Оилко бележи раст на приходите и добивката

Вторник, 13 Август 2019 09:22 Напишано од  Објавено во КОМПАНИИ

Компанијата ги објави финансиските резултати за првите шест месеци од оваа година.

Во периодот јануари-јуни 2019 година „ОИЛКО КДА Скопје“ оствари вкупни приходи во висина од 196,9 милиони денари и кај истите има 10,6% зголемување споредбено со истиот период од 2018 година.

Во структурата на вкупните остварени приходи најголемо учество, 63,82% имаат приходите од домашен транспорт на деривати кои во споредба со остварените во истиот период во 2018 година бележат пораст од 17,39%.

Во периодот јануари-јуни 2019 година компанијата оствари вкупни расходи во висина од 182,6 милиони денари и кај истите има 5,7% зголемување споредбено со истиот период од 2018 година. Во структурата на вкупните остварени расходи најголемо учество, 29,87% имаат расходите за бруто плата кои во споредба со остварените во истиот период во 2018 година бележат пораст од 14,22%.