Испечатете ја страната

Светска банка ќе финансира инфраструктурни проекти

Петок, 12 Април 2019 12:48 Напишано од  Објавено во ФИНАНСИИ
Оценете ја оваа вест
(0 гласови)

До 2023 година во земјава ќе влезат 420 милиони долари за инфраструктурни проекти и за вложување во човечки ресурси. Парите се од Светска банка и ќе се влечат периодично, зависно од проектите кои ќе ги одобрува бордот на директори на оваа меѓународна финансиска институција. Според планот, за изградба и реконструкции на локални патишта ќе бидат одобрени 70 милиони долари.

За олеснување на трговијата и транспортот за Западен Балкан предвидени се 26 милиони долари. Поголемиот дел од парите ќе бидат за наменети за проекти поврзани со образованието, социјалата, здравството, енергетската ефикасност, но пред се во доменот на човечкиот капитал. Од 420 – те  милиони долари, поголемиот дел се неповратни средства, но има и заеми кои се договорени со многу ниска каматна стапка, велат од министерството за финансии.

Освен министерот за финансии Драган Тевдовски на средбите со претставниците со Светска банка е и гувернарката на Народната банка, Анита Ангеловска Бежоска.