканска свинка чума кај нас. Како што најавува АХВ, ќе се обрне внимание и на биосигурносните мерки кои треба да ги преземат ловџиите при отстрелот и манипулацијата со застреланите или угинатите свињи на ловиштата.
Состанок на Ловечката федерација за африканската свинска чума | opserver.mk

Што ново дознавме со овие бомби на „Ла Верита? Во случајот „Рекет“ се користат два начина за обезбедување на сега само аудио материјали. Од денешната бомба на „Ла Верита“ дознавме и тоа преку еден момент дека оној кој го преведувал текстот на англиски јазик, тој очигледно и гледал и слушал видео и звук, посочува Канал 5.

Во еден момент Боки 13 му покажува фотографии на Камчев, а преведувачот објаснува како да го гледа видеото и објаснува дека Боки 13 му ги покажува фотографиите. Засега прашањето е: Зошто се уште јавноста во Македонија нема можност да го види видеото, туку само да слуша? Дали самиот начин на снимање на видеото ќе покаже и кои се тие кои ја обезбедиле, според информации на Канал 5, софистицираната опрема за снимање на ваков тип на докази.

Целиот прилог можете да го погледнете ТУКА.

Заев потенцираше и дека не станува збор за ново-иселени лица, туку за нововработени граѓани во нашата земја.

Премиерот Зоран Заев на својот Фејсбук профил објави статус со фотографија, на која пишува дека во последниве две години во земјава има вкупно 49.552 нови вработувања.

Заев потенцираше и дека не станува збор за ново-иселени лица, туку за нововработени граѓани во нашата земја.

„Според Државниот завод за статистика, во првиот квартал на 2019 година евидентирани се 789.414 вработени лица, додека во првиот квартал на 2017 година вкупно вработени биле 739.892 лица. Тоа не се ново-иселени лица, туку нововработени граѓани, тука, во нашата земја“, напиша Заев.

Страница 1 од 76