Нов генерален директор на Пивара Скопје е Дан Тимотин, кој доаѓа на оваа функција од позицијата менаџер за продажба за Романија.

Тој го наследи Владимир Косијер, кој заминува на нова раководна функција во системот на Coca-Cola HBC, како менаџер за продажба за Русија.

Од компанијата информираат дека Тимотин е искусен менаџер кој уште од 2011 година ја гради својата професионална кариера во системот на Coca-Cola HBC, извршувајќи различни лидерски функции во секторите за финансии и продажба.

– Доаѓањето на чело на тимот на Пивара Скопје е голем предизвик за мене, на кој јас искрено се радувам. Свесен сум за досегашната богата традиција, извонредните успеси и големиот придонес и значење што оваа компанија го има за целата земја. Лично се уверив и во високите квалитети што ги поседуваат вработените во Пивара Скопје, изјави Тимотин.

Градежната компанија Адора инженеринг синоќа од Организацијата на обединетите нации ја доби наградата за компанија предводник во остварување на целите за одржлив развој 2019. Наградата, што прв пат се додели во рамките на проектот „Градење меѓусекторски партнерства за одржлив развој“, на Адора ѝ припадна за лидерската улога во изградбата и долгорочното унапредување на еко домовите и за воведување на зеленото домување во Македонија, за придонесот во изградбата на зелените градови и за креирањето порамноправен свет со еднакви можности за сите. Душко Чифлиганец, заменик генерален директор на Адора доби признание за млад бизнис лидер кој преку своето работење ги промовира целите за одржлив развој и придонесува кон нивно реализирање. Наградите, доделени од страна на организациите Конект, Agora и Network Bulgaria, со поддршка на Европската Унија и УНИЦЕФ, се признанија за бизнис компаниите и поединците за нивната активна улога во овој комплексен процес, во кој треба да се вклучиме сите за создавање на општество со хумани вредности, во кое човекот е во центарот на вниманието.

„Наградата и признанието претставуваат валоризација на 17 годишната филозофија на работење на Адора инженеринг и нејзината насоченост кон одржливиот развој, како членка на Глобалниот Договор на ООН од 2012-та година, преку Фондацијата проф. д-р Ванчо Чифлиганец, низ  несебичното залагање на менаџментот и вработените. За изградба на свет без глад и сиромаштија, за добро здравје и благосостојба и намалување на нееднаквоста, од 2014-та година, имаме поделено 3 илјади топли оброци на бездомниците, социјалните случаи и настраданите во Скопје, во Охрид и Дебрца се поделени прехранбено-хигиенски пакети на 200 ранливи семејства, а во Дедино, Конче, изграден е нов дом на место на целосно опожарениот, за семејството Трајкови. За квалитетно образование, сме доделиле голем број стипендии за талентирани и успешни ученици, студенти, спортисти и вработени во компанијата и сме го санирале дотраениот, небезбеден покрив на улишитето Д-р Златан Сремец во Скопје за 100 деца со посебни потреби. За изградба на одржливи градови и заедници, за чиста енергија и иновации, од 2006-та година го спроведуваме проектот за изградба на енергетски ефикасните домови А класа, без звучно загадување, ја озеленуваме околината на сите наши објекти и ја изградивме најголемата внатрешна градина за зелено домување во Европа со 5,5 тони растенија од природно потекло“. – порача д-р Драгана Чифлиганец, извршен директор на Адора инженеринг.

За приоритетот на создавањето праведно општество со добри услови за сите, на зачувување на животната средина и неопходноста од реформи во образованието како основа за добра економија и за добар живот на граѓаните, на доделувањето на наградите говореа вицепремиерот за економски прашања Кочо Анѓушев и претставниците на Европската Унија и УНЕСКО во Македонија. Целите за одржлив развој се визија за одржлива иднина на светско ниво, усвоени од ООН во 2015 година од 193 држави, меѓу кои и нашата и тие можат да обликуваат нова ера на компаниите, посветени и отворени за нови предизвици.

„Алкалоид АД Скопје“ објави дека остварил значителни позитивни финансиски резултати во периодот јануари-декември 2018.

Според неревидираниот единечен и неревидираниот консолидиран Биланс на успех, продажбите изнесуваат 7.506.114.294 денари, што е 8% повеќе во споредба со истиот период лани, а добивката пред финансиски трошоци, даноци и амортизација е 1.478.890.871 денари, што е зголемување од околу 13%. Единечната нето добивка изнесува 848.199.257 денари и таа е зголемена за 11%.

Вкупните консолидирани продажби, од кои 63% отпаѓаат на странски пазари, достигнуваат 9.783.285.973 денари, 8% повеќе во споредба со истиот период од минатата година. Притоа, извозот на компанијата е зголемен за 10% и за првпат беше надминат износ од 100 милиони евра. Најзабележителен раст на извозот е остварен во Унгарија, Полска и Украина.

Гледано по групи на производи, најголемо учество во продажбите заземаат производите од сегментот Фармација (85%), па следуваат ОТЦ препарати (22%), кардиолошки препарати (17%) и антибиотици (14%).

Консолидираната добивка пред финансиски трошоци, даноци и амортизација, која достигнува 1.555.516.762 денари, бележи раст од 10%, додека нето консолидираната добивка во износ од 862.410.928 денари е зголемена за 7%.

Вкупните инвестиции во основни средства изнесуваат 1,1 милијарда денари, што претставува зголемување за 26%. Во ист период, во „Алкалоид“ се реализирани 212 нови вработувања.

Во 2018 година имаме највисок раст на просечната нето-плата во последните девет години, дури неколкукратно повисок во однос на претходните години, вели за МИА министерот за финансии Драган Тевдовски. 

Како што наведува, во 2018 година се чуствува ефектот на раст на минималната плата, но исто така влијание има и растот на продуктивноста.

-Во декември 2018 година просечната плата се приближува до 26 илјади денари или тоа е скоро две илјади денари повеќе во однос на декември 2017 година. Ова несомнено најголем раст на просечната плата последниве девет години. Втор најголем раст имаме во 2017 година. Ако во 2017 ефект имаше подигнувањето на минималната плата, во 2018 година воочлив е ефектот на зголемување на продуктивноста на фирмите, вели Тевдовски.

Тој очекува позитивниот тренд да продолжи и наредниот период. Позитивен ефект се очекува и од напредокот во евроатланските интеграции, што ќе придонесат за интензивирање на инвестициската активност и раст на економијата.

Министерот за финансии вели дека Владата и понатаму ќе продолжи со мерките и политиките што се во насока на подобрување на животниот стандард на граѓаните. Тој додаде дека од една страна се активните мерки за вработување за кои секоја година оваа Влада обезбедува повеќе средства, што треба да обезбедат поголема адекватност на пазарот на труд. Од друга страна е поддршка на бизнисот, домашните и странски инвестиции, во насока на креирање повеќе и подоброплатени работни места.

Според податоците на Државниот завод за статистика, просечната месечна исплатена нето-плата по вработен, во декември 2018 година, во однос на декември 2017 година, изнесува 8,1 отсто.

На годишаната сесија на Светскиот Инвестицики Форум на Бизнис Ангели (WBAF), кој се одржува во периодот 17-19 февруари во Истанбул, Турција, Македонската делегација предводена од страна на Сенаторот на WBAF за Македонија, проф. д-р Леонид Наков, како и од министерот
д-р Зоран Шапуриќ, задолжен за регулатива за подобрување на инвестициската клима за домашните претпријатија постигна значаен успех.

IMG_20190219_083001.jpgЗа прв пат во историјата на македонското учество на овие Форуми на најголемите приватни инвеститори на неформален ризичен капитал, WBAF избра еден македонски иновативен бизнис - PowerAD од Струмица, кој е успешно оценет и селектиран во групата на 50 напредни, конкуренти стат-ап бизниси од целиот свет, а кои на Форумот ќе добијат ексклузивна директна можност за финансирање на сопствената бизнис идеја од многубројните инвеститоти присутни на годинешниот Форум, кои потекнуваат од европските и светски мрежи на бизнис ангели“, изјави проф. д-р Леонид Наков.

Ксенија Вангелова, директор на BIC-SR – Регионален бизнис центар за иновации истакна дека голем успех е што стат ап-от PowerAD од Струмица се најде меѓу првите 50 иноватори стат ап бизниси на Светскиот Форум во огромна конкуренција и додаде дека ова е само почетокот на презентирање на македонските иновативни идеи како потенцијал за вложување од инвеститори и можност за раст на македонските претприемачки проекти.

 

Македонски Телеком продолжува со реновирање на продавниците низ државата, процес со којшто, освен нови атрактивен амбиент како резултат на модерниот дизајн, на корисниците им нуди можност одблиску да се запознаат со врвните услуги и решенија. Па така, денеска e отворена реновираната продавница во Кавадарци, каде што, како и во останатите Телеком продавници, при уредувањето на внатрешноста е пренесен локалниот дух на градот.

Со реновирањето, Телеком продавницата во Кавадарци нуди врвна услуга од тимот на искусни продажни агенти, одличен преглед на уредите, како и на останатите понуди од богатото портфолио на компанијата. Продавницата има нов интерактивен продажен концепт со самоистражување низ забава, но овозможува и функционално запознавање со сите комуникациски услуги на Македонски Телеком.

Реновираната Телеком продавница во Кавадарци покрај подобрата услуга, за посетителите нуди мултимедијално искуство, кое побрзо доведува до корисничка одлука и до задоволување на индивидуалните потреби. Отсега жителите на Кавадарци, но и граѓаните од регионот, во продавницата можат брзо и лесно, сè на едно место, да го најдат она што им одговара најмногу, овозможувајќи им на тој начин беспрекорно корисничко искуство.

Со континуираните инвестиции, Македонски Телеком и натаму останува на својата стратешка определба да продолжи да обезбедува врвни технолошки решенија, предводејќи го процесот на дигитализација на општеството и истовремено водејќи грижа за задоволување на интересите на секој корисник поединечно. Компанијата е фокусирана на македонските граѓани да им се донесат најдобрите комуникациски решенија и услуги со што ќе можат да уживаат во придобивките на модерното време.

Добитник на наградата „Автомобил на годината“ за 2019 на македонскиот пазар е „форд фокус“.

Во трката за наградата автомобил на годината беа пет возила и тоа „киа цид“, „цитроен Ц5 еркрос“, „опел грандленд Х“, „форд фокус“ и „волво ХЦ40“.

Победничкото возило „форд фокус“ доби 69 бодови од жирито, пред „цитроен Ц5 еркрос“ со 67 и „киа цид“ модел што доби 66 бода. Признанието СУВ на годината го доби моделот „цитроен Ц5 еркрос“.

Изборот на автомобил на годината се организира по 24 пат, а при избор на победникот се оценуваат адекватност и понуда на домашниот пазар, економичност и еколошка прифатливост, безбедност и примена на технолошки достигнувања, возни својства, дизајн и комфор и опременост. 

Поголема транспарентност, усогласување со меѓународните практики и поголем креидбилитет кај меѓународните институции и инвеститори се очекуваните ефекти од измените на Законот за јавен долг кои ги изработи Министерството за финансии, а кои се во собраниска процедура. Со измените се предлага враќање на негарантираниот долг во пресметката за јавен долг.

- Негарантираниот долг беше дел од пресметката на јавниот долг до 2014 година, кога со измени на законот беше изземен. Ова решение беше критикувано од ЕУ веќе во следните заеднички заклучоци од министерскиот дијалог во 2015 година. Беше критикувано и од тогашната опозиција и експертска јавност.Вклучувањето на негарантираниот долг во пресметката на јавниот долг е: прво во насока на поголема транспарентност, второ во согласност со препораките на меѓународните институции како ММФ, Светска банка, Европска комисија, и рејтинг агенции - истакнува министерот за финансии Драган Тевдовски.

Со измените на законот се воведуваат и други решенија и механизми со кои јавниот долг ќе остане под контрола и транспарентно ќе се известува за него. Со измените се враќа изработката на Стратегија за управување со јавен долг како одделен документ. Стратегијата ќе биде тесно фокусирана на управувањето со државниот долг, портфолиото и структурата на државниот долг.

Законските измени предвидуваат и Министерството за финансии да врши кредитна анализа и проценка на кредитна способност на носителите на јавен долг при издавање на државна гаранција, согласно посебна пропишана методологија за проценка. Со ваквиот пристап се прави усогласување со правилата и законодавството на ЕУ при контрола при издавање на државни гаранции. 

Измените на законот се во насока на заложбите на Министерството за финансии за прудентно управување со јавниот долг. Резултат од овие заложби е податокот дека јавниот долг на крајот од минатата година е стабилизиран, односно е понизок во однос од пред две години. Имено ако во 2016 јавниот долг изнесуваше 48,8% од БДП, сега изнесува 48,7%.

Податоците за економската активност за третото тримесечје од 2018 година покажаа раст на домашниот бруто-производ (БДП) од три проценти, што е малку подобро во однос на очекувањата, соопштија од Народна банка по одржаниот Комитет за оперативна монетарна политика.

Од таму велат дека има поволни поместувања во економијата во четвртиот квартал, при забрзан раст на активноста во индустријата и прометот во трговијата, како и висок раст на извршените градежни работи, наспроти нивниот пад во третиот квартал на минатата година.

„Последните податоци за девизните резерви покажуваат нивен натамошен раст, при поволни движења на девизниот пазар и интервенции со нето-откуп на девизи од страна на Народната банка. Растот на девизните резерви во јануари 2019 година, засега е малку поумерен во однос на проектираниот раст за првиот квартал, а анализите на показателите за нивната адекватност покажуваат дека девизните резерви и натаму се одржуваат во сигурната зона. Според досегашните расположливи показатели за надворешниот сектор, податоците за надворешнотрговската размена за периодот октомври – декември 2018 година укажуваат на остварување подобро трговско салдо во однос на очекувањата“, се вели во соопштението на Народна банка.

Народната Банка (НБРМ) чува 2 милијарди 867 милиони евра. Девизните резерви пораснале за 531 милион евра за една година.

Според последните податоци заклучно со 31.12.2018 НБРМ располагала со 2 милијарди и 615 милиони евра во хартии од вредност, 389 милиони во валути и депозити, 247 милиони во монетарно злато. Заедно со останатите помали позиции вкупната вредност на девизните резерви достигнува над 2.8 милијарди евра.

Најголем раст е остварен кај хартиите од вредност, ова пред се е резултат на поволните текови на меѓународните финансиски пазари кои изминатата година главно беа во позитива.

Во првата половина од минатата година резервите флуктуираа, но во втората половина имаа тенденција на континуиран раст.

НБРМ оценува дека девизните резерви се адекватни и се одржуваат во сигурната зона.

„Последните расположливи податоци за бруто девизните резерви за четвртото тримесечје на 2018 година упатуваат на квартален раст, наспроти умерениот пад очекуван со октомвриските проекции“ заклучува Советот на Народната Банка.

Девизните резерви освен во евра и американски долари се чуваат и во австралиски и канадски долари, како и во норвешки и шведски круни. Оваа практика стана поизразена пред неколку години откако се засили кризата во Евро зоната.

Инаку девизните резерви ја гарантираат вредноста на денарот. И стојат на располагање на Народната Банка за регулирање на нерамнотежите во платниот биланс и на девизниот пазар.

Гледано по години, во 2018-та девизните резерви пораснаа за 531 милион евра, во 2017-та се намалија за 277 милиони евра, а во 2016-та пораснаа за 351 милион евра.

За една деценија девизните резерви се речиси дуплирани, пораснале за 1.4 милијарди евра. На крајот на 2008-та биле нешто под 1.5 милијарди евра.

Со хуманата акција „Голови за победа, голови за радост“ Sport Life обезбеди средства кои ќе бидат донирани за набавка на два нови премиум монитори за виталните параметри кај пациентите за потребите на КАРИЛ – Клиниката за анестезија, реанимација и интензивно лекување при Универзитетскиот клинички центар „Мајка Тереза“.

На светското ракометно првенство, од 10-ти до 27-ми јануари, Sport Life навиваше заедно со сите нас, притоа наградувајќи го секој гол на македонските ракометари со донација од 2.000 денари, на кој начин се достигна до износот на донацијата и истиот се заокружи на 400.000 денари. За постигнатите голови на македонските ракометари може да се потсетиме и на следниот линк: https://sportlife.com.mk/golovizaradost

Целта на Спорт Лаjф беше преку оваа хумана акција да придонесе кон она што е најпотребно и најважно за сите нас – здравјето, и во таа насока по пристигнување на опремата, во соработка со претставниците на Министерството за здравство, истата ќе биде врачена на клиниката за КАРИЛ.

Страница 6 од 10