Понеделник, 22 Април 2019 14:13

Карлос Гон пред ново обвинение

Откако пред кратко време повторно го уапсија, јапонските власти покренаа ново обвинение против довчерашниот прв човек на Nissan Карлос Гон. Овојпат освен за стопански криминал, тој ќе биде гонет и за тешко кршење на довербата во работењето и незаконско богатење кое и онака високата лична сметка (тој годишно заработуваше 17 милиони долари) му ја има дополнето со уште пет милиони долари на штета на компанијата што ја предводеше. Вакво нешто беше очекувано бидејќи новоодредениот притвор на Гон му истекува денеска, а според јапонското кривично право постојат ограничени можности за негово продолжување, така што единствен начин властите да го задржат под свој надзор е покренување ново обвинение според некој друг член на нивните закони.

После првото апсење Гон проведе во истражниот затвор 108 дена, а беше пуштен со кауција од девет милиони долари на почетокот на март. Тој секако ги негираше сите обвиненија против него, додека тимот што го брани потсетуваше дека пред 20 години беше прогласен за спасител на Nissan. Карлос Гон од водечката позиција на Nissan, Renault и Mitsubishi беше сменет после апсењето бидејќи аферата ја загрози стабилноста на сојузот на авто-производителите кој тој го обмисли и спроведе во дело. Последното обвинение го товари за трансфер на Nissan-ови пари во Оман за тамошниот трговец со автомобили, од каде тие понатаму биле проследени на фирма во Либан која е како што се тврди, под негов надзор. Потсетуваме, Гон има мешано француско-либанско потекло, а е роден во Бразил. Според досегашните вести приказната нема тука да запре бидејќи се спорни и 27 милиони долари проследени по налог на Гон во САД на фирми поврзани со неговиот син.

Алармантна е состојбата во текстилниот сектор. Неопходна е едукација и информација на текстилните работници за заштита од трудовата едукација, констатираат од невладиното здружение „Достоинствен работник“ кое во Прилеп ја организираше тркалезната маса, почеток на проектот „Не биди роб, информирај се за своите работнички права“. Работилницата беше со теркстилците, трудовиот инспекторат, кластерот за текстил со адовокатите.

Според државниот трудов инспектор Моника Митровска Костовска, најзагрозени се работничките права во текстилната, кожарската индустрија, во угоистителството, земјоделството. Има многу пријави и состојбата е алармантна, рече, во текстилниот сектор.

-Во текстилната индустрија најчести прекршувања на правата од работен однос се: работа на црно, зашто работодавците ги држат работниците непријавени, без договор за вработување, без да ги осигураат, ги држат подолго од полното работно време, не им овозможуваат користење на годишен одмор, ниту пак дневен или неделен одмор, доцнат со исплата на платите. Ситуацијата е доста алармантна, секојдневно имаме поплаки, секојдневно сме на теренот, вели Митровска Костовска која денеска ја презентираше темата „Жените на пазарот на трудот и мерките против трудовата експлоатација“.

За Наташа Сивевска, извршен директор на Текстилниот кластер најбитно е заедничкото дејствување на Кластерот, со синдикатот, здруженијата, по примерот на овој проект и со владините институции. Се бараат државни субвенции за зголемување на минималната плата за текстилните работници.

-Ќе бараме поддршка од владините институции, зашто компаниите не се во можност да го направат тоа второ покачување на минималната плата што се најавува. Со заедничка соработка, пак, и со синдикатот и со здруженијата, како што е овој пример со проектот на „Достоинствен работник“ да ги подобриме релациите, но и состојбите и условите за текстилните работници. Работодавците се подготвени да ја покачат минималната плата, но со соодветни субвенции од државата. Порано имаше извозни субвенции, зашто текстилната гранка е меѓу најголемите извозници, особено што 95 отсто од производството е за извоз. Сетаме дека со соодветна стимулација, преку извозот или покривање на дел од придонесите, може да се најде заеднички јазик за покачувањето на минималната плата за текстилните работници, објаснува Савевска.

Рубинчо Аризанкоски од здружението „Достоинствен работник“ вели дека преку проектот, поддржан од ЕУ преку грантова шема преку здружението „Отворена порта“ од Скопје, ќе се настојува состојбите да се подобрат, а првенствено ќе се едуцираат 50 текстилни рбаотници од Прилепскиот регион за да се заштитат од трудова експлоатација. Во Прилеп е потребен Економско-социјален совет, а работодавците да не бегаат од вакви дискусии зашто е, вели, тоа и во нивен интерес.

-Проектот има цел да воспостави механизам, едукација и информација на текстилните работнички во заштитата од трудовата експлоатација во Општина Прилеп во секторот Текстилна индустрија. Би сакале да едуцираме преку 50 работнички од текстилниот сектор за заштита од трудовата експлоатација, а со тоа да ги вклучиме и работодавците во процесот на информација и едукација за почитување на законската регулатива, поточно, Законот за работни односи и законот за безбедност и здравје при работа. Знаеме дека текстилниот сектор во Република Северна Македонија моментално е на ниско ниво и постои, за жал, можност да биде на прво место по ризикот, заедно со земјоделскиот сектор поради незаштитеноста на текстилните работнички. Овој проект ќе даде резултат и во воспоставувањето соработка со Државниот трудов инспекторат за да може текстилните работнички да се едуцираат. Особено со инспекторатот од Србија што ќе биде дел од проектот во ноември, објаснува Аризанкоски.

Аризанкоски признава дека работодавците бегаат од дискусијата, но мора да знаат, вели, дека е и во нивен интерес.

-Може да заклучиме дека прилепските текстилни компании не сакаа да се вклучат во оваа тркалезна маса и во овој процес, зашто се плашат од Државниот инспекторат за труд. Но напротив, за нив е битно да се подобрат правата на работниците и фирмите би конкурирале во Европските фондови за интеграцијата на малите и на средните претпријатија. Како здружение потенцираме дека Општина Прилеп мора да формира Економско-социјален совет каде ќе членуваат синдикатите и здруженијата специјализирани од трудовото право и од областа на безбедноста при работа, вели Аризанкоски.

Во нашата држава има околу 30.000 текстилни работници.

Цените на нафтата летнаа на највисоко ниво за пет месеци поради американскиот извештајот за санкциите во Иран.

Брент нафтата летнала за 1,7 проценти на 73,24 долари за барел што е највисоко ниво од 7 ноември минатата година. Американската WTI нафта скокнала на 65,12 долари, најмногу од 1 ноември 2018 година.

The Washington Post објави дека американскиот државен секретар Мајк Помпео планира на 2 мај да објави дека САД повеќе нема да даваат олеснувања за санкциите за било која земја што увезува иранска нафта. Потенцијалните прекини во извозот на иранска нафта би донеле до дополнителна нестабилност на нафтениот пазар.

Претходно, американскиот претседател Доналд Трамп на 8 април ја прогласи Револуционерната гарда за “терористичка организација”, а Иран ја осуди таа одлука. Вградувањето на Револуционерната гарда меѓу “терористичките организации” стапи на сила на 15 април и предизвика загриженост во врска со можниот одмазднички напад врз американските сили.

Граѓаните кои се исклучени од парно греење, а кои досега плаќаа паушал за радијаторите и за греењето, ги добија последните сметки со кои беа задолжени да го плаќаат овој фиксен надомест. Впрочем со мартовските сметки завршува оваа обврска, а веќе од април паушалот за нив се укинува. Сепак, обврзници за плаќање остануваат семејствата кои имаат радијатори, кои се исклучени, а кои не живеат во становите, односно не ги затоплуваат во зима. Од Регулаторната комисија за енергетика за Фактор потврдуваат дека за нив останува обврската да го плаќаат паушалот затоа што, анализата на МАНУ покажала дека тие реално се трошок за колективните објекти.

„Тоа е прецизна анализа и покажа дека со тоа што не загреваат влијаат на затоплувањето и затоа тие ќе мора да плаќаат, велат за Фактор од Регулаторната комисија за енергетика.

Сопствениците на становите ќе треба да докажат дека живеат во станот со лична карта, а ако имаат кираџии тоа дополнително ќе се утврдува.

Инаку „битката“ на граѓаните кои беа исклучени, а плаќаа трае подолго време. Сега се носи и нов правилник со цел да се подобрат условите за користење на парното греење и на тој начин да се поттикнат граѓаните повторно да се вклучат на топлинската мрежа. 

Цената му е екстремно висока - околу 1 милион евра за возило. Супербрзите е-автомобили на Римац ги има само во лимитиран број. Компанијата од Хрватска е колевка за иновации во областа на електромобилноста.

На саемот на автомобили во Њујорк деновиве беше претставен новиот електричен автомобил на хрватската компанија Римац. 1200 коњски сили; од 0 до 100 километри на час за 2,5 секунди. Со брзина од повеќе од 300 км/ч електричните автомобили на хрватскиот производител Римац се меѓу најбрзите во светот. Тие се конструирани од млади Хрвати, а ги промовира маркетинг тим предводен од Марта Лонгин. Таа вели дека главната разликата меѓу Римац и многу големи производители е тоа што Римац е сѐ уште со мал тим и реагира многу брзо.

„Впрочем ние започнавме со електричен погон, и никогаш не моравме да менуваме од една технологија во друга - од мотор на согорување во електричен. Ова беше наша работа од самиот почеток.“

Мате Римац со 21 година ја основа компанијата пред десет години. Тогаш инсталираше електрични мотори во стари БМВ автомобили.

Денес неговата фирма, Римац Аутомобили, со седиште во Загреб има 500 вработени. Инженерите ги развиваат автомобилите од нула. Сите компоненти се самопроизведени. Бројот на произведени возила е лимитиран и затоа еден Римац може да чини до еден милион евра.

Иновациите привлекоа инвеститори. Порше и две кинески компании имаат удел во Римац. Тие сакаат да профитираат од техничкото знаење на хрватската компанија.

„Сега се движиме и се менуваме кон поголемо производство. Ние никогаш нема да имаме масовно производство - ниту на автомобили ниту компоненти, но ќе имаме поголеми количества. Во моментов сме во состојба да испорачаме стотици батерии, електрични мотори, системи за забава“, вели директорката за маркетинг, Лонгин.

Во Хрватска, Римац е голем исклучок. Земјата живее главно од туризмот. Меѓутоа, во процесот на економско заздравување Хрватска значително заостанува зад останатите земји од Источна Европа. Многу млади, добро образовани луѓе ја напуштаат земјата. И претприемачите ги бие лош глас. „Во општеството има тенденција претприемачите да се сметаат за крадци, за нечесни. Ова е поради искуствата што ги имаат луѓето од периодот на транзицијата во 90-тите. Има бројни случаи на корупција, тогаш, но и сега“, објаснува професорот Јурица Шимурина од Економски факултет во Загреб.

И покрај бројните понуди производството да го пресели во странство, Римац опстојува на својата локација во Хрватска. Во моментов се планира отворање нова фабрика, само за производство на брзи електрични автомобили.

Државниот завод за статистика ги објави податоците за просечните плати во месец февруари.

Според податоците на Државниот завод за статистика, индексот на просечната месечна исплатена бруто-плата по вработен, во февруари 2019 година, во однос на февруари 2018 година, изнесува 105.6.

Во следниве сектори е забележано зголемување на просечната бруто-плата:

Намалување на просечната бруто-плата е забележана во следниве сектори:

Просечната месечна исплатена бруто-плата по вработен во февруари 2019 година изнесува 35.901 денар.

Според податоците на Државниот завод за статистика, индексот на просечната месечна исплатена нето-плата по вработен, во февруари 2019 година, во однос на февруари 2018 година, изнесува 104.5.

Во следниве сектори е забележано зголемување на просечната нето-плата:

Намалување на просечната нето-плата е забележана во следниве сектори:

Просечната месечна исплатена нето-плата по вработен, во февруари 2019 година, изнесува 24.192 денари.

Microsoft на 18 април објави дека ја купува Express Logic, компанија од Калифорнија која е специјализирана за развој на оперативни системи во реално време (RTOS) за IoT уреди, како и уреди кои се базирани на микроконтролори. Условите на договорот не се објавени.

Најпознатиот производ кој Express Logic го нуди на пазарот е ThreadX RTOS наменет за широкиот спектар на уреди, од оние кои се слаби со само 64 KB внатрешна меморија па до многу посилни уреди.

Финансиските детали за оваа аквизиција не се познати, но компанијата од Редмонд на овој начин ќе го зголеми бројот на уреди кои се поврзани на Azure заедно со новите паметни можности кои ќе бидат додадени во иднина.

ThreadX RTOS ќе послужи како опција за процесирање во реално време на Azure Sphere уредите, а уредите базирани на ThreadX RTOS ќе се поврзат на Azure Edge IoT уреди. За овој сектор Microsoft во наредните четири години планира да издвои околу пет милијарди американски долари.

Меморандум за соработка во кој се воспоставуваат основите за транспарентен и доверлив модел на системот на државно финансирање на граѓанските организации, што воедно е и стратегиска цел на Владата утврдена, денеска потпиша Фондацијата Отворено општество – Македонија и Генералниот секретаријат на Владата на Република Северна Македонија.

Како што соопштија од Фондацијата, нивната стратешка определба е поддршката на државните реформи во повеќе клучни области кои се од стратешка важност за Фондацијата, вклучувајќи ја и поддршката за реформите кои ќе обезбедат унапредување на условите за развој на граѓанското општество.

-Во рамките на оваа соработка, Фондацијата Отворено Општество – Македонија ќе го поддржи, ќе учествува и ќе го координира процесот на подготовка на анализа за финансиската поддршка на здруженијата и фондациите од Буџетот на РСМ во 2017, 2018 и 2019 година со компаративна анализа на моделите за државно финансирање од другите земји од Западен Балкан и ЕУ, се наведува во соопштението.

Од Фондацијата појаснуваат дека во изработената анализа ќе биде даден предлог со опции на модели за воспоставување единствен фонд за институционален развој на граѓанските организации и за кофинансирање на ЕУ проекти во Република Северна Македонија.

Ставање крај на исплаќање плати во два дела – кеш и на трансакциска сметка и утврдување плата која ќе биде достојна за трудот и примамлива за граѓаните полесно да се определат да работат во приватен сектор, најави вчера премиерот Зоран Заев.

Тој најави дека се изнаоѓаат механизми како тоа да се постигне на најквалитетен начин, но не определи време кога ќе биде донесено конечното решение.

Работодавачите и синдикатите се задоволни што конечно му дошло ред и на решавањето на ова прашање кое е причина за одлив на стручниот кадар од земјава и создавање нелојална конкуренција за работодавачите кои ги почитуваат законите.

 

Институциите, пак, велат дека веќе се работи на дефинирање на механизмите за спречување на појавата.

– Ќе се случат одредени промени во делот на севкупното давање на плата. Чесно кажувам овде дека еден дел од платите во државава се даваат во кеш. Тоа не смее да се дозволи. Не велам дека е незаконски. Има газди кои си плаќаат 11 отсто персонален данок, 11 отсто данок на добивка си го вадат кеш и го даваат на работниците како награда. И тоа им е дел од платата. Ќе направиме сега определени чекори, но со време, кога ќе дојде тоа, ќе соопштиме што ќе значат тие чекори, за да продуцираме да се даде чесно платата, бруто плата, како што треба за да биде таа доволно примамлива. Не само ние како држава што ќе правиме со тоа, туку за да имаме природен тек на примамливост. За да одам во приватна компанија во која ќе знам дека ќе имам повеќе плата, дека се почитува мојата работа, дека ќе бидам исполнет со таа работа, ќе си ја сакам и дека ќе можам да напредувам внатре и нема да бидам под политички притисок – рече Заев вчера во емисијата Клик плус на ТВ 21.

Синдикатите не се изненадени од согледувањето на потребата да се реши ова прашање, бидејќи, како што велат, со години укажуваат на сивата економија во која не се почитуваат правата на работниците, па во тие рамки и правото на плаќање придонеси и исплата на платите на трансакциска сметка.

– За поздравување е најавата дека ќе се разреши ова прашање, но поради комплексноста на проблематиката не смее да се премине преку економско-социјалниот дијалог каде што ќе се слушнат размислувањата на синдикатите, работодавачите и власта. Ние во Сојузот на синдикатите имаме добри предлог решенија кои ќе придонесат квалитетно да се реши и ова прашање и да не се дозволи понатамошен одлив на квалитетна работна сила поради непочитување на трудот и неговото вреднување – вели Павел Трендафилов од Сојузот на синдикатите.

Ангел Димитров од Организацијата на работодавачи тврди дека исплатата на плата дел во кеш, а дел на трансакциска сметка се практикува кај фирми кои се обидуваат да ги изиграат законите што е неприфатливо за поголемиот број работодавачи кои ги почитуваат законите.

– Не штитиме никого кој се обидува да работи незаконски. Добро е сѐ што ќе се понуди како решение на овој проблем. Секоја идеја е драгоцена оти ако се остави вака прашањето оди на штета на оние кои работат законски – вели Димитров.

Според него, пред да се понуди конечно решение треба да се направи анализа од каде доаѓа тој кеш, но и да се почитуваат искуствата на решавање на проблемот во светски рамки.

– Во светот веќе никој не плаќа со кеш затоа е ставен крај на сивата економија. И кај нас со исфрлањето на кешот од плаќањето видно ќе се намали сивата економија. Едно од решенијата е и повратот на ДДВ кој се најавува за граѓаните да се дава само на сметки уплатени со картичка. Има и низа други работи кои ќе ги принудат работодавачите да не исплаќаат плата во кеш, оти работниците ќе нема како да го трошат тој дел – вели Димитров.

Од Министерството за труд и социјална политика потврдуваат дека се работи на дефинирање на механизмите за спречување на исплата на плата на работниците на црно и штом се дефинираат, јавноста ќе биде информирана.

– Владата во соработка со надлежните институции (Управа за јавни приходи, Министерство за финансии, трудовиот инспекторат и др.) ќе направи конкретни чекори граѓаните да ја добиваат целата плата на сметка и да се избегне исплата на црно – појаснија од Министерството.

Раното отплатување на кредитите на Меѓународниот монетарен фонд (ММФ) е значаен чекор за Грција и ќе создаде поволни услови за економијата, изјави грчкиот премиер Алексис Ципрас.

“Остваруваме поени за економска слобода”, изјави Ципрас за локалните медиуми.

Ципрас истакна дека Грција оваа година очекува повторно да ги исполни своите фискални цели и дека резултатите ќе бидат презентирани на јавноста. Грчкиот потпарол на Владата Димитрис Цанакопулос претходно изјави дека Атина се надева дека предвреме ќе отплати “значителен дел” од преостанатите 9,6 милијарди евра што и ги должи на ММФ. Каматните стапки на задолжување паднаа на најниско ниво од 2005 година.

Цанакопулос коментарот го даде по состанокот со грчкиот министер за финансии Еуклид Цакалотос и директорката на ММФ Кристин Лагард. Грција ќе треба да добие одобрение од Европскиот механизам за стабилност или од кризниот фонд на еврозоната за предвремено отплатување на долговите кон ММФ, но претставниците на Фондот и Европската комисија веќе ја пофалија оваа идеја.

Втората по големина светска компанија за нафта и гас „Шеврон“ објави дека за 50 милијарди долари ќе ја купи компанијата „Анадорко Петролеум“.

Тоа е најголемата зделка во индустријата во изминатите четири години и доаѓа во период на пониски цени на нафтата што започна во 2014 година, објави „Фајненшал тајмс“.

„Шеврон“ нуди 65 долари по акција, што е за 39 отсто повеќе од котирањето на „Анадарко“ на затворањето на берзите во четвртокот. Понудата е во форма на 75 отсто акции и 25 проценти во готово. Акционерите на „Андарко“ ќе добијат 0,3896 акции од Шеврон и 16,25 долари во готовина за секоја акција.

Покрај тоа, „Шеврон“ ќе преземе 15 милијарди долари долг на „Анадарко“, со што зделката ќе достигне 50 милијарди долари.

Договорот се очекува да биде завршен во втората половина од годината.

За разлика од „Шеврон“, кој е водечки во секторот, и има осум рафинерии и речиси 8.000 бензински пумпи, „Анадарко“ се фокусира на истражување и експлоатација на нафта и гас, и тоа го продава на преработувачи. „Анадарко“ има околу 1,5 милијарди барели докажани резерви, што ја прави една од најголемите независни компании во секторот во светот.

Страница 1 од 166